2 Samuel 24:1 - Dios Iwene

¹ Ja̧danö, Isabenö Jo̧ma yemidanö israel jojodönö ödameakwinobe. Baikwö laebobe jobadönö ödameakwina wenema. Davidnö weinobe, israel jojodönö suli̧ waedö, jobadönö ba̧ja̧dakwawa weobö, baikwö: —Israel jojodönöbi, juda jojodönöbi kwö̧ba̧jado, kwömöayedö ölakwabikwawa jojodönö kwöwaisobö, dokwa ba̧jȩkwadö tjö̧jojobö, —jö̧ba̧lö.

2 Samuel 24:1 Iomraidhean Croise

Génesis 45:5

Chömöledö, ötjönö mikwanö kwiyinaduwa omukwatö kwo̧'wo tjo̧bekwaduwökönuwi. Ja̧danö, ökwödödada kwomajadeduwi okwanöma labiduwökönuwi, dakwö sulabenö ja̧dinajö, jö̧ba̧lö. Isabenö yötawaduwakwö: Diosda bai chichobö weinobe ötjönöma ökwödö kwabönöduwi ökwödönö pjatatobö, 'yaba̧lö kwuju̧kwaduwobö.

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.

2 Samuel 12:11

Tupakwö yöawinobe Natanma, Davidnö: —Jau David, isabenö wene ja̧kobe bemi tupakwöma, baikwö laebobe Isabenö Jo̧ ökwönö yöawi̧ma: –Isabenö yö̧ne kwömöledötjö wene baibobö wetocha David, ja̧danö kwilekwamunö 'döbebö, jelo̧ kwömöledöso̧nö chiyocha, ja̧danö jo̧bama waapji ö̧jakobe kwilekwamukwö, kwömöayedöbi, ökwöbi baledi̧ kwöwaisaduwinö.

2 Samuel 16:10

Jejenö yöa̧liökwe, la'aka luwo̧ Davidma atadinobe, —Bi̧ya baledi̧ma ökwödö Sarvia jitji̧mu jawamaökö Abisai. Jau, wajwida ökwödöma, Isabenö Jo̧ Diosda jo̧banö weajena, Davidnö sulabenö yöka̧lo jö̧ba̧lö, ja̧danö Jo̧bada jejenö weatjö̧ma, kabatibi jö̧ba̧lö wedoböma jwiobe.

2 Reyes 3:6

Jobekwö kaatibiökwe, Samaria comunidadtjö labebö, okobe deinö israel niji ölakwabikwawadönö o̧ko̧kodinobe Joramma, Moab niji jojodökwö tjölakwabikwawakobetjö̧.

1 Crónicas 21:1

Ja̧danö, Awetjama israel jojodönö suli̧ öwaedobö isakwinobe, ja̧danö wea̧linobe Davidnö, israel jojodötjö ölakwabikwawa jojodönö öba̧ja̧dobö, ömöayedö dokwa ba̧jȩkwadö tjö̧jojobö jö̧ba̧lö.

1 Crónicas 7:2

Ja̧danö Tola mikwo̧ itji̧mu tupadanö jojodötjö, sasokwena la'aka luwedöma bidö: Uzi mikwo̧bi, Refaias mikwo̧bi, Jeriel mikwo̧bi, Jahmai mikwo̧bi, Jibsam mikwo̧bi, Semuel mikwo̧bi. Tola itji̧mu tupadanö jojodöma ölakwabikwawa juluwadö tjö̧jinobe, ja̧danö Tola itji̧mu tupadanö jojodö tjimibiya wȩyukwa'yenö laebobe, inesö la'aka luwo̧ David ö̧jinena möle, Tola jojodötjö ölakwabikwawa jojodö juluwadöma veintidos mil seiscientosbedö tjö̧jinobe.

1 Crónicas 7:40

Okobe deinö jobadöma Aser itji̧mu tupadanö jojodö, ja̧danö jobadöma tjömöledösasokwena luwedö tjö̧jinobe. Jobadöma luwedö otiwadö tjö̧jinobe, ja̧danö ölakwabikwawa jawa juluwadö. Ja̧danö Asersaso jojodö tjimibiya wȩyukwa'yenö laebobe, Asersaso jojodötjö ölakwabikwawa jojodöma, veintiseis milbedö tjö̧jinobe.

Éxodo 7:3

Aarónma jejenö yöa̧lijayonö faraónma omajade 'diinö wetobetjö̧ öpöjödakobe. Jwiinö chujulu chi̧sebima, ju'wibi, ju'wi labi̧ jawa Egiptonö webö chi̧sebijayonö

Hechos 4:28

Ja̧danö, jobadöma ökwöda ajayinö kwujulunö badedö kwujuninada baledobö ja̧tjinobe— abebijadötö Diosnö.

2 Tesalonicenses 2:11

Ja̧danö, isabenö wene tjöpöjödobetjö̧, Diosma weakobe, wajwibö tjomukwatobö, ja̧danö omöna wene tjösödobö.

Jueces 2:14

Israel jojodö Isabenö Jo̧nö kabatibö, ju'wedö tjösödawö̧nö sulabenö tjösödiökwe, Isabenö Jo̧ma jwiinö ödameakwinobe israel jojodönö, ja̧danö jobadönö iyö loinobe, tjöpöjojodö jobadönö tjujuluwobö. Jo̧kwajabetjö̧ ölakwabikwawö naukwabidö tjitea tjö̧naukwotö jö̧ba̧lö ichadö tjichenama, pjabatökönö tjö̧naukwobö weinobe, ja̧danö ju'wedö tjöpöjojodö tjujuluwobö tjichenabi, pjabatökönö israel jojodönö tjujuluwobö weinobe Isabenö Jo̧ma. Isabenö Jo̧ pjaatokobetjö̧, israel jojodöma tjöpöjojodö tjöba a'o tjö̧jobö jwiinobe.

Jueces 2:20

Jejenö sulabenö ja̧bö tjö̧jiökwe, Isabenö Jo̧ma jwiinö ödameakwinobe israel jojodönö, ja̧danö jobadönö yöawinobe baikwö: —Damötjö bidö israel tja'dödökwö isabenö ja̧dakwa̧ wene yöba̧lakwawö dujunijatö, jobadöbi, ötjöbi. Jo̧kwaijayonö, tja'dödö yöbawö tjö̧jinadanöma ja̧böködö bidö israel jojodöma, ja̧danö ötjö jobadönö weti̧ma a̧ja̧kwöködö.

1 Samuel 26:19

Chuluwo̧, ötjönö kwa̧ja̧kwobö atebakwö, ötjö kwömöayo̧ yöta̧li̧ kwa̧ja̧kwobö ateba. Isabenö Jo̧ Diosda ötjönö kwöpöjödobö weatjö̧ma, jo̧banö iyawa chiyobö jȩna, ötjönö ödameakwi̧ kaatakwawobö. Jo̧kwaijayonö jojodöda ötjönö kwölabobö ja̧tjatjö̧ma, Isabenö Jo̧ jobadönö lȩebobö jo̧be. Jau, ötjönö kwölabobö ja̧badöma sulabenö ötjönö a'dewö lotjobe, Duluwo̧ Isabenö Jo̧ iyinemi nijitjöma, ja̧danö ötjönö wetjobe, –Isabenö Jo̧nö ösödökönö, ju'wedö tjösödawö̧nöda ösödö kwö̧jo,–jö̧ba̧lö.