Biblia Todo Logo
Bìoball air-loidhne

- Sanasan -




2 Samuel 2:27 - Dios Iwene

27 Jwöökwe, Joab atadinobe: —Jweinö yöka̧la Abner, otiwanö yöka̧lajabe. Duluwo̧ Diosma isabenö jo̧, ja̧danö Dios isabenö ö̧ji̧danö isabenö yötawakwö, yöka̧lajökötjö̧ma, isabenö yö̧te baledibanö chömöayedöma tjömöledö ökwö kwömöayedönö lubö kwabawö lotjo jö̧tja̧lajena, otiwanö yöka̧lajabe, kadatakwawobö, —jö̧ba̧lö.

Faic an caibideil Dèan lethbhreac




2 Samuel 2:27
11 Iomraidhean Croise  

Ja̧danö Abnerma Joabnö yöa̧linobe, —Dömöayedötjö ju'wedönö omudawö wedo, döba a'otjö tjölakwabikwawobö, didötjö tjujuluwojobö jö̧ba̧lö. —Yöa̧lökwe, —Jau, tjölakwabikwawo, —jö̧ba̧lö atadinobe Joabma.


Jemi ikenama Abnerma Joabnö jwöinobe, —Dokwa lekwe ölakwabikwawö dö̧jakwa̧da? Kwomukwatökiji̧, kabatibökönö ölakwabikwawö dö̧jitjö̧ma, isabenö jwiinö do̧'wo tjo̧achakwawakobe, dömöledökwö dölakwabikwawobetjö̧. Jau Joab, ökwödöma okobe deinö yöne dömöledösa, israel jojodösa, dokwa lekwe kwömöayedönö weköbakwa̧da, tjömöledönö lubö kwabawö lotjoböma? Katjatakwawobö weköbodönö, —jö̧ba̧lö jwöinobe Abnerma.


Ja̧danö jö̧ba̧lajo̧, Joabma trompeta pjuinobe, ölakwabikwawö katjatakwawobö. Jo̧kwajabetjö̧ israel jojodönö lubö katjatinobe, ja̧danö ölakwabikwawa katjatinobe.


—Okobe Jwiinö Juluwo̧ Diosma, iteda öba a'otjö wene jwibo̧ chö̧ji̧ma yöbawö̧kö̧, ja̧danö cho̧'wo sulachibanö webo̧ Diosma. Döwaisa, usula chemawinö webo̧ Diosma isabenö jo̧, ja̧danö jo̧ba öba a'o ja̧nö, isabenö yötawaduwakwö,


Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.


Ja̧danö, ju'wibi yötawa, wanedö: Ojwe tjöekwemi ojwiyo ja'yubeda ebawobe. Ja̧danö, jemi dadö tju̧tumökötjö̧ma ojwiyoma nöinö ebawibö pjolachaibakobe ¿jö̧tö̧? Te'ada̧lökönö jemima dadö tju̧tumobö jo̧be. Isabenö yötawa: Ja̧ tju̧tumi̧danö jojodöma jamatö jwöjwötjakwawena te'ada̧lökönö katjatakwawobö jo̧be jwiinö tjölakwabikwawapji jö̧ba̧lö. Isabenö, ojwe pjolachibapji jö̧ba̧lö juluwanö tju̧tumi̧danö jojodöma jamatö jwöjwötjakwawena juluwanö katjatakwawobö jo̧be, jwiinö tjölakwabikwawapji jö̧ba̧lö.


Ja̧danö, ju'wibi yötawa, wanedö: Bakwo̧ iteda ja̧akwa̧ omukwatobe, baikwö ja̧tobö jö̧ta̧la, jö̧ba̧lö. Ja̧danö, jo̧ba omukwati̧danö otiwanö baledobö, waisadö pjabatö jwetjebi̧ma a̧ja̧kwobö jo̧be. Ja̧danö, bakwemiinö guardia jojodöma ju'wedönö ölakwabikwawö tji'yakwa̧ abönö jweinö omukwatadö jwebebö yötjawi̧ma tja̧ja̧kwobö jo̧be, tjöpöjojodönö tjujuluwakobetjö̧.


Ju'wibi jwebebö yötawa: Ökwöma sulabenö baledobe kwedaja̧ma juluwanö yöbawö kwi̧'yoko lȩekwa yöbawo̧ ö̧bobekwö, jo̧banö yöbawö. Jelo̧ma ikena ichö, jweinö yöbawö, ökwö yökawaja̧danöma yöawökena. Jo̧bama jweinö yöawobetjö̧ lȩekwa yöbawo̧ma ökwönö, wajwibo̧ omöna yöba̧lo̧, jö̧ba̧lö, omukwatena. Ja̧danö, jobekwö baleditjö̧ma taba tjöbawöda kwö̧jena.


Jau chuluwo̧, baikwö isabenö yötawakwö, Isabenö Jo̧ ö̧ji̧ wenebi, ökwö kwö̧ji̧ wenebi isabenö wene, ja̧danö ja̧ isabenö ji̧danö yötawakwö, Diosda isabenö tjöbeba̧lö pjaatajabe, ökwöda balekwa mikwa ökwönö sulabenö ja̧badönö kwabö loköbapji jö̧ba̧lö. Jau chuluwo̧, jejenö ja̧köbatjö̧ma, sulabenö ja̧böködönöbi kwabawö loköbo jö̧ka̧lajena, ja̧danö jejenö kwabö lobajo̧, wene juna̧lo̧ bakibajena. Jo̧kwaijayonö Diosma otiwanö pjaatajabe, jejenö baledapji jö̧ba̧lö. Jau chuluwo̧ isabenö Diosda balekwa mikwa lȩebakwo̧ Nabalnöma, baikwö wanedö yötawa, okobe deinö kwöpöjojodöbi, ökwönö suli̧ baledobö ösödadöbi Nabaldanö batjibitjö̧ma, isabenö kwöpöjojojodö deinö kwö̧jena, jo̧ba Nabalma isabenö Dios lȩebakwo̧obetjö̧.


Lean sinn:

Sanasan


Sanasan