2 Samuel 16:4 - Dios Iwene

⁴ Jejenö yöa̧lökwe, la'aka luwo̧ Davidma Sibanö yöa̧linobe, —Mefiboset jejenö ötjönö öpöjödö ö̧jibinobetjö̧, okobe jwiinö jo̧ba ujuna̧linama, ökwönö chiyakwö, —jö̧ba̧lö. Yöa̧lökwe, Sibama atadinobe, —Chuluwo̧, kwöba a'o bȩbachibö chösödakwö, ba̧kwelöjatebö kwösödi̧nö ja̧bö chö̧jobö chösöda, —jö̧ba̧lö.

2 Samuel 16:4 Iomraidhean Croise

2 Samuel 14:22

Yöa̧lökwe, la'aka luwo̧ David öba a'otjö Joabma öba nijakwö öbamatinobe, isabenö chuluwo̧ja jö̧ba̧lö, ja̧danö Davidnö yöa̧linobe, —Chuluwo̧, Dios ökwönö pjaatobö ateba. Babe öwawinö chedobe, isabenö otiwanö ötjö kwömöayo̧nö kwösödobe jö̧ba̧lö, atebaja̧danö baledobö weköbajabetjö̧, —jö̧ba̧lö.

2 Samuel 14:4

Weoko, Tecoa jojosujuma Joab weaja̧danö ja̧jinobe, ja̧danö David öba a'o ichibö, jöba nijakwö jöbamatinobe, inesö la'aka chuluwo̧ja jö̧ba̧lö. Ja̧danö, David öba a'o bamataju, ajebinobe, —La'aka chuluwo̧, pjabatitjö, —jö̧ba̧lö.

2 Samuel 14:8

Ajebökwe, la'aka luwo̧ Davidma atadinobe, —Jau, pjatatocha. Kwejube daji̧, ja̧danö weawa wetocha, jo̧banö kwabö lotjapji jö̧ba̧lö.

2 Samuel 16:3

Jejenö yöa̧lökwe, la'aka luwo̧ Davidma abebö a̧ja̧kwinobe, —¿Kwuluwo̧mine Saul ö̧'dö̧ Mefibosetja? ¿Jo̧bama ichajökiji̧? —jö̧ba̧lö. Abebö a̧ja̧kwökwe, Siba atadinobe, —Jo̧bama Jerusalennö ö̧jibajabe, baikwö omukwatö, –Babe israel jojodöma cha'dömine Saul webö ö̧jinemi ötjöda webö chö̧jobö tjujunakobe, —jö̧ba̧lö.

2 Samuel 16:5

Ja̧danö, la'aka luwo̧ David Bajurin comunidadbe ichibenama, Saulmine ömöledötjö bakwo̧ Guera mikwo̧ itji̧ Simi mikwo̧ma, comunidadtjö labebö, sulabenö yöba̧lö jwöeba̧linobe Davidnö.

2 Samuel 19:27

Ja̧danö ju'wibi chuluwo̧, chi̧'yobö jö̧ta̧lijayonö, jo̧ba Sibama sulabenö omöna yöa̧linobe ökwö la'aka chuluwo̧nö, ichobö öpöjödo̧, jö̧ba̧lö. Jejenö baledina yötawakwö chuluwo̧, ja̧danö ökwö inesö la'aka chuluwo̧ma, Dios weökwe angeldanö waiso̧ja, jo̧kwajabetjö̧ ökwöda otiwanö kwomukwati̧danö ja̧köbo.

2 Samuel 9:6

Ja̧danö tjichejebiökwe, Saul itji̧ Jonatan itji̧ Mefiboset mikwo̧ma David öba a'o ichibinobe, ja̧danö ichibö David öba a'otjö öba nijakwö öbamatinobe, chuluwo̧ja jö̧ba̧lö. Ichibö, —Mefiboset kwö̧jiji̧? —David jö̧a̧lökwe, —Jau, kwömöayo̧ Mefibosetsa, —jö̧ba̧lö atadinobe.

