2 Samuel 3:3 - Dios Iwene

³ Jo̧ba öjawo̧ma, Quileab mikwo̧. Quileab ojo'doma, Carmel jojosuju Nabal wobö ujunibinoko Abigail mikwuju. Jo̧ba öjawo̧ma Absalon mikwo̧. Absalon ojo'doma, Guesur niji̧ la'aka luwo̧ Talmay mikwo̧ itjiju Maca mikwuju.

2 Samuel 3:3 Iomraidhean Croise

2 Samuel 13:1

Bakwuju David itjiju Tamar mikwuju jö̧jinobe, David itji̧ Absalon öjawuju, jwiinö otiwujuma. Ja̧danö ina i̧so̧kwö jö̧kuju jö̧jinobe Tamarma. Ja̧danö, David itji̧ Amnon mikwo̧ma, öjawuju Tamar mikwujunö ösödinobe, otiwuju, isujunö 'da̧towe jö̧ba̧lö. Kabatökönö jobujukwö ö̧jobö omukwatinobe, dakwö chöjawujukwö chö̧jakwajö jö̧ba̧lö, ja̧tjö 'dö̧achi̧ baibenanö kabatö.

2 Samuel 14:23

Ikenama, David weaja̧danö, Joabma Guesurbe i̧'yinobe, Absalonnö isakwö, ja̧danö jo̧banö öbibö ȩwa̧jinobe Jerusalenbe.

2 Samuel 14:24

Jo̧kwaijayonö, Jerusalenbe tjichibenama, öba a'o Absalon ichibobö weinokobe Davidma, —Wainö, iteda ejunö ö̧jobö jo̧be, chöba a'o ichibobö jwibo̧, —jö̧ba̧lö. Jo̧kwajabetjö̧, iteda ejunö ö̧jinobe, ja̧danö la'aka luwo̧ David öba a'o ichibinokobe.

2 Samuel 14:32

Abebö a̧ja̧kwökwe, —Belö ökwönö jwötijatö, baikwö kwichobö, –Chiminö chabe'do la'aka luwo̧nö akebobö jö̧ta̧la, –jö̧ba̧lö, ja̧danö kwichokobetjö̧, tjujuwajabe. Jau Joab, baikwö la'aka luwo̧ chabe'donö akebobö jö̧ta̧la, –Absalonma abebö a̧ja̧kwobe, Tajawedö Guesurtjö chichobö ökibaja̧da? Jobetjö latebinökötjö̧ma, otiwo jö̧a̧linena. Ökwö la'aka chuluwo̧ kwöba a'o chichibobö jö̧ta̧la, ja̧danö kwedemi isabenö wene chujuna̧litjö̧ma, kwabö loköbobö jo̧be, –jö̧ba̧lö chabe'donö akebobö jö̧ta̧la, —jö̧ba̧lö atadinobe Absalonma.

2 Samuel 15:7

Ja̧danö, ö'wejemu jawa o̧biya baledaja̧ ikenama, Absalonma la'aka luwo̧ Davidnö aebinobe, —La'aka chuluwo̧, Hebron comunidadbe chi̧'yobö jö̧ta̧la, jobetjö Isabenö Jo̧ Diosnö kwabö juwö chiyobö. Jau chuluwo̧, ötjö kwömöayo̧ siria niji comunidad Guesurnö chö̧jayi, isabenö ja̧takwa̧ wene yöbawö chujunijatö, –Isabenö Jo̧ Dios Jerusalenbe chȩwa̧jobö pjaatitjö̧ma, isabenö Hebronbe 'ya̧nö, jobetjö Isabenö Jo̧ Diosnö ösödö kwabö juwö chiyocha, —jö̧ba̧lö. Jo̧kwajabetjö̧ yö̧bawö chujunina badekwachinö Hebronbe chi̧'yobö atebakwö, chi̧'yobö weköbakwa̧ji̧? —jö̧ba̧lö aebinobe Absalonma abe'do Davidnö.

2 Samuel 18:33

Jejenö yöawökwe, jwiinö o̧'wo tjo̧achinobe Davidma, ja̧danö o̧'wo tjo̧achö, apjude wamesȩko̧be budekwö önöchinobe. Ja̧danö 'ya̧nö, —Chitji̧ Absalonwe, chitji̧ Absalonwe, ökwö 'yaba̧lo̧ kwö̧jonö ötjöda ö'wö batibatjö̧ma, otiwo jö̧a̧lajena, chitji̧we, chitji̧we, —jö̧ba̧lö o̧'wo tjoachö ubudekwinobe Davidma.

