2 Samuel 20:1 - Dios Iwene

¹ Ja̧danö, israel jojodö judasaso jojodökwö jejenö jwöjwöbakwawö tjö̧jenama, jobe bakwo̧ sulabo̧ Saba mikwo̧ ö̧jinobe. Jo̧ba Sabama, Benjaminsaso jojo, ja̧danö Bicri mikwo̧ itji̧. Jo̧ba Sabama, israel jojodö judasaso jojodö jwöjwötjakwawi̧ a̧ja̧kwö, trompeta pjubö, yöa̧linobe, —Judasaso jojodö yötja̧li̧danö, jobadöda David ömöledöma, ökwödö israel jojodöma David ömöledöböködösa, ja̧danö jo̧ba Isai itji̧ David iyi̧tjö la'akatjöda demökakwedösa. Jo̧kwajabetjö̧ jo̧banö kabatibö, bakwo̧nökwena dejube dȩwajaduwo, —jö̧ba̧lö yöa̧linobe.

2 Samuel 20:1 Iomraidhean Croise

Génesis 46:21

Ja̧danö, Benjamín i̧tji̧mu ömadöma bidö: Bela, Bequer, Asbel, Gera, Naamán, Ehi, Ros, Mupim, Hupim, Ard.

2 Samuel 15:10

Ja̧danö, Absalonkwö ju'wedö doscientosbedö Jerusalennö ju̧kwadöma Hebronbe tji̧'yinobe. Jobadöma Absalon isabenö omukwati̧ wajwitjinobe, Absalon a̧debawö̧ tji̧'yinobe, sulabenö omukwatökönö teadö tji̧'yinobe. Jo̧kwaijayonö ju'wibi tojata̧lö ja̧inobe Absalonma. Iteda ömöayedö israel niji ba̧kwemeachibanö sasokwena jojodö tjö̧'da̧de tji̧'yobö weinobe, ja̧danö jobadönö weinobe baikwö: —Trompeta ökwöakobe, ja̧danö ökwöi̧ a̧ja̧kwö, yökawaduwo, –Trompeta ökwöi̧ a̧ja̧kwaduwi, Hebron comunidadtjö Absalonnö kabebö tjujunajabe, okobe deinö israel jojodö la'aka tjuluwo̧ baibanö, –jö̧ba̧lö yökawaduwo trompeta ökwöenama, —jö̧ba̧lö weinobe Absalonma ömöayedönö.

2 Samuel 16:11

—Ja̧danö tupakwö yöa̧linobe Davidma, Abisainöbi, ju'wedö ömöayedönöbi, —Omukwataduwi, ötjöda chitji̧ma, ötjönö kwabö loobö isakwo̧, ¿jö̧tö? Jo̧kwajabetjö̧, ötjöda yöne chömöledöso̧ chitji̧ ötjönö öpöjöditjö̧ma, bite chömöledöso̧bö̧kö̧, Benjaminsaso jojo, Saul ömöledöso̧ ötjönö öpöjödobö jwienaji̧? Jȩna, jo̧kwajabetjö̧ jo̧banö kwabö lobökönaduwi, wainö sulabenö yöba̧lo̧, Isabenö Jo̧ Diosda sulabenö yöa̧lobö weajena jö̧ba̧lö.

2 Samuel 16:7

Ja̧danö, inawiya ikwonö, Simima sulabenö jwöeba̧linobe Davidnö, baikwö: —A'dewö lotakwö ökwö sulabo̧, jojodönö kwabawö lobo̧nö, belö labebi.

2 Samuel 18:17

Ja̧danö, Absalon iteba'o laju nöaju okwa lotjinobe, ja̧danö lobajadö, wamenö nöinö inawiya ko̧ko̧dö tjo̧tjinobe, iteba'o wamenö mö japopo baibanö. Ja̧danö, okobe deinö israel jojodö Absalon ömöayedöbajadöma, döbibajö tjejukwena tjȩwa̧jinobe.

2 Samuel 20:2

Yöa̧lawö̧, israel jojodöma jo̧banö tja̧ja̧kwinobe, ja̧danö Davidnö le'dedibö, Bicri itji̧ Sabakwö latjebinobe. Jo̧kwaijayonö, jobadö latjebonö, judasaso jojodöma jwaikwöda la'aka tjuluwo̧ Davidkwö tji̧'yinobe, bite la'aka duluwo̧nö ösödadösa jö̧ba̧lö. Ja̧danö, Davidkwö teadö tji̧'yinobe, Jordan mikwödötjö, Jerusalenbe ichibenanö kabatö.

