2 Samuel 3:20 - Dios Iwene

²⁰ Hebronbe i̧'yenama, Abnerma ömöayedötjö veintebedönö öbibö i̧'yinobe ja̧danö tjichibiökwe, Davidma ösödinobe, ja̧danö jobadökwö ba'ali ujuninobe, bakobe ösödabikwawö tjukwobö.

2 Samuel 3:20 Iomraidhean Croise

Génesis 26:30

Ikenama kwakwawa tjotidobö webijetö Isaacma ömöayedönö. Ja̧danö ichajadöma kwakwa kwijadötö. Owawa owijadötö, tjabakwa̧ abönö.

Génesis 31:54

Ikenama Jacobma iteda a̧jwi̧mu̧tjö̧ bakwo̧nö kwabö juwö iyijetö Diosnö ösödö. Kwaajökwe ömöledönö tjukwobö, Ichaduwi kwukwaduwo, jö̧ba̧lö, jwöbijetö. Kwanö kabatö abijadötö jobe, mö'ösa'iju ba̧ba̧lawena.

2 Samuel 3:19

Ja̧danö Saul ömöledösaso Benjamin jojodönöbi jejenö yöa̧lakwawinobe Abnerma, ja̧danö yöba̧lakwawajo̧, Davidnö edö i̧'yinobe Abnerma, Hebronbe. Davidnö yöawobö i̧'yinobe Abnerma, —Benjaminsaso jojodöbi, ju'wedö israel jojodöbi, ökwö Davidnö inesö la'aka tjuluwo̧ baibanö tjujunobö ösödadötö, —jö̧ba̧lö.

2 Samuel 3:21

Ja̧danö, jobe yöba̧lakwawö, Abnerma Davidnö yöa̧linobe, —Chuluwo̧, kwösöditjö̧ma, okobe deinö israel jojodönö ko̧ko̧dö chi̧'yocha, ko̧ko̧kwö ökwökwö isabenö kwömöayedö batjibakwa̧ wene yöbawö tjujunobö. Ja̧danö, jejenö kwösödi̧danö okobe deinö israel jojodö inesö la'aka tjuluwo̧ kwö̧jakwo̧ja, —jö̧ba̧lö yöa̧linobe Abnerma Davidnö. Yöa̧lökwe, David ösödinobe, —Yöka̧laja̧danö ja̧baji, —jö̧ba̧lö. Ja̧danö jejenö ja̧otö jö̧ba̧lö, wene jwiinö David ö̧jelö laebinobe Abnerma.

1 Samuel 25:36

Ja̧danö, jejube Nabal ö̧jobekwö jȩwa̧bijenama Abigailma jilekwenö jöbadekwajinobe, ba'ali juno̧nö. Inesö la'aka luwedö tjujuni̧jaye ba'ali ujuninobe, ja̧danö o̧'wo ösöwanö jwiinö 'dukwachökwe ö̧jinobe. Jo̧kwajabetjö̧, 'dukwachökwe ö̧jioko, Abigailma jo̧banö yöjawinokokobe baledaja̧ma, ikena möle dewachenanö kabatö.