2 Samuel 18:7 - Dios Iwene

⁷ Ja̧danö jobe tjölakwabikwawenama, David ömöayedöma Absalon ömöayedö israel jojodönö tjujuluwinobe, isabenö ba̧jȩkwadönö kwabö lotjinobe ja̧ möle, veinte mil jenanö.

2 Samuel 18:7 Iomraidhean Croise

2 Samuel 15:6

Jejenö ja̧inobe Absalonma, okobe deinö la'aka luwo̧ öba a'o wene yötjawobö ichadönö. Ja̧danö, jejenö ja̧bö, israel jojodö tjösödi̧ önaukwinobe, la'aka luwo̧nö tjösödi̧tjö̧ bajalekwönönö jo̧banöda tjösödobö ja̧bö.

2 Samuel 18:6

Jejenö israel jojodö Absalon ömöayedökwö tjölakwabikwawobö latjebinobe, ja̧danö Efrain niji tebo okwatjö tjölakwabikwawinobe.

2 Samuel 18:8

Ja̧ niji ba̧kwemeachibanö tjölakwabikwawinobe, ja̧danö Absalon ömöayedötjö ba̧jȩkwadö tebo labi̧ jawatjö 'debö tji̧'yinobe, David ömöayedö kwölöte'onö kwabö lotjajawö̧tjö̧ bajalekwönönö ba̧jȩkwadö tebö labi̧ jawatjö 'debö tji̧'yinobe.

2 Samuel 2:17

Ja̧danö jobadö ajayinö ölakwabikwawadö debö tji̧'yaja ikenama, okobe deinö ju'wedöbi tjölakwabikwawinobe. Labinö tjölakwabikwawinobe ja̧ mölema, ja̧danö David ömöayedöma, israel jojodö Abner ömöayedönö tjujuluwinobe.

2 Samuel 2:26

Jemi ikenama Abnerma Joabnö jwöinobe, —Dokwa lekwe ölakwabikwawö dö̧jakwa̧da? Kwomukwatökiji̧, kabatibökönö ölakwabikwawö dö̧jitjö̧ma, isabenö jwiinö do̧'wo tjo̧achakwawakobe, dömöledökwö dölakwabikwawobetjö̧. Jau Joab, ökwödöma okobe deinö yöne dömöledösa, israel jojodösa, dokwa lekwe kwömöayedönö weköbakwa̧da, tjömöledönö lubö kwabawö lotjoböma? Katjatakwawobö weköbodönö, —jö̧ba̧lö jwöinobe Abnerma.

2 Samuel 2:31

Jo̧kwaijayonö, David ömöayedötjö veintebedö wotjijayonö, Benjamin jojodötjö Abner ömöayedönö trecientos sesentabedönö kwabawö lotjinobe.

Proverbios 11:21

Ja̧danö, ju'wibi yötawa: Isabenö Jo̧ma sulabenö omukwatö jo̧nö lȩebakwo̧. Jo̧kwaijayonö Isabenö Jo̧ma jo̧ba wei̧ a̧ja̧kwo̧nö lȩebökakwo̧, lȩebi̧tjö ö̧jibanö pjaatakwo̧.

Proverbios 24:21

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, Isabenö Jo̧nö yebabinö kwomukwatobö jo̧be. Ja̧danö, böjȩnö inesö la'aka luwo̧nöbi otiwanö omukwatö kwö̧jobö jo̧be, chuluwo̧, jö̧ba̧lö. Ja̧danö, Isabenö Jo̧ wei̧bi, böjȩnö inesö la'aka luwo̧ wei̧bi kwa̧ja̧kwobö jo̧be. Chitji̧ jwebebö yötawakwö: Isabenö Jo̧nöbi, inesö la'aka luwo̧nöbi a̧ja̧kwöködö labidökwö pjabacha̧lö kwö̧joko.