2 Samuel 20:22

Ikenama, atadaju, jobuju waisujuma comunidad luwedönö waisanö lȩjebinobe, —Ditebo comunidad söbebö lotjapji jö̧ba̧lö, la'aka luwo̧ öpöjojo Sabanö kwabö lodobö jo̧be, —jö̧ba̧lö. Ja̧danö, yöja̧lawö̧, tja̧ja̧kwinobe, ja̧danö Saba uu bulatö lobajadö, Joabnö ikwö tjiyinobe. Ikenama, tjiyajökwe, Joabma trompeta pjuinobe, —Tjo̧wita, —jö̧ba̧lö. Ikenama okobe deinö ja̧ comunidadtjö tjejukwena tjȩwa̧jinobe, ja̧danö Joabma Jerusalenbe ȩwa̧jinobe, la'aka luwo̧ David öjobekwö.

2 Samuel 23:6

Ja̧danö ökwödönö pjaatonö, sulabedö Diosnö öpöjödadönöma ikwö loakobe. Jobadö sulabedöma sȩaka sulabakadanö labidö, jojodö matjoko jö̧tja̧lakadanö.

1 Reyes 12:16

Salomon itji̧ Roboan jobekwö atadiawö̧, israel jojodöma tjöwaisachibinobe, —Roboanma adebi̧ a̧ja̧kwö̧kö̧, —jö̧ba̧lö. Ja̧danö, jejenö waisachibajadö, la'aka luwo̧ Roboannö tjatadinobe, —Yöda̧laja̧ a̧ja̧kwökönö sulabenö kwatadobetjö̧, dedemi la'aka luwo̧ Davidmine ömöledöböködösa. Jau, ökwödöma jo̧ba Isai itji̧ Davidtjö ja'yubebi emöködösa, ja̧danö kwömöayedö dö̧joböma jwibadösa, —jö̧ba̧lö tjatadinobe. Ikenama ju'wedö israel jojodönö jwöbö yötja̧linobe, —Ökwödö Israel jojodöma, okobe deinö dejukwena dȩwa̧jobö jobe. Bite David itji̧ tupadanö jojo Roboan, ökwödönö weobö jwibo̧, iteda ömöledönöda weobö jo̧be, ökwödö ömöledöböködönö weoböma jwibo̧, —jö̧ba̧lö yötja̧linobe. Ikenama, yöba̧lajadö, okobe deinö tjȩwa̧jinobe.

1 Reyes 21:10

Ikenama, jo̧ba a'o duju̧taja sulabedönö weköbaduwo, jo̧banö omöna yötja̧lakobetjö̧, –Bite sulabenö yöa̧laja̧ da̧ja̧kwijatö, Diosnöbi jwiinö sulabenö yöa̧linobe, ja̧danö inesö la'aka duluwo̧nöbi jwiinö sulabenö yöa̧linobe, –jö̧ba̧lö omöna yötja̧lobö weköbaduwo. Ikenama, jo̧ba sulabenö ja̧ina jobekwö yötjawobetjö̧, jo̧banö lȩbebö, inawiya ikwawö kwabö loköbaduwonö, —jö̧ba̧lö laebobe Jezabel ji̧wȩyudinama.

Proverbios 25:8

Ju'wibi jwebebö yötawa: Ökwöma sulabenö baledobe kwedaja̧ma juluwanö yöbawö kwi̧'yoko lȩekwa yöbawo̧ ö̧bobekwö, jo̧banö yöbawö. Jelo̧ma ikena ichö, jweinö yöbawö, ökwö yökawaja̧danöma yöawökena. Jo̧bama jweinö yöawobetjö̧ lȩekwa yöbawo̧ma ökwönö, wajwibo̧ omöna yöba̧lo̧, jö̧ba̧lö, omukwatena. Ja̧danö, jobekwö baleditjö̧ma taba tjöbawöda kwö̧jena.

Proverbios 26:21

Jao, ö̧kwö̧'i̧ya̧bi, imibi ökwölanö ubö bi̧danö, sulabenö omukwatö jwöbeba̧lo̧ma jojodö ölakwabikwawö jwötjeba̧lobö jwöbebo̧.

Marcos 3:24

Ina jö̧ba̧lijetö, wanedö yöbawö: —Kwöwaisaduwa, jojodö tjiteboma, jobe jojodö wainökwena ölakwabikwawö tjö̧jitjö̧ma waekwena, jö̧ba̧lö.

