2 Samuel 2:1 - Dios Iwene

¹ Jemi ikenama, baikwö baledinobe. Davidma Isabenö Jo̧nö abebö a̧ja̧kwinobe, —Juda niji comunidadbe chi̧'yobö jo̧beji̧? —jö̧ba̧lö. Abebö a̧ja̧kwökwe, —Jau, kwi̧'yobö jo̧be, —jö̧ba̧lö atadinobe Isabenö Jo̧ma. Atadökwe, —Di̧ya comunidadbe chi̧'yakwa̧da? —jö̧ba̧lö aebökwe, —Hebron comunidadbe kwi̧'yo, —jö̧ba̧lö atadinobe Isabenö Jo̧ma.

2 Samuel 2:1 Iomraidhean Croise

Génesis 13:18

Jejenö weiökwe Abramma isa̧do̧tjö otidinejuma ejatibö e'ewö 'yi̧jetö. 'Ya̧jo̧ Hebrón comunidad ö'öbönö ju̧kwijetö, towibiya owiawi ju̧kwena. Jobema jelo̧ itebo, Mamre mikwina. Abramma jobetjö otidijetö juwö iyawemi, Isabenö Jo̧ Diosnö ösödobö.

Génesis 32:2

Jacobma jobadönö edö, Bemima Dios weawö̧ guardia jojodö ángelesdö tjujukwemi, jö̧ba̧lö jobe midijetö, Mahanaim, jö̧ba̧lö.

2 Samuel 15:7

Ja̧danö, ö'wejemu jawa o̧biya baledaja̧ ikenama, Absalonma la'aka luwo̧ Davidnö aebinobe, —La'aka chuluwo̧, Hebron comunidadbe chi̧'yobö jö̧ta̧la, jobetjö Isabenö Jo̧ Diosnö kwabö juwö chiyobö. Jau chuluwo̧, ötjö kwömöayo̧ siria niji comunidad Guesurnö chö̧jayi, isabenö ja̧takwa̧ wene yöbawö chujunijatö, –Isabenö Jo̧ Dios Jerusalenbe chȩwa̧jobö pjaatitjö̧ma, isabenö Hebronbe 'ya̧nö, jobetjö Isabenö Jo̧ Diosnö ösödö kwabö juwö chiyocha, —jö̧ba̧lö. Jo̧kwajabetjö̧ yö̧bawö chujunina badekwachinö Hebronbe chi̧'yobö atebakwö, chi̧'yobö weköbakwa̧ji̧? —jö̧ba̧lö aebinobe Absalonma abe'do Davidnö.

2 Samuel 2:11

Ja̧danö, o̧biya jelemutjö dötölatajakwö, jawo̧dö jelemutjö̧ bakwo̧kwö baledibanö, Davidma Juda jojodö tjuluwo̧ ö̧jinobe, Hebron comunidadtjöma.

2 Samuel 5:19

Jejenö tjichibiökwe, Davidma abebö a̧ja̧kwinobe Isabenö Jo̧nö, —Chuluwo̧, filisteo jojodökwö ölakwabikwawö labebö chi̧'yakwa̧ji̧? Latebitjö̧ma, jobadönö chujuluwobö kwiyakwa̧ji̧? —jö̧ba̧lö. Aebökwe Isabenö Jo̧ma, —Jau, labebö ölakwabikwawaji, isabenö filisteo jojodönö kwujuluwobö chiyakobetjö̧, —jö̧ba̧lö atadinobe.

2 Samuel 5:23

Tjichiökwe, Davidma yemidanö Isabenö Jo̧nö abebö a̧ja̧kwinobe, —Filisteo jojodönö ölakwabikwawö latebakwa̧ji̧? —jö̧ba̧lö. Aebökwe, Isabenö Jo̧ma atadinobe, —Jweinöma jobadönö ölakwabikwawö lakeboko. Lakebenama, söpödibö, balsamo towibiya jo̧bekwö kwi̧'yö, tjö̧kö̧manö ichö jobadönö mekibobö.

