2 Samuel 5:13 - Dios Iwene

¹³ Hebrontjö labebö, Jerusalen comunidadnö ö̧jobö i̧'yinobe Davidma, ja̧danö Jerusalennö ja̧nö Davidma ju'wedö ilekwamunöbi eminobe, ja̧danö ajayitjö bajalekwönönö ba̧jȩkwadö i̧tji̧mu ömadönöbi ya̧dönöbi 'yaebinobe Jerusalentjö.

2 Samuel 5:13 Iomraidhean Croise

2 Samuel 12:2

Luwo̧danö jo̧ma, nöinö a̧jwi̧munö ujuna̧linobe, pa̧ka̧yadönöbi, obejadönöbi,

2 Samuel 5:12

Jo̧kwajabetjö̧, okobe jwiinö ja̧ baledi̧ edö, Davidma öwaisachibinobe, —Isabenö Jo̧ Diosma isabenö israel jojodötjö inesö la'aka luwo̧ batibanö pjaatajabe, —jö̧ba̧lö, ja̧danö, —Iteda ömöledö israel jojodönö ösödobetjö̧, nöinö chujuluwachibanö pjaatajabe, otiwanö israel jojodönö yöbawö chö̧jakobetjö̧ —jö̧ba̧lö öwaisachibinobe.

1 Reyes 11:3

Isabenö ba̧jȩkwadönö eminobe Salomonma, ju'wedö la'aka luwedö tji̧tji̧mu ya̧dötjö, setecientasbedönö eminobe, ilekwamu batjibanö, ja̧danö ju'wedöbi ömöayedödanöbedö ilekwamunö, trescientasbedönö eminobe. Ja̧danö, Dios ajayinö yöa̧linadanö baledinobe, jobadö Salomon ilekwamuma, jwaikwöda Diosnö ösödö ö̧ji̧ kaatibobö ötjibinobe.

1 Crónicas 3:1

La'aka luwo̧ David itji̧mu, Hebron comunidadnö ö̧jayi ilekwamu tjeminawö̧ma bidö: Abönö pöe Amnon mikwo̧ma, David ilekwo jezrelita jojosuju Ajinoan mikwuju jeminökwe. Ikena jojo Daniel mikwo̧ma, Carmel jojosuju Abigail mikwuju jeminökwe.

1 Crónicas 3:9

Okobe deinö jobadöma David itji̧mu ömadö, ilekwamu tjeminawö̧ma. Ju'wibi David ömöayedödanö ilekwamubi tji̧tji̧munö tjeminobe, ja̧danö Tamar mikwujuma jobadö tjöjawuju jö̧jinobe.

Deuteronomio 17:17

—Ja̧danö ba̧jȩkwadö ilekwamunö emoko kwuluwo̧duwi ö̧jakwo̧ma, jwaikwöda Diosnö ösödo jö̧a̧li̧tjö 'da̧bachibö i̧'yobö ötjibapji jö̧ba̧lö. Ja̧danö nöinö orobi, platabi iteda ujuna̧lobö emoko, inesö la'aka luwo̧ kwuluwo̧duwi ö̧jakwo̧ma.

1 Samuel 25:43

Abigailnö emakwa̧ abönö, jelujunöbi eminobe Davidma, Jezreel jojosuju Ahinoam mikwujunö. Jo̧kwajabetjö̧ Ahinoambi, Abigailbi David ilekwamu tjö̧jinobe.