2 Samuel 6:3 - Dios Iwene

^3-4 Japjoma Abinadab mikwo̧ ejunö ji̧nobe, ja̧danö jejuma mösa'o ja'yuwa'o wa̧pekwa'o ji̧nobe. Ja̧danö, ja̧pjo emajadö, koluka yayakanö tjaninobe, pa̧ka̧yadö tötjobö. Ikenama Abinadab i̧tji̧mu Uza mikwo̧bi, Ajio mikwo̧bi jwetjeba̧lonö, jobetjö latjebinobe. Ja̧danö kwetjachonö, Ajioma pa̧ka̧yadö tjabönö jwebeba̧lö i̧'yinobe.

2 Samuel 6:3 Iomraidhean Croise

1 Crónicas 15:13

Jau chömöledö, ajayinö Dios iteapjo baikwö dichejebobö jö̧da̧linenama, ökwödö Levisaso jojodöma kwekatinaduwokobe, ja̧danö jobekwö sulabenö kwedatiökwe, duluwo̧ Isabenö Jo̧ Diosma ödameakwinobe ökwödönö, ja̧danö ökwödönö lȩebinobe. Jau, Dios weina, otiwanö iteapjo kweatakwawa jawa weina otiwanö da̧ja̧kwinokobetjö̧, ökwödönö ödameakwinobe, —jö̧ba̧lö weinobe Davidma Levisaso jojodötjö luwedönö.

1 Samuel 6:7

Baikwö yödawaduwakwö Dios iteapjo otiwanö tjekataduwakwa̧ma: Koluka yayaka kwotidaduwo, ja̧danö du̧ju̧taja pa̧ka̧yadö i̧yanö tji̧tji̧munö emajadönö kwemaduwo, la'akatjöda ju'wi jaye töawa wajwibadönö. Ja̧danö, ja̧ka yayaka tötjobö di̧bataduwidönö, jo̧kwaijayonö tji̧tji̧munö 'döbebö tjuluwo̧ ejube tjekataduwodönö.

1 Samuel 7:1

Jejenö yötjawiawö̧, Quiriat-jearim jojodötjö ju'wedö ichö tjeminobe Isabenö Jo̧ iteapjoma. Ja̧danö, emajadö, e'ewö tjȩwa̧jinobe Abinadab mikwo̧, mö'ösa'o ja'yuwa'onö jo̧ ejube. Ja̧danö jo̧ba ejunö junö, Abinadab itji̧ Eleazar mikwo̧nö 'da̧batö tjujuninobe, Isabenö Jo̧ iteapjo teada̧lo̧ baibanö.