2 Samuel 5:4 - Dios Iwene

⁴ David israel jojodö tjuluwo̧ ö̧jina wene baikwö laebobe. Treinta o̧bia juna̧lo̧, ajayinö la'aka luwo̧ baibinobe Davidma, ja̧danö cuarenta o̧bia baledibanö la'aka luwo̧ ö̧jinobe.

2 Samuel 5:4 Iomraidhean Croise

Génesis 41:46

Joséma Egipto la'aka luwo̧ faraón wei̧ jamatö otidena treinta a̧yo juna̧lijetö. Ja̧danö, otidiabijetö Joséma faraón ö̧jelö labebö okobe jwiinö Egipto nijinö kwebachö 'ya̧nö.

1 Reyes 2:11

Ö'wö baibakwa̧ abönö, cuarenta o̧biya baledibanö israel jojodötjö la'aka luwo̧ ö̧jinobe Davidma. Jelemutjö dötölataja o̧biya baledibanö, Hebronnö ja̧nö webö ö̧jinobe Davidma, jadanö treinta y tres o̧biya baledibanö, Jerusalennö ja̧nö webö ö̧jinobe.

1 Crónicas 26:31

Ja̧danö Hebron itji̧mu tupadanö jojodötjö jelo̧ma Jerias mikwo̧. Hebron itji̧mu tupadanö jojodö tjimibiya wȩyukwa'yenö jo̧ba Jerias imi laebobe, —Jeriasda okobe deinö Hebron itji̧mu tupadanö jojodötjö la'aka luwo̧bina, —jö̧ba̧lö. Davidma ida̧ökö cuarenta o̧biya jenanö webö ö̧jenama, tjimibiya wȩyukwa'ye yöba̧lö tjisakwinobe, Hebron itji̧mu tupadanö jojodöma didöjö jö̧ba̧lö, ja̧danö isakwajadö, Hebron itji̧mu tupadanö jojodötjö otikwa waisadönö tjöbadekwajinobe Galaad niji comunidad Jazertjö.

1 Crónicas 29:27

Jelemutjö dötölataja o̧biya baledibanö, Hebron comunidadnö ja̧nö webö ö̧jinobe Davidma, ja̧danö treinta y tres o̧biya baledibanö Jerusalennö ja̧nö webö ö̧jinobe. Jobekwö Hebrontjöbi, Jerusalentjöbi cuarenta o̧biya baledibanö, israel la'aka luwo̧ ö̧jinobe Davidma.

1 Crónicas 3:4

Jobadö jelemutjö bakwo̧bedö Hebron comunidadnö ö̧jayi tjeminawö̧. Jobe Hebron comunidadnö ja̧nö, jelemutjö dötölataja o̧biyabi, jelemutjö bakwo̧ jawo̧döbi baledibanö webö ö̧jinobe Davidma, ja̧danö jemi ikenama Jerusalen comunidadnö ja̧nö, treinta y tres o̧biya baledibanö webö ö̧jinobe.

Lucas 3:23

Jesúsma treinta o̧biya jenanö ujuna̧lenama, jamatö yöawinobe jojodönö. Ja̧ yöbawö ö̧jina wene chiwȩyudakwa̧ abönö, baikwö Jesús a'dödö tjimibiya chiwȩyudobe, jo̧banö kwöwaisobö, Isabenö Jesúsda Dios weakwo̧ jö̧a̧linökwe, jö̧ba̧lö. Jau, damötjö Diosma yöbawö ujuninobe, wetakwo̧ jö̧ta̧lökwema, bite ö̧'dö̧dötjö tupadanö jojoakobe, ja̧danö bitebi ö̧'dö̧dötjö tupadanö jojoakobe jö̧ba̧lö. Jo̧kwajabetjö̧ Jesús a'dödö tjimibiya chiwȩyuda, ja̧ Dios yöbawö ujuninama, Isabenö Jesúsnöda badekwachobe, jö̧ba̧lö öwaetjöda öwawobö. Jesúsma okobe deinö tjo̧mukwatinökwe, José itji̧, jö̧ba̧lö, ja̧danö Joséma Elí itji̧inobe.