2 Samuel 16:9 - Dios Iwene

⁹ Jejenö sulabenö yöa̧liökwe, David öpöo Sarvia jitji̧ Abisaima Davidnö yöa̧linobe, —Chuluwo̧, ite mikwawö̧kö̧ ökwönö sulabenö yöa̧lobö jwibo̧, jo̧bama ö'wö babibajo̧ awilidanö mikwawö̧kö̧, tajawedö ökwö inesö la'aka chuluwo̧nö sulabenö yöa̧lobö. Webitjö, ö̧jobekwö 'ya̧nö, uu bulatö lotobö, —jö̧ba̧lö yöa̧linobe Abisaima.

2 Samuel 16:9 Iomraidhean Croise

2 Samuel 19:21

Jejenö yöa̧liökwe, Sarvia jitji̧ Abisaima yöa̧linobe, —Bite Simima, Isabenö Jo̧ omudawö ujuninökwenöda sulabenö öpöjödö yöa̧linobe, jo̧kwajabetjö̧ isabenö balekwa mikwa jo̧banö kwabö lodobö jo̧be, —jö̧ba̧lö.

2 Samuel 19:22

Jo̧kwaijayonö jejenö yöa̧liökwe, Davidma atadinobe, —Bi̧ya ökwödö Sarvia jitji̧mu jawamaökö Abisai, jejenö kwabö lodonö jö̧ka̧li̧ma, chöpöjojo yöa̧li̧danö yöka̧lobe. Babe möle yemidanö israel jojodö la'aka tjuluwo̧ batibi̧ mölema, chöpöjojodöbinadönö lȩlöinö edawa möle, jo̧kwajabetjö̧ bakwo̧nöbi kwabö lotjobö wetökö, —jö̧ba̧lö.

2 Samuel 3:30

Jobekwö baledinobe Joabbi, öjawo̧ Abisaibi Abnernö kwabö lotjina wenema. Gabaontjö tjölakwabikwawelö Abner tjöjawo̧ Asael mikwo̧nö kwabö loiawö̧, balekwa mikwa Abnernö kwabö lotjinobe.

2 Samuel 3:8

Yöa̧lökwe, Abnerma jwiinö ölabinobe Isbosetnö, ja̧danö atadinobe: —Kwedemi juda niji̧ awilidanö chichejekwobeji̧, jejenö ötjönö sulabenö yöka̧loböma? Isabenö yötawakwö, ba̧kwelöjatebö jwaikwöda kwabe'dominenö ösödö pjatatajabe, kwabe'donöbi, öjawo̧dönöbi, ömöledönöbi. Ju'wibi ökwönö pjatatajabe. David ökwönö ujuluwobö webökönö, jwaikwöda ökwönö pjatatajabe. Jo̧kwaijayonö, jwaikwöda kwabe'donöbi, ökwönöbi pjabatö ji̧achijayonö, ötjönö sulabenö yöka̧lajabe, –Sulabenö isujunö 'da̧bö jo̧ja, –jö̧ba̧lö.

2 Samuel 9:8

David yöa̧lökwe, Mefibosetma yemidanö öba nijakwö bȩachinobe, ja̧danö yöa̧linobe, —Ötjöma mikwawö̧kö̧sa chuluwo̧, jejenö ötjönö pjakatoböma. Jau chuluwo̧, ötjöma awili ö'wö babibajo̧ awilidanö mikwawö̧kö̧sa, ötjönö pjakato jö̧ba̧löma.

Éxodo 22:28

Ina webijetö Isabenö Jo̧ma Moisésnö: —Ötjönöma sulabenö omukwatö jwökeba̧laduwoko. Ja̧danö, kwuluwedöduwinö sulabenö baledobö weto jö̧ba̧löma akeba̧laduwoko.

Lucas 9:54

Jejenö wetjiököwö̧, Jesús öba̧ja̧di̧ waisachadö Jacobobi, Juanbi tjölabinobe, ja̧danö Jesúsnö abebö tja̧ja̧kwinobe: —Duluwo̧, jejenö tjöpöjödobetjö̧ ¿lȩdebakwa̧ji̧? Kwösöditjö̧ma Diosnö adebena, mölejȩbetjö ökwöla weobö, ja̧ comunidadtjö ökwönö öpöjödadönö söbebö loobö. ¿Jejenö adebakwa̧ji̧—? jö̧ba̧lö.

Hechos 23:5

Jejenö jö̧tja̧liökwe Pabloma jö̧ba̧lijetö: —Chömöledö ötjöma wajwitatö jo̧bama Diostjö jojodötjö ö'weje la'aka pjabato̧ jö̧ba̧löma. Chöwaisitjö̧ma jejenöma jö̧ta̧lokochajena chömöledö, Dios iwenema, Kwo̧'wo̧ sulinö edöma yöka̧la kwuluwo̧nöma, jö̧ba̧lö, yöawobetjö̧— jö̧ba̧lijetö.

1 Pedro 2:17

Ja̧danö Dios ömöayedö ja̧nö, okobe deinö jojodönö otiwanö kwomukwataduwo. Kwömöledöduwi Jesúsnö ösödadönö ösödabikwawö kwö̧jaduwo. Diosnö yebabinö kwösödaduwo. La'aka luwo̧ emperador ötjabökwenö otiwanö omukwatö, wei̧ ja̧bö kwö̧jaduwo.

1 Samuel 24:14

Jau chuluwo̧, ökwöma israel jojodötjö inesö la'aka luwo̧ja, tajawedö ötjönö lubö kwisakwobö? Ötjöma mikwawö̧kö̧sa, ötjöma ö'wö babibajo̧ awilidanö mikwawö̧kö̧sa. Ju'wibi ökwö mikwawo̧ öba a'otjö, ötjöma awili ötjö̧biyadanö ichejekwo̧sa, mikwawö̧kö̧sa ötjönö lubö kwisakwobö.