2 Samuel 2:21 - Dios Iwene

²¹ Atadökwe, —Lubökönuitjö, jelobekwö jalachibö, jelo̧nöda lubaji jo̧banö kwujuluwobö, ja̧danö jo̧ba itea kwemobö, —jö̧ba̧lö weinobe Abnerma. Jo̧kwaijayonö, Asaelma jwaikwöda Abnernö luinobe.

2 Samuel 2:21 Iomraidhean Croise

2 Samuel 2:20

Jejenö luiökwe, Abnerma ökömakwö edö abebö a̧ja̧kwinobe, —Asael, ökwödaji̧ chökömanö lubo̧ma? —jö̧ba̧lö. Abebö a̧ja̧kwökwe, —Jau, Asaelsa, —jö̧ba̧lö atadinobe.

2 Samuel 2:22

Jo̧kwaiökwe, Abnerma yemidanö weinobe, —Lubökönuitjö, ökwönö kwabö lotapji jö̧ba̧lö. Ökwöma Joab öjawo̧ja, jo̧kwajabetjö̧ ökwönö kwabö lotobö chöpöjöda. Jau Asael, ökwönö kwabö lotitjöma, ba̧kwelöjatebö kwöpöe Joabkwö wene chujuna̧lena, la'akatjöda söawökönö, ökwönö kwabö lotobö chöpöjöda Asael, kabatakwawi, —jö̧ba̧lö yöa̧linobe Abnerma Asaelnö.

Jueces 14:19

Ikenama Isabenö Jo̧ o̧'wo luwo̧ma juluwanö Sansonnö ujuluwachibanö ichibinobe, ja̧danö Sansonma Ascalon comunidadbe i̧'yinobe. Jobe ichibajo̧, Ascalon comunidad ömadö filisteo jojodötjö treintabedönö kwabawö loinobe Sansonma, ja̧danö kwabö lobajo̧, tjiteajama 'döbebö eminobe. Ikenama, emajo̧, tjiteaja̧ kamijido̧ e'ewö ȩwa̧bijinobe Timnat comunidadbe, ja̧danö yöa̧lakwawa labebö lobinadönö iyinobe, —Chiyocha, —jö̧ba̧lö yöa̧lina badekwachinö. Ikenama, jwiinö dameakwö, ilekwonö le'dedibö ȩwa̧jinobe Sansonma, iteda abe'do ejube.