2 Samuel 2:26 - Dios Iwene

²⁶ Jemi ikenama Abnerma Joabnö jwöinobe, —Dokwa lekwe ölakwabikwawö dö̧jakwa̧da? Kwomukwatökiji̧, kabatibökönö ölakwabikwawö dö̧jitjö̧ma, isabenö jwiinö do̧'wo tjo̧achakwawakobe, dömöledökwö dölakwabikwawobetjö̧. Jau Joab, ökwödöma okobe deinö yöne dömöledösa, israel jojodösa, dokwa lekwe kwömöayedönö weköbakwa̧da, tjömöledönö lubö kwabawö lotjoböma? Katjatakwawobö weköbodönö, —jö̧ba̧lö jwöinobe Abnerma.

2 Samuel 2:26 Iomraidhean Croise

2 Samuel 11:25

Yöawökwe, Davidma yöbawo̧nö atadinobe baikwö: —Chömöayo̧, baikwö yöta̧li̧ yökawo Joabnö, –Ja̧ baledina omukwatö kwo̧'wo tjo̧bekwö kwö̧joko Joab, Uriasbi, ju'wedöbi debö tji̧'yinama ökwö jawamaökö. Jau Joab, tjölakwabikwawenama, dakwö döwaisakwajö debö tji̧'yakwedönöma, ba̧kwelöjatebö baledajiadanö a̧dekwanö ju'wedöena, ju'wedöena ö'wö batjibobe tjölakwabikwawelöma. Jo̧kwajabetjö̧ kwujuluwachibanö kwö̧jo Joab, ja̧danö ajayitjö bajalekwönönö ja̧ comunidad jojodönö mebibö kwölakwabikwawo, jobadönö kwujuluwakobetjö̧, –jö̧ba̧lö Joabnö ujuluwachibanö yökawonö, —jö̧ba̧lö weinobe Davidma, yöbawo̧nö.

2 Samuel 2:14

Ja̧danö Abnerma Joabnö yöa̧linobe, —Dömöayedötjö ju'wedönö omudawö wedo, döba a'otjö tjölakwabikwawobö, didötjö tjujuluwojobö jö̧ba̧lö. —Yöa̧lökwe, —Jau, tjölakwabikwawo, —jö̧ba̧lö atadinobe Joabma.

2 Samuel 2:16

Ja̧danö, tjölakwabikwawenama, okobe deinö tjöpöjojokwena uu'ye do̧batö, ometupanö kwölöte'onö dotjinobe, jo̧kwajabetjö̧ okobe deinö jobadö veinticuatrobedöma bakobe debö tji̧'yinobe. Ja̧danö, jobetjö jejenö tjölakwabikwawinobetjö̧, ja̧ mejema, babema Kwölöte'ijunö tjölakwabikwawina mejȩ, jö̧ba̧lö ötjabi̧ meje.

2 Samuel 2:25

Jobe mösa'o wa̧pekwa'onö Benjaminsaso jojodö Abner ömöayedöma, Abnerkwö tjo̧ko̧kokwinobe, ja'otjö 'diinö ja̧nö tjölakwabikwawobö.

2 Samuel 2:27

Jwöökwe, Joab atadinobe: —Jweinö yöka̧la Abner, otiwanö yöka̧lajabe. Duluwo̧ Diosma isabenö jo̧, ja̧danö Dios isabenö ö̧ji̧danö isabenö yötawakwö, yöka̧lajökötjö̧ma, isabenö yö̧te baledibanö chömöayedöma tjömöledö ökwö kwömöayedönö lubö kwabawö lotjo jö̧tja̧lajena, otiwanö yöka̧lajabe, kadatakwawobö, —jö̧ba̧lö.

Diosnö ösödo̧ Job mikwo̧ usula emawina jawa 18:2

—Dokwa lekwe mikwa jwii̧ jawa yöka̧lakwa̧da Job? Ja̧danö, tajawedö sulabenö kwomukwatobeda ökwödö kwömöledönö, –Bidöma wajwibadö, pa̧ka̧yadö wajwibö omukwatöködö tjö̧jidanöbedö, –jö̧ba̧lö? 'Wi̧inö babibö, jweinö kwomukwatobö jo̧be Job, ja̧danö jweinö kwomukwatenama, isabenö otiwanö pjabatö yöda̧lakwawakobe.

Diosnö ösödo̧ Job mikwo̧ usula emawina jawa 19:2

—Ökwödö chömöledöma, dokwa lekwe usula chemawinö ja̧köbaduwakwa̧da? Dokwa lekwe ötjönö sulabenö yöba̧lö, 'diinö tjinebi̧danö, 'diinö inebö usula chemawinö yöka̧laduwakwa̧da?

Proverbios 17:14

Ja̧danö, ju'wibi yötawa, wanedö: Ojwe tjöekwemi ojwiyo ja'yubeda ebawobe. Ja̧danö, jemi dadö tju̧tumökötjö̧ma ojwiyoma nöinö ebawibö pjolachaibakobe ¿jö̧tö̧? Te'ada̧lökönö jemima dadö tju̧tumobö jo̧be. Isabenö yötawa: Ja̧ tju̧tumi̧danö jojodöma jamatö jwöjwötjakwawena te'ada̧lökönö katjatakwawobö jo̧be jwiinö tjölakwabikwawapji jö̧ba̧lö. Isabenö, ojwe pjolachibapji jö̧ba̧lö juluwanö tju̧tumi̧danö jojodöma jamatö jwöjwötjakwawena juluwanö katjatakwawobö jo̧be, jwiinö tjölakwabikwawapji jö̧ba̧lö.

Isaías 1:20

Jo̧kwaijayonö, a̧ja̧kwökönö, weti̧ öpöjödö kwö̧jaduwitjö̧ma, isabenö ju'wedö dȩdȩbö lotjakwawö̧ja. Jau chömöledö, ötjö Isabenö Joma jobekwö yötawajabe, ja̧danö isabenö yötawaja̧danö baledakobe, —jö̧balö laebobe Isabenö Jo̧ yöawi̧ma.

Hechos 7:26

Ju'wi dewachö Moisésma edijetö du̧ju̧taja ömöledönö, israel jojodönöma 'do'dotjakwawobe. Katjatakwawobö jö̧ba̧lijetö Moisésma, Chömöledö, ökwödöma kwömöledöduwi ¿tajawedö 'do'doköbakwawaduwa? jö̧ba̧lö.