2 Samuel 5:9 - Dios Iwene

⁹ Ja̧danö 'diinö tjöekwobe Jerusalen comunidad juluwajo̧, Davidma jobe pjolachö ö̧jinobe itebo baibanö. Ja̧danö ja̧ comunidad imidinobe, David itebo comunidad jö̧ba̧lö. Ja̧danö Davidma nöinö comunidad tjotidobö weinobe, jalobe baibanö. Milo ötjabobetjö jamatö, comunidad okwa baibanö nöinö tjotidinobe.

2 Samuel 5:9 Iomraidhean Croise

2 Samuel 5:7

Jo̧kwaijayonö, jejenö tjomukwatijayonö, Davidma 'diinö tjöbebö tjotidinemi comunidad ujuluwinobe, iteda itebo comunidad baibanö. Ja̧ comunidadma ju'wi imi 'diinö tjöekwobe Sion ötjabobe, ju'wi imi David itebo comunidad jö̧ba̧lö ötjabobe.

2 Samuel 5:8

Baikwö laebobe David Jerusalen ujuluwina wenema: Comunidad 'diinö tjöbebö tjotidinajayonö, ojwe teachemi sotjinobe, comunidad jojodö jelö watjobö. Ja̧danö Davidma iteda ömöayedö ölakwabikwawa jojodönö yöa̧linobe, —Jebuseo jojodönö tjujuluwo jö̧ba̧ladöma, ojwe teachemibenö tetjacho, jwiinö chöpöjödawö̧ tjötjeba̧lakwedö jö̧tja̧linawö̧ kwebachöködönöbi, tjöbajale tjewawadönöbi kwabö lotjobö, —jö̧ba̧lö. Jo̧kwajabetjö jejenö tebachö tjujuluwinobe jebuseo jojodönö. Ja̧danö, ja̧ David yöa̧linatjö laebobe babe jojodö yötja̧li̧ma, —Kwebachöködöbi tjöbajale tjewawadöbi o̧do okwa tebachöködö, —jö̧ba̧lö.

2 Samuel 6:10

Jo̧kwajabetjö̧, iteda itebo Jerusalen, David itebo comunidad ötjabobe e'ewobö öpöjödobetjö̧, jelobe jobetjö yöneawobe junö tji̧'yinobe, Gat comunidad jojo Obed Edom mikwo̧ ejube. Ja̧danö Obed Edom ejunö ujuninobe Isabenö Jo̧ iteapjoma.

1 Reyes 11:27

Baikwö baledinobe jo̧ba Jeroboan Salomon öpöjojo baibina wenema: Jeroboanma israel jojodötjö ölakwabikwawa juluwo̧ ö̧jinobe, ja̧danö waisanö 'diinö otido̧ ö̧jinobe. Salomonma otiwanö otido̧ ö̧ji̧ edinobe, jo̧kwajabetjö̧ Jerusalen tjöekwemibi, Milo ötjabemibi otidenama, Jeroboannö ujuninobe, okobe deinö Jeroboan ömöledösaso Efrain jojodötjö tjotidobö wetjawö̧ tjuluwo̧ ö̧jobö.

1 Reyes 2:10

Jemi ikenama, a'dödökwö babibö, ö'wö baibinobe Davidma, ja̧danö ö'wö babibajo̧nö tjo̧tjinobe Jerusalennö, ju'wi imi David itebo comunidadnö.

1 Reyes 9:15

Salomonma ba̧jȩkwadö jojodönö omudawö weinobe, iteda ömöayedö babibö, wei̧ jawa otidö tjö̧jobö. Ja̧danö, jobadö Salomon ömöayedö tjotidina jawama, baikwö laebobe: Salomon weawö̧, Isabenö Jo̧ ejubi, Salomon ejubi, Jerusalentjö Milo jö̧ba̧lö ötjabemibi, Jerusalen comunidad tjöekwemibi. Ja̧danö ju'wibi, pjolö lotjina comunidadbiya Jazor comunidadbi, Meguido comunidadbi, Guezer comunidadbi, yemidanö tjotidobö weinobe.

1 Reyes 9:24

Ja̧danö, ju'wi Salomon otidinama, baikwö laebobe. Ilekwo bajibanö eminoko Faraon itjiju jö̧jakweju otidinobe Salomonma, ja̧danö otidö kaatenama, ajayinö jö̧jinelö, David itebo comunidad ötjabelö labebö, yayeju jejube jopjolachinobe. Jemi ikenama, Milo ötjabemibi otidinobe Salomonma.

2 Reyes 12:20

Ja̧danö, Joas ömöayedötjö ju'wedö omukwatö tjujuninobe, jo̧banö kwabö lotjoböma, ja̧danö ju'wi möle Sila comunidadbe 'ya̧kwawama mana ö'öböseju Milo mikwejunö ö̧jenama, Joasnö kwabö lotjinobe.

2 Reyes 12:21

Jobadö Joasnö kwabö lobinadöma, yöne ömöayedö Simeat itji̧ Josacar mikwo̧bi, Somer itji̧ Jozabad mikwo̧bi. Ja̧danö ö'wö babibajo̧nö tjo̧tjinobe a'dödökwö, a'dö David itebo comunidad ötjabena. Ja̧danö, Joas la'aka luwo̧ öjinemi, itji̧ Amasiasma la'aka luwo̧ baibinobe.

1 Crónicas 11:8

Ja̧danö Davidma nöinö comunidad tjotidobö weinobe, jalobe baibanö. Milo ötjabobetjö jamatö, comunidad tjöekwemi baibanö nöinö tjotidinobe. Ja̧danö David ja̧ otidonö, Joabma ju'wi Jerusalen comunidad jawa 'yayinö baibanö otidinobe ömöayedökwö.

Isaías 29:1

Baikwö laebobe Dios yöawi̧, Jerusalen comunidad jawama: Ayö, Davidmine tjösawö ujuluwinemi comunidad Jerusalen jojodöwe. Isabenö usula kwemawaduwakwedöja ökwödö Jerusalen jojodöma, ökwödö ba̧kwelöjatebö o̧ba bakwabakwena ba'ali junadöma.

Jueces 9:20

—Jo̧kwajabetjö̧, jejenö sulabenö ja̧köbinaduwobetjö̧, baikwö wanedö yötawa: Abimelectjö ökwöla laebobö jo̧be, Siquen luwedönöbi, Bet Milo luwedönöbi ubinö, ja̧danö ökwöla Siquen luwedötjöbi, Bet Milo luwedötjöbi laebobö jo̧be, Abimelecnö ubinö, —jö̧ba̧lö labinö yöa̧linobe Jotanma, Siquen jojodönö.

Jueces 9:6

Ikenama, okobe deinö Siquen comunidad la'aka luwedöbi, Bet Milo comunidad luwedöbi, ko̧ko̧kwö, inesö nöowi Encina towibe tji̧'yinobe, Siquen comunidad ö'öbö towibema, ja̧danö jobetjö̧ Abimelecnö 'da̧batö tjujuninobe, inesö la'aka tjuluwo̧ baibanö ö̧jobö.