1 Reyes 2:11

Ö'wö baibakwa̧ abönö, cuarenta o̧biya baledibanö israel jojodötjö la'aka luwo̧ ö̧jinobe Davidma. Jelemutjö dötölataja o̧biya baledibanö, Hebronnö ja̧nö webö ö̧jinobe Davidma, jadanö treinta y tres o̧biya baledibanö, Jerusalennö ja̧nö webö ö̧jinobe.

1 Crónicas 29:7

Tjiyina wȩyukwa'yema, baikwö laebobe: Dios eju jawa otikwa baibanö, oro jawatjö ciento sesenta y cinco mil kilo jenanöbi, oro ö̧pibiya diez mil ö̧pibiyabi tjiyinobe, ja̧danö plata jawatjö, tresciento treinta mil kilo jenanö tjiyinobe, ja̧danö bronce jawatjö seiscientos mil kilos jenanö tjiyinobe, ja̧danö 'dii jawatjö tres millones trescientos mil kilos jenanö tjiyinobe.

Josué 15:13

Ja̧danö, Isabenö Jo̧ Josuenö weinadanö, juda niji baibanö 'da̧batö ujunenama, ja'ö Jefone itji̧ Calebnö 'da̧batö iyinobe. Ja̧ Calebnö iyinama, Quiriat Arba comunidad jo̧banö iyinobe, ju'wi imi Hebron comunidad. Ajayinö anaquita jojodöma jobe tjö̧jinobe, ja̧danö jobadötjö ajayinö ji̧na Anak mikwo̧ abe'doma, Arba mikwo̧ ö̧jinobe, jo̧kwajabetjö̧ jo̧ba iminö comunidad ötjabinobe.

Jueces 1:1

Josue ö'wö baibaja̧ ikenama, israel jojodöma Isabenö Jo̧nö abebö tja̧ja̧kwinobe, —Duluwo̧, ökwödö israel jojodötjö diso jojodö abönö cananeo jojodönö dölakwabikwawobö jo̧beda? —jö̧ba̧lö.

1 Samuel 10:22

Jo̧kwajabetjö̧ yemidanö Isabenö Jo̧nö abebö tja̧ja̧kwinobe, —Jo̧ba Saulja, ina bai deiji̧? —jö̧ba̧lö abebö tja̧ja̧kwökwe, Isabenö Jo̧ma yöawinobe, —Saulma jojodö tjitea tjutuda'wiju 'da̧de uju̧kwawajabe, —jö̧ba̧lö.

1 Samuel 23:2

Yötjawiökwe, Davidma Isabenö Jo̧nö abebö a̧ja̧kwinobe, —Keila jojodönö pjabatö, filisteo jojodönö mebibö ölakwabikwawö chi̧'yobö jo̧beji̧? —jö̧ba̧lö. Aebökwe, Isabenö Jo̧ma weinobe, —Jau, filisteo jojodönö ölakwabikwawö kwi̧'yo, Keila jojodö tjö̧jibanö, —jö̧ba̧lö.

1 Samuel 23:4

Tjatadökwe, Davidma yemidanö Isabenö Jo̧nö abebö a̧ja̧kwinobe, —Isabenö jobe di̧'yobö jo̧beji̧? —jö̧ba̧lö. Aebökwe, Isabenö Jo̧ma atadinobe, —Jau, a̧la̧ibö, Keila comunidadbe 'ya̧duwi, isabenö filisteo jojodönö kwujuluwaduwobö pjatatakobetjö̧, —jö̧ba̧lö.

1 Samuel 30:31

Hebron comunidad jojodönöbi, ja̧danö jelobe David ömöayedökwö ajayinö kwebachö yi̧ainemi jojodönöbi iyinobe Davidma, amalecitas jojodötjö emina jawama.