2 Samuel 20:6 - Dios Iwene

⁶ Jejenö ichibiökökwe, Davidma Abisainö weinobe, —Juluwanö Sabanö ludibobö jo̧be, ökwödönö suli̧ waedapji jö̧ba̧lö. Jau Abisai, juluwanö lubökönö, lekwe diteada̧litjö̧ma, Bicri itji̧ Sabama, nöinö wene baibobö ja̧akwo̧, Absalon wene baibobö ja̧inatjö bajalekwönönö. Jo̧kwajabetjö̧, Amasa ichibobö teada̧lökönö, ökwöda chömöayedö ölakwabikwawa jojodönö öbibö, Sabanö lubaji. Juluwanö jo̧banö lukubo, 'diinö tjöekwobe comunidadbe ichibö, ökwödötjö döibapji jö̧ba̧lö, —Abisainö weinobe Davidma.

2 Samuel 20:6 Iomraidhean Croise

2 Samuel 10:14

Ja̧danö, dötjibajobe edö, amonitas jojodöbi Abisai öba a'otjö dötjibajinobe, ja̧danö döbibajö, comunidad okwa tetjachinobe. Jemi ikenama Joabma amonitas jojodönö ölakwabikwawö kabatibö, Jerusalenbe ȩwa̧jinobe.

2 Samuel 11:11

Uriasma atadinobe: —Chuluwo̧, ölakwabikwawadö juda jojodöbi, ju'wedö israel jojodöbi, chuluwo̧ Joabbi, ju'wedö ölakwabikwawa luwedöbi löwötenö abadö, ja̧danö Dios iteapjo isapjobi löwötenö jo̧be chuluwo̧. Ja̧ wene omukwatö, chejube ȩwa̧jö, kwanöbi, owöbi, chilekwokwö chö̧joböbi chȩwa̧jenaji̧? Ja̧maökö chuluwo̧, ölakwabikwawa jojosa, ju'wedö ölakwabikwawa jojodö tjö̧ji̧danö̧ chö̧jobö jo̧be. Jau chuluwo̧, isabenö yötawakwö, kwö̧ji̧ wene isabenö wene, ja̧danö yaba̧lo̧ kwö̧ji̧ wene isabenö ji̧danö isabenö yötawakwö, ju'wedö chömöledö ölakwabikwawadö mejenö usula emawö tjö̧jonö, la'akatjöda chejube chȩwa̧jökö jejenöma, —jö̧ba̧lö.

2 Samuel 18:12

Yöa̧lökwe, —Ja̧maökö chuluwo̧, plata ö̧pi̧biya mil ö̧pi̧biyabi tjiyitjö̧ma, la'akatjöda la'aka luwo̧ David itji̧nö kwabö lotökena. Jau chuluwo̧, da̧ja̧kwonö la'aka luwo̧ Davidma ökwönöbi, Abisainöbi, Itaynöbi weatö, –Chitji̧ Absalonnö kwabö lobökönaduwi, –jö̧ba̧lö.

2 Samuel 18:2

Ja̧danö, wapösokwa batjibanö 'da̧batö ujuninobe ölakwabikwawa jojodönö, ja̧danö bakwaso la'aka luwo̧ baibanö Joabnö ujuninobe, ja̧danö jeleso Abisainö la'aka luwo̧ baibanö ujuninobe, ja̧danö jeleso Gat jojo Itaynö la'aka luwo̧ baibanö ujuninobe, jobadö webö tjö̧jonö tjölakwabikwawobö. Ju'wibi, David yöa̧linobe, —Ötjöbi ökwödökö ölakwabikwawö latebocha, —jö̧ba̧lö.

2 Samuel 19:7

Isabenö yötawakwö David Absalonnö budekwö kakatökötjö̧ma, isabenö wene ja̧kobe. Jo̧kwajabetjö̧ baikwö ja̧köbobö atebakwö: Kwubudekwi̧ kabatakwawibö, a̧la̧ibö, kwömöayedönö edö lakebo, ja̧danö jobadönö dösölö̧jinö yöba̧lö, otiwanö pjakataduwajabe jö̧ba̧lö kwösödodönö. Jau David, Isabenö Jo̧ öba a'otjö isabenö wene yötawakwö, yöta̧laja̧danö ja̧köbökötjö̧ma, makö yö̧te okobe deinö kwömöayedöma le'dedibö tjȩwa̧jakobe. Ja̧danö, jejenö baleditjö̧ma, okobe jwiinö ökwönö sulabenö baledi̧tjö, tjemubayo̧ kwö̧jelö, baikwö bajalenö sulabenö baledi̧tjö bajalekwönönö sulakobe, —jö̧ba̧lö yöa̧linobe Joabma, Davidnö.

