2 Samuel 23:1 - Dios Iwene

¹ Davidma Isai itji̧, ja̧danö Dios ujuninökwe, inesö la'aka luwo̧ ö̧jobö. Jacobo ösödinökwe Dios omudawö ujuninökwe Davidma, israel jojodö la'aka tjuluwo̧ baibanö. Ja̧danö ju'wibi, Israel jojodötjö inesö otiwa jawa lo̧awa wȩyudo̧, jö̧ba̧lö ötjabinobe Davidnö. Baikwö laebobe David bajaleapo waisanö i̧wȩyudinama:

2 Samuel 23:1 Iomraidhean Croise

Génesis 49:1

Ikenama Jacob jwöbijetö i̧tji̧munö jo̧ba ö̧jobekwö tjichobö. Ichajadönö webijetö: —Chi̧tji̧mu, ko̧ko̧kwibö ja̧duwi ötjö yötawi̧, ökwödönö ju'winö baledakwa̧ yötawi̧ kwa̧ja̧kwaduwo.

2 Samuel 22:34

Jau, mösa'ijutjö kwetachenama, yama otiwanö mebökönö kweachi̧danö kwetachobö pjabato̧, möemi kwebachö, pjusachibobe metapji jö̧ba̧lö.

2 Samuel 22:51

Jau, isabenö iteda omudawö ujuninökwe la'aka luwo̧, ötjö Davidnö otiwanö chö̧jibinö pjabato̧ Isabenö Jo̧ma, kabatökönö dösölö̧jinö edö pjabato̧, ötjö Davidnöbi, chitji̧mu tupadanö jojodönöbi, isabenö otiwo̧ Isabenö Jo̧ma, —jö̧ba̧lö lo̧inobe Davidma, Isabenö Jo̧nö ösödö.

1 Crónicas 16:7

Ja̧danö, ja̧ möle Isabenö Jo̧nö ösödakwawa jawa lo̧awa wȩyudajo̧, Asafnöbi, ju'wedö ömöledönöbi weinobe Davidma, Isabenö Jo̧nö ösödö lo̧tjobö. Ja̧ lo̧awama baikwö laebobe:

1 Crónicas 16:9

Isabenö Jo̧nö lo̧daduwo, —Otiwo̧ja, —jö̧ba̧lö lo̧daduwonö. Iteda ujulu i̧sȩbina, jojodö edajitjökö jawa i̧sȩbinama yödawaduwo.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Deuteronomio 33:1

Ja̧danö, Dios ömöayo̧ Moises ö'wö baibakwa̧ abönö, israel jojodönö yöawinobe, Dios jobadönö pjaatakwa̧ jawama,

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

Santiago 5:13

Chö̧ja̧wo̧dö, ökwödötjö bakwo̧nö usula emawinö baledena jo̧bama Diosnö aebobö jo̧be, jo̧banö pjaatobö. Ja̧danö, ökwödötjö bakwo̧ o̧'wo̧ ösöwanö jo̧ma, Diosnö lo̧obö jo̧be, Otiwanö pjakatajabe, jö̧ba̧lö.

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.

1 Samuel 18:7

lo̧tjinobe baikwö: —Saulma otiwanö ba̧jȩkwadö döpöjojodönö milbedönö kwabawö loajabe, Ja̧danö Davidma otiwanö döpöjojodönö diez milbedönö kwabawö loajabe, —jö̧ba̧lö.

1 Samuel 2:10

Jo̧banö öpöjödadönö isabenö tji'delachajinö söbebö loakwo̧ Isabenö Jo̧ma, isabenö böba ökwödi̧danö mölȩjebetjö labinö ökwöakobe jobadönö lȩebakwa̧ma. Isabenö bö̧jȩ ba̧kwemeachibanö ju̧kwadönö badedö edakwo̧ Isabenö Jo̧ma, ja̧tjina otiwojobö sulojobö jö̧ba̧lö, ja̧danö iteda ujunajökwe la'aka luwo̧nö isabenö ujulu iyakwo̧, iteda omudawö ujunajökwenö, —jö̧ba̧lö yöja̧linobe Anama, Diosnö ösödö.