2 Samuel 24:4 - Dios Iwene

⁴ Jo̧kwaijayonö, jejenö öpöjödö atadijayonö, yayonö la'aka luwo̧ Davidma jwaikwöda labinö weinobe Joabnöbi, ömöayedö ölakwabikwawa jojodö tjuluwedönöbi, jojodönö tjö̧ba̧jadobö. Jo̧kwajabetjö̧, weawö̧, tjuluwo̧ ö̧jelö labebö, israel jojodönö tjö̧ba̧jadobö tji̧'yinobe.

2 Samuel 24:4 Iomraidhean Croise

2 Samuel 24:3

Weökwe, Joabma öpöjödinobe, —La'aka chuluwo̧, jejenö dö̧ba̧jadoko. Isabenö dömöledö israel jojodö tjö̧ba̧jekwachobö jo̧be, ja̧danö kwuluwo̧ Isabenö Jo̧ Dios babe tjö̧ji̧tjö jwiinö bajalekwönönö tjö̧ba̧jekwachinö pjaatobö chösöda, ina 'yaba̧lo̧ kwö̧jayi tjö̧ba̧ja̧dökenanö tjö̧ba̧jekwachibobö chösöda. Jo̧kwaijayonö, tajawedö jojodönö dö̧ba̧jadobö kwösöda, dö̧ba̧jaditjö̧ma sulena la'aka chuluwo̧, —jö̧ba̧lö atadinobe.

2 Samuel 24:5

Jordan ojwe pebibö, Aroer comunidadtjöbi, ju'wi comunidad jobe pjeanö wabeko jȩmi comunidadtjöbi, jamatö tjö̧ba̧ja̧dinobe. Ikenama, jobe ba̧ja̧dadö, u'dakwö ba̧ja̧dö tji̧'yinobe, Gad nijibenö, Jazer comunidadbe.

1 Crónicas 21:4

Jo̧kwaijayonö, jejenö öpöjödö atadijayonö, yayonö la'aka luwo̧ Davidma jwaikwöda labinö weinobe Joabnö, jojodönö ö̧ba̧jadobö. Jo̧kwajabetjö̧, weökwe, uluwo̧ ö̧jelö labebö, israel jojodönö ba̧ja̧dö i̧'yinobe, ja̧danö ba̧ja̧dajo̧ Jerusalen comunidadbe ȩwa̧jinobe.

Éxodo 1:17

Jejenö weajayonö jobadö tjemunö tjemobe te'ada̧lakwawa ya̧döma Diosnö yetjabobetjö̧ inesö la'aka luwo̧ weaja̧ma a̧ja̧kwijöködötö. Hebreo ya̧dö tjemawö̧nö ömadönöma kwabö lobijöködötö.

Éxodo 30:12

— Moisés, ökwödötjö la'aka luwedöma jojodö tjimibiya ba̧ja̧dö tjiwȩyudena tjiwȩyudajawö̧ma bakwo̧nökwena ötjönö, Isabenö Jo̧nö imidobö jo̧be, jo̧badönö kwabö lotökakobetjö̧. Ja̧danö, jwiinö labi̧ jawa wetökakobetjö̧ ötjönö tjiyobö jo̧be, bakwo̧nökwena tjimibiya wȩyukwadöma.

Hechos 5:29

Jejenö jö̧a̧liawö̧ Pedroma ju'wedö Jesús webawedöbi jö̧ba̧lijadötö: —Ökwödöma Dios wei̧da a̧ja̧kwadösa. Böjȩnö jojodö wainö wetji̧ma, Dios weidanömaökö wetji̧ ja̧doböma jwiobe yelösöda.