2 Samuel 17:2 - Dios Iwene

² Jejenö jo̧banö lubö, nöinö kweachajabetjö me'dawachibajo̧nö, ujulu jwibo̧nö mebibö dichibakobe, ja̧danö jejenö dichibiawö̧, jo̧babi jo̧bakwö kwebachadöbi yetjaibakobe, ja̧danö ömöayedöma dötjibajakobe. Jejenö sule la'aka luwo̧ Davidnöda kwabö lodakobe,

2 Samuel 17:2 Iomraidhean Croise

2 Samuel 16:14

Ja̧danö, la'aka luwo̧ Davidbi, jo̧bakwö kwebachadöbi, me'dawachibajadö tjichibinobe Jordan mikwödö ojwebe, ja̧danö jobe ichibö, tjö'wachinobe.

2 Samuel 17:1

Ju'wibi yöa̧linobe Ajitofelma, Absalonnö: —Chuluwo̧, chedemi kwömöayedö ölakwabikwawa jojodötjö ömadö doce milbedönö omudawö, babe yö̧teda Davidnö lutitjö̧ma, otiwena, jejenö weköbobö ateba.

1 Reyes 22:31

Ja̧danö tjölakwabikwawakwa̧ abönö, Siria la'aka luwo̧ma iteda ömöayedö kolukiyanö ölakwabikwawadö tjuluwedö treinta y dosbedönö weinobe baikwö: —Bakwainö israel la'aka luwo̧nöda kwujuluwaduwobö kwisakwaduwo, ju'wedö jo̧kwadabedönöbi, la'aka luwedönöbi kwölakwabikwawaduwoböma kwisakwaduwoko, sule israel la'aka luwo̧nöda kwujuluwaduwobö kwisakwaduwo, —jö̧ba̧lö.

Mateo 21:38

Jejenö omukwatö, itji̧nö weinobe, jo̧kwaijayonö, batjo luwo̧ itji̧nö tjedenama, batjo otidadöma yötja̧lakwawinobe idödada: Bitema iteda abe'do woaja̧ okobe, abe'do otidaja̧ omudajibakwo̧, jo̧kwajabetjö̧ bitenö kwabö loditjö̧ma, biyu öbatjoajayuma ökwödöda döbatjo baibakobe, jö̧ba̧lö omukwatakwawö yötja̧lakwawinobe.

Mateo 26:31

Ikenama Jesúsma iteda öba̧ja̧di̧ waisachadönö yöawinobe: —Chömöledö, makö yö̧te ökwödö okobe deinö ötjönö le'dedibö dökibajaduwakwedöja, Dios iwene laebi̧danö. Baikwö laebobe Dios iwene: Diosma o̧bȩja̧dönö te'ada̧lo̧nö kwabö loakobe, ja̧danö o̧bȩja̧döma wainökwena dötjibajakwedö, jö̧ba̧lö laebobe.

Juan 11:50

Kwöwaisachibaduwokobe. Jesús ö'wö baibitjö̧ma romano jojodö ökwödönö söbebö lotjökakobe. Jesúsma bakwo̧ jojoda. Ökwödö judío jojodö ba̧jekwadösa. Ba̧jekwadö wodoböma bakwo̧ jojo woelö o̧penönö sulobe. Jo̧kwaobetjö̧ bakwo̧, Jesúsda, ökwödö judío jojodö dö'wöchokobö ö'wöchitjö̧ma otiwena— jö̧a̧linobe Caifás mikwo̧ma, Jesúsnö kwabö loditjö̧ma romano jojodö kwabö lotjökakobe ökwödönö, jö̧ba̧lö.

Deuteronomio 25:18

Kwöwaisaduwa chömöledö, lekwe kwebachajadö kwime'dawachibinaduwenama, ökwödönö metjibinobe, ja̧danö ju'wedö me'dadawadö ökömanö tjo̧'omanö kwebachadönö kwabawö lotjinobe. Diosnö yebabökönö, jobekwö sulabenö ja̧tjinobe chömöledö,