Lucas 19:14

Jo̧bama la'aka luwo̧ baibobö i̧'yijayonö, itebo jojodöma jo̧banö tjöpöjödinobe. Jejenö öpöjödö, jobadöma ju'wedönö wetjinobe, inesö la'aka luwo̧nö yötjawobö: Bitema döpöjödökwe. Duluwo̧ baibanö kwujunobö döpöjöda, jö̧ba̧lö.

Lucas 19:27

Ja̧danö ju'wibi, chöpöjojodönö, la'aka tjuluwo̧ batibobö öpöjödadönö do̧batö baikwö ichejebö öbibaduwi, ja̧danö chöba a'otjö kwabö lobaduwidönö, jö̧ba̧lö weinobe la'aka luwo̧ma.— Jobekwö wanedö yöawinobe Jesúsma, iteda yöbawö weakwa̧ jawama.

Juan 13:8

—Chuluwo̧, la'akatjöda kwidichökakobe chömasapama—jö̧a̧liökwe: —Simón Pedro, kwömasapa chidichökötjö̧ma chömöayo̧bö̧kö̧ kwö̧jena—jö̧a̧liökwe:

Deuteronomio 13:13

–Ökwödötjö ju'wedö sulabedöma ja̧ comunidad jojodönö sulabenö öbibö yötja̧lajabe, -Ju'wedö tjösödawö̧nö ökwödöbi dösödo, -jö̧ba̧lö, ja̧danö yötja̧li̧ ösödö, sulabenö ajayinö wajwiköbaduwinawö̧nö sulabenö tjösödobe ja̧ comunidad jojodöma, –jö̧ba̧lö kwa̧ja̧kwaduwena.

Jueces 19:22

Ja̧danö, tjo̧'wo ösöwanö tjö̧jonö, comunidad jojodötjö ömadö sulabedöma eju tjösawinobe, ja̧danö jamatö 'do'dotjinobe. Ja̧danö eju luwo̧nö yötja̧linobe, —Kweju tjekatajökwenö labebi, jo̧banö 'da̧'da̧bö ja̧dakobetjö̧, —jö̧ba̧lö.

Jueces 3:27

Ja̧danö, jobe Efrain niji mösa'ijube ichibajo̧, Aodma trompeta pjuinobe, —Dios pjaatonö döpöjojodönö dölakwabikwawajo, —jö̧ba̧lö. Ja̧danö jejenö pjuiawö̧, israel jojodöma jo̧bakwö ölakwabikwawö tji̧'yinobe. Tjabönö öbibö i̧'yonö, israel jojodöma mösa'ijutjö yutubajö tjölakwabikwawobö tji̧'yinobe.

1 Samuel 13:2

La'aka luwo̧ baibaja̧ ikena, ja'yubenö lekwajabetjö, Saulma israel jojodötjö ömadö tres mil jojodönö omudawö ujuninobe, iteda ömöayedö ölakwabikwawa jojodö batjibanö. Ja̧danö, jobadötjö, dos mil jojodöma Saulkwö kwetjachinobe Micmas comunidadtjöbi, Betel comunidad yö̧ne mösa'ijutjöbi. Ja̧danö, Saul itji̧ Jonatankwö ju'wedö milbedö Benjamin niji Guibea comunidadnö tjö̧jinobe. Jobadö Saulkwöbi, Jonatankwöbi tjö̧jonö, okobe deinö ju'wedönö tjejukwena tjȩwa̧jobö weinobe Saulma.

1 Samuel 2:12

Eli i̧tji̧muma, isabenö sulabenö otidö tjö̧jinobe. Diostjö jojodötjö tjö'da̧de pjabatö tjotidinajayonö, Isabenö Jo̧nö otiwanöma tjomukwatinokobe, ja̧danö wei̧ma tja̧ja̧kwinokobe.

1 Samuel 30:22

Jo̧kwaijayonö David jobadönö edö ösödijayonö, David ömöayedötjö ju'wedöma sulabedö ja̧danö mikwawöködö tjö̧jinobe. Jobadöma Besor ojwe ö'öbönö ji̧binadönö öpöjödö tjo̧'wo suli̧nö yötja̧linobe, —Bidönö diyökena amalecita jojodötjö demaja̧ma, bakwo̧nökwena sule ilekwonöda, itji̧munöda diyena. Ökwödökwö tjichinokobetjö̧, ju'wibi demaja̧tjö tjemobö jwibadö, tea emökönö, sule tjömöledökwöda tjȩwa̧jobö jo̧be, —jö̧ba̧lö tjo̧'wo suli̧nö yötja̧linobe.