2 Samuel 5:2 - Dios Iwene

² Isabenö ökwöda duluwo̧ kwö̧jobö jo̧be David, baikwö yöda̧la: Damötjö Saulmine duluwo̧ ö̧jayi, ökwöda ökwödötjö ölakwabikwawa jojodönö ökibijatö, döpöjojodönö dujuluwobö. Ja̧danö ökwönöda yöbawö ujuninobe Isabenö Jo̧ma, –Chömöledö israel jojodönö öbibö kwiteada̧lakwo̧ja, ja̧danö la'aka tjuluwo̧ kwö̧bakwo̧ja, –jö̧ba̧lö ökwönöda yöbawö ujuninobe. Jo̧kwajabetjö̧ isabenö inesö la'aka duluwo̧ kwö̧jobö jo̧be, —jö̧ba̧lö Davidnö yötja̧linobe.

2 Samuel 5:2 Iomraidhean Croise

Génesis 49:24

Jo̧kwaijayonö Diosma jobadönö pjaatakwo̧, chuluwo̧ Diosma, Jwiinö Juluwo̧ Diosma. Ja̧danö, jo̧ba Diosma jwiinö te'ada̧lo̧, jwiinö pjabato̧. Jo̧bada ökwötjö tupadanö jojodönö pjaatobetjö̧ tju̧kwa 'böpöma tjö̧bawökönö, ja̧danö tjöjabiyabi tjö̧bawökönö labinö sedatö 'bötjakwedö tjöpöjojodönöma.

2 Samuel 6:21

Yöja̧liökwe, Davidma atadinobe, —Ja̧ kwedaja̧ma, Isabenö Jo̧ öba a'otjö, jo̧banö ösödö dötatö. Jo̧ba chösödökwe Isabenö Jo̧da, ötjönö omudawö juninama, israel niji̧ la'aka luwo̧ batibanö. Jau Mical, kwabe'donöbi, kwöjawo̧dönöbi öpöjödö, Isabenö Jo̧ma ötjönö omudawö ujuninobe, iteda ömöledö israel jojodö tjuluwo̧ batibanö, jo̧kwajabetjö̧ tabakwökönö jo̧ba öba a'otjö cho̧'wo ösöwachibanö döbö chöjakwo̧sa.

2 Samuel 7:7

Ja̧danö niji bakwemeachibanö israel jojodökwö kwetachonö, ba̧kwelöjatebö israel jojodönö jwebebadönö webiachijatö, chömöledö israel jojodönö tjiteada̧lobö, jö̧tö? Jobadö teada̧ladötjö bakwo̧nöbi wetinaji̧, O̧do cedro ötebiyatjö otikweju kwotido, chö̧jobö jö̧ba̧löma? Wetijökötö David, –jö̧ba̧lö yötawaja̧ Davidnö yökawo, —jö̧ba̧lö yöawinobe Diosma, Natannö.

2 Samuel 7:8

Tupakwö yöawinobe Diosma, Natan Davidnö yöawakwa̧ma: —Jo̧kwajabetjö̧, baikwö yökawo chömöayo̧ Davidnö: –David, baikwö yöawobe Isabenö Jo̧ Okobe Jwiinö Juluwo̧ Diosma ökwönö, Ayayinöma mejenö ja̧nö, obejadönö teada̧lö kwö̧jijatö, jö̧tö? Jo̧kwaijayonö jobe mejetjö ökwönö omudawö chemijatö, ja̧danö emajo̧, ökwönö chujunijatö, chömöledö israel jojodötjö inesö la'aka tjuluwo̧ bakibanö.

2 Reyes 20:5

—Tjebachajö chömöledö Juda jojodötjö la'aka luwo̧ Ezequiasnö yökawo: –Ezequias, baikwö yöawobe kwa'dö Davidmine ösödinökwe Isabenö Jo̧ Diosma: Akebaja̧ cha̧ja̧kwajabe, ja̧danö kwubudekwaja̧ chedajabe. Ja̧danö a̧ja̧kwajo̧, baikwö chatadakwö: Kwö̧bibajinö pjatatakwo̧sa Ezequias. Wapötakwa möle baibenama, ida̧ökö bi̧bajo̧, ötjö Isabenö Jo̧ chejube kwi̧'yakwo̧ja,

1 Crónicas 11:2

Isabenö ökwöda duluwo̧ kwö̧jobö jo̧be David, baikwö yöda̧la: Damötjö Saulmine duluwo̧ ö̧jayibi, ökwöda ökwödötjö ölakwabikwawa jojodönö ökibijatö, döpöjojodönö dujuluwobö. Ja̧danö ökwönöda yöbawö ujuninobe Isabenö Jo̧ma, –Chömöledö israel jojodönö öbibö kwiteada̧lakwo̧ja, ja̧danö chömöledö israel jojodö la'aka tjuluwo̧ kwö̧bakwo̧ja, –jö̧ba̧lö ökwönöda yöbawö ujuninobe. Jo̧kwajabetjö̧ isabenö inesö la'aka duluwo̧ kwö̧jobö jo̧be, —jö̧ba̧lö Davidnö yötja̧linobe.

