2 Samuel 2:18 - Dios Iwene

¹⁸ Ja̧ möle Sarvia ji̧tji̧mu wamedukwa jobe David ömöayedö tjö̧jinobe, Joab mikwo̧bi, Abisai mikwo̧bi, Asael mikwo̧bi. Ja̧danö, Asaelma, jwiinö juluwanö ö'öbakwawo̧ ö̧jinobe, yama juluwanö ö'öakwawi̧danö.

2 Samuel 2:18 Iomraidhean Croise

2 Samuel 1:23

Isabenö otiwadö ba̧jȩkwadö tjösödawö̧ tjö̧jinobe Saulbi Jonatanbi, otiwanö bakobe tjö̧jinobe ina 'ya̧tja̧layima, ja̧danö debö tji̧'yenabi, bakobe ja̧nö debö tji̧'yinobe. Isabenö juluwadö tjö̧jinobe, muko köa̧litjö bajalekwönönö juluwadö tjö̧jinobe, ja̧danö didiba ujulutjö bajalekwönönö tjujuluwinobe.

2 Samuel 14:1

David öpöo Sarvia jitji̧ Joabma edö öwaisinobe, La'aka luwo̧ Davidma itji̧ Absalonnö edobö jö̧a̧lobe, jö̧ba̧lö.

2 Samuel 2:19

Ja̧danö, David ömöayedö tjöba a'otjö Abner döibajenama, Asaelma Abnernö luinobe. Jamatökönö, jwaikwöda Abnernö luinobe.

2 Samuel 22:34

Jau, mösa'ijutjö kwetachenama, yama otiwanö mebökönö kweachi̧danö kwetachobö pjabato̧, möemi kwebachö, pjusachibobe metapji jö̧ba̧lö.

2 Samuel 23:24

Ja̧danö ju'wedö juluwadö treintabedö jö̧ba̧lö ötjabawö̧ David ömöayedö inesö juluwadöma bidö: Joab öjawo̧ Asael mikwo̧bi, Belen jojo Dodo itji̧ Eljanan mikwo̧bi,

1 Reyes 2:5

Tupakwö yöawinobe Davidma, Salomonnö: —Ju'wibi yöta̧lakwö chitji̧: Kwöwaisa Joab ötjönö sulabenö jaina wene, chömöyedö israel jojodötjö ölakwabikwawa tjuluwedönö kwabö loinama. Jau chitji̧, döpöjojodökwö ölakwabikwawö dö̧jenama, ölakwabikwawö kwabo lobadösa döpöjojodönö, jo̧kwaijayonö jobadönö kwabö loinama, wainö ji̧. Jobadökwö ölakwabikwawökönö wene jwiinö, dö̧jijayonö, ja̧danö sulabenö ja̧tjinököjayonö, Joabma itedada öpöjödö jobadönö kwabö loinobe. Jau, tjökwösobunö iteda koleasö̧jenöbi, sapatunöbi duwaibanö sulabenö jainobe Joabma.

1 Crónicas 11:26

Ja̧danö David ömöayedötjö ju'wedö inesö juluwadö ötjabawö̧ tjmibiya baikwö laebobe: Joab öjawo̧ Asael mikwo̧bi. Belen jojo Dodo itji̧ Eljanan mikwo̧bi.

1 Crónicas 12:8

Ja̧danö, Gadsaso jojodötjöbi ju'wedöma ajayi tjuluwo̧nö kabatibö, David ömöayedö batjibanö jo̧banö pjatjatinobe. Jobadöma ölakwabikwawa jawa waisadö juluwadö tjö̧jinobe, ja̧danö David ina jojodö deobe 'diinö tjöekwobe ö̧jayi, ö̧jobekwö tji̧'yinobe, ömöayedö batjibanö. Jobadöma tjöekwapinöbi, otokwötenöbi ölakwabikwawa waisadö tjö̧jinobe, ja̧danö didibadödanö labidö tjö̧jinobe, ja̧danö mösa'o ju̧kwadö yamadanö, juluwanö ö'öbakwawadö tjö̧jinobe.

1 Crónicas 12:9

Jobadö Gadsaso jojodötjö la'aka tjuluwo̧ma Ezer mikwo̧, ja̧danö ömöayedöma bidö: Obadias mikwo̧bi. Eliab mikwo̧bi.

1 Crónicas 27:7

Ikena jawo̧ la'aka luwo̧ma, Joab öjawo̧ Asael mikwo̧. Ja̧ jawo̧ jo̧ba ömöayedö veinticuatro milbedö teada̧lö tjö̧jinobe, ja̧danö ö'wö baibakwa̧ abönö, jobadö tjuluwo̧ ö̧jinobe Asaelma. Ja̧danö, Asael ö'wö baibaja̧ ikenama, Asael itji̧ Zebadiasma ömöayedötjö la'aka luwo̧ baibinobe.

1 Samuel 26:6

Edajo̧, Davidma ömöayo̧ heteo jojo Ahimelecnöbi, Sarvia jitji̧ Joab öjawo̧ Abisai mikwo̧nöbi yöa̧linobe, —Ökwödötjö diteda ötjökwö Saul abobe yutubajö i̧'yakwo̧ma? —jö̧ba̧lö. Aebökwe, Abisaima atadinobe, —Ötjöma ökwökwö yutubajö chi̧'yocha, —jö̧ba̧lö.