2 Samuel 2:9 - Dios Iwene

⁹ ja̧danö jobetjö jo̧banö ujuninobe, Galaad niji jojodöbi, Guesuri niji jojodöbi, Jezrel niji comunidad jojodöbi, Efrain niji jojodöbi, Benjamin niji jojodöbi, okobe deinö ju'wedö israel jojodöbi la'aka tjuluwo̧ baibanö.

2 Samuel 2:9 Iomraidhean Croise

Génesis 30:13

Ja̧danö, Leama jö̧ba̧lijotö: —Jwiinö cho̧'wo̧ ösöwanö chö̧ja. Ju'wedö ya̧döma ötjönö edö, Leama jwiinö jo̧'wo ösöwanö juju, jö̧ba̧lö, yötja̧lakwawobe— jö̧ba̧lijotö. Jejenö jö̧ba̧lö, tjemunö midijotö Aser, jö̧ba̧lö.

2 Samuel 2:10

Jo̧ba Isbosetma cuarenta o̧bia juna̧lo̧, israel jojodö tjuluwo̧ baibinobe, ja̧danö dötölataja o̧biya tjuluwo̧ ö̧binobe. Jo̧kwaijayonö, ju'wedö israel jojodö Isboset ömöayedö tjö̧jinajayonö, israel jojodötjö Judasaso jojodöma Davidnöda tjösödinobe, ja̧danö jo̧ba ömöayedö tjö̧jinobe. Jejenö israel jojodötjö ju'wedöma Isboset ömöayedö tjö̧jinobe, ja̧danö ju'wedöma David ömöayedö tjö̧jinobe.

2 Samuel 3:6

Saulmine ömöledökwö, David ömöledökwö ölakwabikwawö tjöjinobe, ja̧danö ölakwabikwawö tjö̧jonö, Abnerma ajayitjö bajalekwönönö Saul ömöledötjö luwo̧ baibinobe.

1 Crónicas 12:29

Saul ömöledösaso Benjaminsaso jojodötjö, tres milbedö ölakwabikwawadöma David ömöayedö batjibinobe. Ja̧ möle abönö, Benjaminsaso jojodötjö ju'wedökwena David ömöayedö tjö̧jinajayonö, ba̧jȩkwadö Benjaminsaso jojodöma tjömöledöso̧ Saul yöne ömöledö tjömöayedöda tjö̧jinobe.

1 Crónicas 12:30

Efrainsaso jojodötjö veinte mil ochocientos ölakwabikwawa juluwadöma David ömöayedö batjibinobe. Okobe deinö jobadöma, bakwo̧nökwenö tjömöledö otiwanö tjomukwatawö̧ tjö̧jinobe.

Josué 16:5

Efrainsaso jojodö tjitebo, tja'dödötjö bakwasokwena tupadanö jojodö tjitebo niji bakwachobema, baikwö laebobe: Tjitebo a̧likwöchobe bakwachobema, jawo̧ laebobekwö ji̧ comunidad Atarot Adartjö, mösa'o wa̧pekwa'o Bet Joron comunidadbe ichibanö ,

Josué 16:8

Ja̧danö Efrain niji u'dakwöchobekwö bakwachobema, baikwö laebobe. Tapuaj comunidadtjö jamatö, jawo̧ meajobekwö dötewobe, Cana ojwe u'da ichibanö, ja̧danö jemi tupakwö bakwachobema, Cana ojweda, Jwaibalawabe ichibenanö kabatö. Jobekwö laebobe Efrain nijima, Dios —Chiyocha, —jö̧a̧lina badekwachinö Efrainsaso jojodötjö bakwasokwena jojodö tjitebo baibanö wetjinama.

Josué 16:9

Ja̧ nijibi, Efrain niji baibanö 'da̧batö wetjinobe, ja̧danö ju'wibi Manasessaso niji okwa, ju'wi comunidadbiyabi, ö'öbö pjei̧ comunidadteniabi 'da̧batö tjujuninobe, Efrainsaso jojodö tjitebo baibanö.

Josué 17:1

Ja̧danö, Jose itji̧ Efrainsaso jojodönö niji wetjinadanö, Jose itji̧ abönö pöe Manasessaso jojodönöbi niji wetjinobe, baikwö: Manases itji̧ abönö pöe, Galaad abe'do Maquir mikwo̧ itji̧mu tupadanösaso jojodönö wetjinobe, Galaad nijibi, Basan nijibi. Jobadö Maquir itji̧mu tupadanö jojodöma inesö ölakwabikwawadö tjö̧jobetjö̧, ja̧ niji jobadönö wetjinobe.

Josué 18:11

Josue inawiya jabö edenama, ajayinö Benjaminsaso jojodönö weobö badekwachinobe. Ja̧danö, ju'wibi laebinobe, benjaminsaso jojodö tjitebo nijima, juda nijitjöbi, Jose itjimu tupadanösaso tjitebo nijitjöbi 'da̧de nijima tjiteboakobe, jö̧ba̧lö.

Josué 18:20

Ja̧danö, Benjamin niji jawo̧ laebobekwö bakwachobema, Jordan ojweda. Jobekwö laebobe benjamin niji bakwachobe wȩyukwöjama, ja̧danö okobe jwiinö ja̧ okwa nijima, Dios tja'dödönö, —Chiyocha, —jö̧ba̧lö tja'dödönö yöbawö ujunina jawa badekwachinö, jejenö 'da̧batö wetjinobe, Benjaminmine itji̧mu tupadanö jojodö bakwasokwena tjitebo baibanö.

Josué 19:18

Isacar niji comunidadma, Jezrel comunidadbi, Quesulot comunidadbi, Sunen comunidadbi,

Josué 22:9

Weawö̧, Rubensaso jojodöbi, Gadsaso jojodöbi, Manasessaso ja'ö jojodöbi tjitebobe tjewa̧jinobe. Ju'wedö tjömöledö israel jojodö canaan niji comunidad Silonö tjö̧jele labebö, idöda tjitebo Galaad nijibe tjewa̧jinobe, Isabenö Jo̧ Moisesnötjö̧ idöda tjitebo baibanö iyina nijibe.

Jueces 1:32

Ja̧danö, jejenö a'dewö lotjinokobetjö̧, Asersaso jojodöma jobadö cananeos jojodö, ajayinö ja̧ niji ju̧kwadö tjö̧'da̧de tjö̧jinobe.

1 Samuel 29:1

Filisteo jojodöma Afec mikwobe tjo̧ko̧kokwinobe, ja̧danö israel jojodöma Jezrel comunidad ojwese'do yöneawinö tjo̧ko̧kokwinobe.