Isaías 40:11

Jo̧ba Diosma iteda ömöledönö otiwanö iteada̧lakwo̧, obejadönö teada̧lo̧ iteda ajwimunö iteada̧li̧danö. Obejadö tji̧tji̧munö emö, apjö̧alö e'ewobedanö, ja̧danö ajwi̧mu metu'wo ja̧dönö dösölö̧jinö öibi̧danö otiwanö iteada̧lakwo̧ Diosma, iteda ömöledö Juda jojodönö.

Isaías 55:4

Jau chömöledö, jo̧ba Davidnö chujunijatö, tjitebotenia jojodönö chujulu i̧sȩbö yöbawo̧ baibanö, ja̧danö inesö la'aka luwo̧ baibanö, ölakwabikwawa jawa luwo̧ baibanö chujuninökwe, tjitebokwena jojodö tjuluwo̧ ö̧jakobetjö̧.

Mateo 2:6

Judea niji comunidad Belenma, ja'yuwemijayonö, ju'wi Judea niji comunidadteniatjö nijakwönönöma mikwawokobe Belenma, isabenö mikwawemi, jobetjö la'aka luwo̧ ichakobetjö̧, ja̧danö jo̧bama chömöledö Israel jojodönö ite'ada̧lakobe, jö̧ba̧lö iwȩyudinobe—.

Juan 10:11

Ina yöawinobe: —Ötjödasa, o̧bȩja̧dönö otiwanö te'ada̧lo̧ma. Ja̧danö chöpöjojodö tjichitjö̧bi kabatibö̧kö̧sa chite'ada̧lawö̧nöma, chöpöjojodö ötjönö kwabö lotjenatjö̧bi. Te'ada̧lo̧sa, kwabö lotjenatjö̧bi.

Hebreos 2:10

Ja̧danö chömöledö, döwaisa. Diosma okobe jwiinö otidina. Ja̧danö, okobe jwiinö otidinama iteda otiwi̧, ja̧danö iteda ujulu i̧sebobö otidinobe. Ja̧danö, Diosma iteda otidinawö̧nö itekwöda ba̧kwȩlö̧jatebö tjö̧jobö ösödo̧, jwiinö otiwobe ö̧jobema. Jo̧kwaijayonö Diosma ökwödönö, suli̧ juna̧ladönöma ¿dakwö teatoböda jobekwö? Teatokobe chömöledö. Jo̧kwaijayonö jweinö omukwatö Diosma badedö ujuninobe iteda Itji̧ Jesúsnöma, ökwödönö pjaatobö. Jejenö omukwatö weinobe Itji̧ Jesúsnö böjȩkwö usula emawö woobö, ökwödö dumusidi̧ midawö. Jejenö Jesús, Dios weinökwema ökwödö dö̧jibinö okobe jwiinö pjabato̧ baibinobe. Chömöledö, okobe jwiinö dö̧jibinö pjaatinobe Jesúsma, ja'yubebi ji̧bökönö. Ja̧danö, Jesús ökwödö dö̧jibinö pjabatinama ökwödö, Dios ju'wedö i̧tji̧munö bakwo̧ öibi̧danö öibakwo̧ Dios jwiinö otiwemi ö̧jobekwö, iteda otiwi̧ dewinö idejati̧ i̧sebemima. Isabenö chömöledö, Diosma jweinö omukwatö badedö ujuninobe okobe deinö i̧tji̧mu jo̧bakwö tjö̧jobö jwiinö otiwobema. Itji̧ Jesúsbi, ju'wedö i̧tji̧mubi okobe deinö jo̧bakwö tjö̧jobö jweinö omukwatö badedö ujuninobe Diosma.

1 Samuel 13:14

Jo̧kwaijayonö, a̧ja̧kwökönö kwö̧jiökwe, israel jojodö la'aka luwo̧ kwö̧ji̧ma, lekwema kwö̧jö̧kakobe. Isabenö Jo̧ma iteda omukwati̧danö omukwato̧nö isakwajabe, ja̧danö jo̧banö weajabe, ökwö kwö̧jo jö̧ka̧lemi jo̧bada iteda ömöledö israel jojodö tjuluwo̧ ö̧jobö. Ökwöma Dios wei̧ a̧ja̧kwökönö kwö̧jiökwe, Isabenö Jo̧ma balekwo̧nö kwö̧jemi ö̧jobö weobe, —jö̧ba̧lö yöawinobe Samuelma, Saulnö.