2 Samuel 9:9

Ikenama la'aka luwo̧ Davidma Saul ömöayo̧ Sibanö jwöinobe, ja̧danö ichibiökwe, Sibanö yöa̧linobe: —Siba, okobe jwiinö Saulmine iteama, okobe jwiinö ömöledö tjiteabi, kwuluwo̧mine Saul ö'dö̧ Mefibosetnö tjebatö chiyajabe.

Éxodo 23:8

Ja̧danö, ju'wi wanedö yötawa: Lȩekwa omukwatö junadö tjöbajale a'o ja̧nö, jelo̧ma ökwödönö aeba̧lena, omöna yöba̧lö pjakatitjö̧ma balada chimidakwö, jö̧ba̧lö. Jejenö aeba̧litjö̧ma kwa̧ja̧kwaduwoko. Ja̧ balada kwemobö omöna yöka̧litjö̧ma lȩekwa omukwatö junadö tjöbajale tjewawö̧ edöködödanö wajwitjena isabenö baledinama. Jejenöobetjö̧ sulabenö omukwatö ja̧bö̧kö̧nöda lȩtjebakobe, sulabenö ja̧ököjayonö— jejenö webijetö Isabenö Jo̧ma Moisésnö, weawa wene ujunobö Israel jojodönö.

Proverbios 18:13

Ja̧danö, ju'wibi yötawa, wanedö: Bakwo̧ ina jwaikwöda yöa̧lonö yöa̧lökwema juluwanö atadobe yöba̧lo̧nöma, yöba̧lo̧ma ina okobe jwiinö yöa̧li̧ma kaatakwawököjayonö. Isabenö, jobekwö atado̧ma jweinö omukwatö̧kö̧, ja̧danö ju'wedöma sulabenö tjedökwe, omukwatö̧kö̧ jö̧ba̧lö.

Proverbios 18:17

Ja̧danö, ju'wibi yötawa, wanedö: Dujutaja wene juna̧lakwawadöma lȩekwa yöbawo̧ ö̧jobekwö yöba̧lö tetjachenama bakwo̧nökwena yötjawobö jo̧be, wenema bi̧ya̧da, jö̧ba̧lö. Ja̧danö, lȩekwa yöbawo̧ma, ajayinö yöbawo̧ yöawi̧ a̧ja̧kwö omukwatena, jweinö yöbawo̧ ichejekwa, jö̧ba̧lö. Jemi ikenama jelo̧ abebö a̧ja̧kwo̧ma ajayinö yöbawo̧nö abebö a̧ja̧kwobe ju'wi jawabi ju'wi jawa. Jobekwö abebö a̧ja̧kwonö öwawobe, omöna yöbawo̧, jö̧ba̧lö, jelobekwö atada̧lobetjö̧.

Proverbios 19:2

Ja̧danö, ju'wibi yötawa: Jojoma ju'wi jawabi ju'wi jawa öwaisobö jo̧be, otiwanö waisö ö̧jakobetjö̧. Ja̧danö, juluwanö, omukwatökönö ja̧bö jo̧ma, iteda ja̧i̧ma waekwo̧.

Deuteronomio 19:15

Tupakwö yöawinobe Moisesma: —Chömöledö, lȩekwa luwedö tjöba a'otjö jelo̧ sulabenö ja̧ina wene yötjawenama, sule bakwo̧da, –Bite sulabenö ja̧ina chedijatö, –jö̧ba̧lö yöawitjö̧ma, lȩekwa luwedö a̧ja̧kwö lȩtjebobö jwiena, sule bakwo̧da yöawajabetjö̧. Du̧ju̧tajaö̧kö̧, wamedukwaö̧kö̧ tjedaja̧ bakwainö yötjawitjö̧da yötjawi̧ tjösödobö ja̧kobe, ja̧danö yötjawi̧ ösödö, sulabenö ja̧binanö lȩekwa yötjawobö ja̧kobe.