2 Samuel 2:18

Ja̧ möle Sarvia ji̧tji̧mu wamedukwa jobe David ömöayedö tjö̧jinobe, Joab mikwo̧bi, Abisai mikwo̧bi, Asael mikwo̧bi. Ja̧danö, Asaelma, jwiinö juluwanö ö'öbakwawo̧ ö̧jinobe, yama juluwanö ö'öakwawi̧danö.

2 Samuel 21:17

Jo̧kwaijayonö, Davidnö kwabö loo jö̧a̧lijayonö, David öpöo Sarvia jitji̧ Abisai mikwo̧ma Davidnö pjaatinobe, ja̧danö filisteo jojonö kwabö loinobe. Jemi ikenama, David ömöayedöma tjuluwo̧ Davidnö yöbawö tjujuninobe, —Duluwo̧, yemidanö döpöjojodökwö ölakwabikwawö di̧'yenama, la'akatjöda ökwödökwö kwichoböma wedökakwedösa bemi tupakwöma. Jau duluwo̧, ökwöma israel jojodönö jwebebö, deju̧wa̧'yu dejati̧danö jo̧ja, ja̧danö ökwödökwö kwichoböma wedökakobe, döpöjojodö ditebo jawa deju̧wa̧'yudanöbo̧nö kwabö lobö, titjebapji jö̧ba̧lö.

2 Samuel 23:18

Ja̧danö David ömöayedö inesö juluwadötjö jelo̧ma, Sarvia jitji̧, Joab öjawo̧ Abisai mikwo̧. Jo̧ba Abisaima, inesö treintabedö ötjabawö̧ tjuluwo̧ ö̧jinobe. Jo̧bama bakwöta möle öpöjojodönö ölakwabikwawö, otokwötenö trescientosbedönö kwabawö loinobe. Jo̧kwajabetjö̧, ajayinö tjimi labebajadönö tja̧ja̧kwi̧danö Abisainöbi tja̧ja̧kwinobe.

2 Samuel 3:30

Jobekwö baledinobe Joabbi, öjawo̧ Abisaibi Abnernö kwabö lotjina wenema. Gabaontjö tjölakwabikwawelö Abner tjöjawo̧ Asael mikwo̧nö kwabö loiawö̧, balekwa mikwa Abnernö kwabö lotjinobe.

2 Samuel 3:39

Tupakwö yöawinobe Davidma, —O̧te tobebö, la'aka luwo̧ baibanö tjujuninökwema ötjödasa, jo̧kwaijayonö babe mölȩma juluwo̧danömabö̧kö̧sa, me'dawo̧danöbo̧sa. Idö Sarvia ji̧tji̧mu Joabbi, Abisaibi isabenö labidö, ja̧danö jobadönö chödöyötobö juluwö̧kö̧sa. Isabenö Jo̧ Diosda jobadönö lȩebakwo̧, sulabenö Abnernö kwabö lotjiökwe, isabenö Diosda balekwa mikwa lȩebakwo̧, —jö̧ba̧lö yöa̧linobe Davidma.

1 Reyes 1:33

ja̧danö ichibajadönö weinobe: —Ötjö kwuluwo̧duwi chömöayedö la'aka luwedönö öbibö, chitji̧ Salomonnö chajwi kabayunö öwobö weköbaduwo, ja̧danö chajwi oma'anö öwonö, jobadönö ökibaduwo, Guijon ojwese'dobe.

1 Crónicas 11:20

Ja̧danö David ömöayedö inesö juluwadötjö jelo̧ma, Joab öjawo̧ Abisai mikwo̧. Jo̧ba Abisaima, inesö treintabedö ötjabawö̧ tjuluwo̧ ö̧jinobe. Jo̧bama bakwöta möle öpöjojodönö ölakwabikwawö, otokwötenö trescientosbedönö kwabawö loinobe. Jo̧kwajabetjö̧, ajayinö tjimi labebajadönö tja̧ja̧kwi̧danö Abisainöbi tja̧ja̧kwinobe.

1 Crónicas 18:12

Ja̧danö, Sayu wabeko mikwobe, edomitas ölakwabikwawa jojodökwö ölakwabikwawenama, David ömöayo̧, öpöo Sarvia jitji̧ Abisaima ömöayedökwö jobadötjö dieciocho milbedönö kwabawö loinobe.

Marcos 3:24

Ina jö̧ba̧lijetö, wanedö yöbawö: —Kwöwaisaduwa, jojodö tjiteboma, jobe jojodö wainökwena ölakwabikwawö tjö̧jitjö̧ma waekwena, jö̧ba̧lö.

1 Samuel 26:6

Edajo̧, Davidma ömöayo̧ heteo jojo Ahimelecnöbi, Sarvia jitji̧ Joab öjawo̧ Abisai mikwo̧nöbi yöa̧linobe, —Ökwödötjö diteda ötjökwö Saul abobe yutubajö i̧'yakwo̧ma? —jö̧ba̧lö. Aebökwe, Abisaima atadinobe, —Ötjöma ökwökwö yutubajö chi̧'yocha, —jö̧ba̧lö.