1 Samuel 16:1

Jemi ikenama, ja'yubenö lekwajabetjö̧, Isabenö Jo̧ma Samuelnö yöa̧linobe: —Samuel, ida̧ökö Saulnö öpöjödö yöta̧lajabe, Saulma chömöledö israel jojodö tjuluwo̧ ö̧joböma chöpöjöda jö̧ba̧lö, ¿jö̧tö? Jo̧kwajabetjö̧, dokwa lekwe ina Saulnö o̧'wo tjo̧achö kwubudekwakwa̧da? Tjowi, budekwö kabati. O̧te tobebi i̧sa̧yunö, ja̧danö jayu e'ewö Belen jojo Isai ö̧jobekwö 'ya̧wi, jo̧ba itji̧mutjö bakwo̧nö omudawö chujunajobetjö̧, israel jojodö la'aka tjuluwo̧ baibobö, —jö̧ba̧lö.

1 Samuel 18:13

Jejenö omukwatö, Saulma öba a'otjö David 'da̧bachibö i̧'yobö weinobe, ja̧danö Davidnö milbedö ölakwabikwawa jojodö tjuluwo̧ baibanö junö, öpöjojodönö ölakwabikwawö i̧'yobö webiainobe. Weökwe, Davidma ömöayedönö öbibö tjöpöjojodönö ölakwabikwawö 'yi̧ainobe, ja̧danö jobadönö juluwajo̧ ȩwa̧jiainobe.

1 Samuel 18:16

jo̧kwaijayonö ju'wedö israel jojodöbi, David ömöledö Judasaso jojodöbi jwiinö Davidnö tjösödinobe, —Isabenö bitema otiwanö döpöjojodötjö dö̧jibanö pjabato̧, —jö̧ba̧lö.

1 Samuel 18:5

Ja̧danö, Saul ömöayo̧ ölakwabikwawa jojo ja̧nö, Davidma okobe jwiinö Saul wei̧ otiwanö otidinobe. Ja̧danö, kabatökönö ju'wedönöbi, ju'wedönöbi ölakwabikwawö ujuluwobö weena, otiwanö waekwökönö ujuluwinobe Davidma. Jo̧kwaiökwe, Saulma Davidnö ösödö ujuninobe, ölakwabikwawa jojodötjö la'aka tjuluwo̧ baibanö. Ja̧danö, ja̧ Davidnö luwo̧ baibanö ujunaja̧ edö, okobe deinö jojodöbi, ju'wedö Saul ömöayedöbi edö tjösödinobe, —Otiwanö Davidnö ujunajabe, —jö̧ba̧lö.

1 Samuel 25:28

Ja̧danö kwöba a'otjö wene chujuna̧li̧ omukwatökönö söbebö loköbobö atebakwö chuluwo̧. Jau chuluwo̧, chöwaisakwö, ökwöma Isabenö Jo̧ wei̧ otidö, jo̧ba öpöjojojodönö ölakwabikwawö jo̧ja jö̧ba̧lö, ja̧danö ju'wibi chöwaisa, jejenö wei̧danö ölakwabikwawö kwö̧jiökwe, Isabenö Jo̧ma isabenö ökwönöbi, kitji̧mu tupadanö jojodönöbi ujunakobe, inesö la'aka luwedö kwö̧jaduwinö. Ja̧danö chöwaisa chuluwo̧, Dios ökwönö pjaatobetjö̧, ina kwö̧jayi bakwo̧bi ökwönö suli̧ öwaedobö jwiakobe.

1 Samuel 25:30

Jau chuluwo̧, Isabenö Jo̧ma otiwanö ökwönö pjaatakwa̧ wene yöawinobe, ja̧danö jö̧a̧linadanö isabenö pjaatakobe, ja̧danö isabenö ökwönö ujunakobe, israel jojodö la'aka duluwo̧ bakibanö.

1 Samuel 9:16

Itekwayi babedajayenö bakwo̧nö kwö̧jobekwö wetocha, Benjamin niji jojodötjö bakwo̧nö. Jo̧banöda uunö o̧te tokebö, jo̧bada chömöledö israel jojodö la'aka tjuluwo̧ baibakobetjö̧. Isabenö chömöledö israel jojodöma filisteo jojodötjö usula emawadö, ja̧danö usula emawö ötjönö tjubudekwajabe, jo̧kwajabetjö̧ tjubudekwi̧ a̧ja̧kwö lȩlöinö edö jo̧banö omudawö chujunocha, filisteo jojodötjö tjö̧jibanö pjaatobö, —jö̧ba̧lö.