2 Samuel 22:41 - Dios Iwene

⁴¹ Chöpöjojodö chöba a'otjö dötjibajobö ja̧köbijatö, ja̧danö jobadönö söbebö lotijatö.

2 Samuel 22:41 Iomraidhean Croise

Génesis 49:8

Ikenama Judánö yöbawijetö: —Judá, ökwöma kwöpöjojodönö okobe deinö kwujuluwakwo̧ja. Jo̧kwaiawö̧ kwö̧ja̧wo̧döma ökwönö ösödö kwöba a'otjö tjöba nijakwö bȩbachibö tjö̧jakwedö.

Éxodo 23:27

Ja̧danö, ju'wedö tjuju̧kwitenia kwichibaduwena, jobe ju̧kwadöma ötjönö omukwatö jwiinö yetjabikobe ¡ayö¡ juluwo̧ pjaatinawö̧, jö̧ba̧lö. Jejenö yebabinö ja̧nö jobadö kwöpöjojodöduwima ¿taji ja̧dakwa̧jö? jö̧ba̧lö omukwatöködödanö batjibakwedö. Ikenama, jwiinö yetjabobetjö̧ ökwödö kwö̧jaduwelö, ja̧danö, tjitebotjö 'dötjibakwedö.

Lucas 19:14

Jo̧bama la'aka luwo̧ baibobö i̧'yijayonö, itebo jojodöma jo̧banö tjöpöjödinobe. Jejenö öpöjödö, jobadöma ju'wedönö wetjinobe, inesö la'aka luwo̧nö yötjawobö: Bitema döpöjödökwe. Duluwo̧ baibanö kwujunobö döpöjöda, jö̧ba̧lö.

Lucas 19:27

Ja̧danö ju'wibi, chöpöjojodönö, la'aka tjuluwo̧ batibobö öpöjödadönö do̧batö baikwö ichejebö öbibaduwi, ja̧danö chöba a'otjö kwabö lobaduwidönö, jö̧ba̧lö weinobe la'aka luwo̧ma.— Jobekwö wanedö yöawinobe Jesúsma, iteda yöbawö weakwa̧ jawama.

Josué 10:24

Jejenö tjichejebiökwe, Josuema okobe deinö israel jojodötjö ölakwabikwawa jojodö tjichobö jwöinobe, ja̧danö tjuluwedö jo̧bakwö ju̧kwadönö weinobe, —Bidö la'aka luwedö tjulume'anö ja̧taduwi, –Bidönö dujuluwajabe, —jö̧ba̧lö. Weawö̧, ichibö tjulume'anö tjö̧jatinobe, ja̧danö tjö̧jatenama,