2 Samuel 22:6 - Dios Iwene

⁶ Wobalema ida̧ökö ötjönö nu'yö lödawobedanö ichejekwa, ja̧danö woawama chabönö 'daliwadanö ji̧nobe.

2 Samuel 22:6 Iomraidhean Croise

Diosnö ösödo̧ Job mikwo̧ usula emawina jawa 36:8

—Ja̧danö jojodö sulabenö ja̧bajadö, usula emawö ka̧lena tjö̧bitjö̧ma,

Proverbios 13:14

Ja̧danö, ju'wibi yötawa wanedö, jweinö omukwatadö yötjawi̧tjö jakwawa jawa welachobe, jö̧ba̧lö: Ja̧danö, jweinö omukwatadö yötjawi̧ma ojwese'do su̧'bȩ babibö welachi̧danö wanekwachobe. Ja̧danö, ojwese'do su̧'bȩ baibaja'dotjö ba̧jȩkwadö ichö owadö je'do welache'dotjö. Ja̧danö, je'dotjö ojwiyo welachi̧danö jweinö omukwatadö yötjawi̧tjö ja̧kwawa jawa welachobe. Ja̧ yötjawi̧ma pjaatobe a̧ja̧kwadönöma labi jawatjö tjö̧jibinö, debö tji̧'yökakobetjö̧.

Proverbios 14:27

Ja̧danö, ju'wibi yötawa, wanedö: Isabenö Jo̧nö yebabinö omukwato̧ ö̧ji̧ma ojwese'do su̧'bȩ babibö welache'dodanö wanekwachobe. Ja̧danö, Isabenö Jo̧nö yebabinö omukwato̧ ö̧ji̧tjö̧ ojwese'dotjö welachi̧danö ja̧kwawa jawa welachobe, pjaati̧ jawa, labi̧ jawatjö ö̧jibinö, debö i̧'yökönö.

Proverbios 5:22

Ju'wibi yötawakwö chitji̧, wanedö: Bakwo̧ ö̧jobe ba̧kwȩlö̧jatebö sulabenö omukwatö ja̧baibo̧ma. Ja̧danö, jo̧ba sulabenö ja̧inama jo̧banö do̧tja̧li̧danö do̧a̧lobe jo̧banöma. Ja̧danö, a̧la̧chi'bonö tjunu'yajökwedanö bo̧, ejachibö dilachibökönö, sulabenö ja̧inobetjö̧.

Lucas 21:20

Tupakwö Jerusalén comunidad söbebö lotjakwa̧ jawa yöawinobe Jesúsma: —Chömöledö, Jerusalén comunidad ö'öbönö guardia jojodö tjösawibö tjuju̧kwobe kwedaduwenama, kwöwaisaduwakobe, tjo̧wi̧ juluwanö Jerusalén comunidad söbebö lotjakobe jö̧ba̧lö.

Hechos 2:24

Jo̧kwaijayonö Diosma Jesús yemidanö tjeachajinö ja̧bijetö, ö'wöchaja̧tjö ö̧jibinö ja̧bö. Diosma jejenö i̧sebijetö, Woawama yelösöda jwia Jesúsnöma, jö̧ba̧lö. Bakwo̧bi Jesús yemidanö tjeachajökönö ja̧bo̧ma deobe— yöbawijetö Pedroma—.