2 Samuel 2:2

David ilekwamuma bidö, Jezrel comunidad jojosuju Ajinoan mikwujubi, Nabal wobö ujunibinoko Carmel jojosuju Abigail mikwujubi. Ja̧danö, kwi̧'yo jö̧ba̧lö Dios weökwe, Davidma ilekwamunöbi, ömöayedönöbi, ömöayedö tjö̧möledönöbi öbibö Hebron comunidadbe i̧'yinobe, jobe tjö̧jobö. Ja̧danö Hebronbe 'ya̧jadö, jobe tjö̧jinobe, Hebrontjö pjei̧ comunidadnö.

1 Reyes 2:15

Wejökwe, —Kwöwaisa Betsabe, abönö pöe chö̧jobetjö̧, ötjöda la'aka luwo̧ batibobö ji̧nobe, ja̧danö okobe deinö israel jojodöma ötjönö tjomukwatinobe, –Adoniasda inesö la'aka luwo̧ baibakwo, –jö̧ba̧lö. Jo̧kwaijayonö, la'aka luwo̧ chö̧jo̧ jö̧ta̧lemima, chöjawo̧nöda baledajabe, Isabenö Jo̧ Dios jo̧banöda la'aka luwo̧ baibobö weinobetjö̧.

1 Crónicas 3:1

La'aka luwo̧ David itji̧mu, Hebron comunidadnö ö̧jayi ilekwamu tjeminawö̧ma bidö: Abönö pöe Amnon mikwo̧ma, David ilekwo jezrelita jojosuju Ajinoan mikwuju jeminökwe. Ikena jojo Daniel mikwo̧ma, Carmel jojosuju Abigail mikwuju jeminökwe.

1 Crónicas 3:2

Ikena jojo Absalon mikwo̧ma, David ilekwo Gesur niji la'aka luwo̧ Talmai itjiju Maaca mikwuju jeminökwe. Ikena jojo Adonias mikwo̧, David ilekwo Haguit mikwuju jeminökwe.

Deuteronomio 3:14

Ja̧danö, Manasesaso jojo Yair mikwo̧ma, ömöledönö öbibö, okobe jwiinö Basan niji Argob ötjabemi ujuluwinobe, guesureos jojodö tjitebo ö'öböbe ichibanö, ja̧danö macateos jojodö tjitebo ö'öböbe ichibanö. Ja̧danö, jemi ikenama ja̧ ujuluwaja̧ niji Basanma, iteda iminö imidinobe, Javot Yair jö̧ba̧lö. Jo̧kwajabetjö̧ babe mölebi ina ja̧ nijima imidinadanö Javot Yair jö̧ba̧lö mikwobe.

Josué 13:13

Ja̧danö, ja̧ Guesur jojodöbi, Maca jojodöbi tjitebo niji 'da̧batö iyinajayonö, israel jojodöma Guesur jojodönöbi, Maca jojodönöbi a'dewö lotjinokobe, jo̧kwajabetjö̧ jobadö Guesur jojodöbi, Maca jojodöbi ina babebi israel jojodö tjö̧'da̧de tju̧ju̧kwobe, babe mölebi baibanö.

1 Samuel 25:3

Jo̧ba imima Nabal jö̧ba̧lö imikwinobe, ja̧danö ajayinö ji̧na Caleb mikwo̧ itji̧ tupadanö jojo. Ja̧danö Nabal ilekwoma Abigail jö̧ba̧lö mikwinuju. Ja̧danö Nabal ilekwoma isabenö otiwuju, ja̧danö waisanö omukwatö ja̧bö ju̧ju, jo̧kwaijayonö Nabalma jojodönö labina, ja̧danö sulabenö ja̧bö ji̧na.

1 Samuel 25:42

Ja̧danö yöba̧laju, Abigailma jömöayedö bakwamu ya̧dönö öbibö, juluwanö jajwi bulonö wanö, David weaja̧wökwö ji̧'yinobe David öjobekwö. Ja̧danö, David ö̧jobe ichibö, David ilekwo bajibinobe.

1 Samuel 27:8

Baikwö laebobe David jobe filisteo jojodö tjitebonö ö̧jina wene. Jobe tjö̧jonö, Davidma ömöayedönö öbibö, ju'wedö israel jojodö tjöpöjojodönö ölakwabikwawö, tjitea emö 'yi̧a̧inobe, gesurita jojodönöbi, gezritas jojodönöbi, amalecitas jojodönöbi, israel jojodö tjichibakwa̧ abönö ja̧ nijinö jinadönöma. Jobe David ölakwabikwawö yi̧nemima, Telam comunidadtjö a̧likwö Shur niji baibanö, ja̧danö egipto niji badeibö baibanö.