2 Samuel 16:10 - Dios Iwene

¹⁰ Jejenö yöa̧liökwe, la'aka luwo̧ Davidma atadinobe, —Bi̧ya baledi̧ma ökwödö Sarvia jitji̧mu jawamaökö Abisai. Jau, wajwida ökwödöma, Isabenö Jo̧ Diosda jo̧banö weajena, Davidnö sulabenö yöka̧lo jö̧ba̧lö, ja̧danö Jo̧bada jejenö weatjö̧ma, kabatibi jö̧ba̧lö wedoböma jwiobe.

2 Samuel 16:10 Iomraidhean Croise

Génesis 50:20

Isabenö ökwödöma kwo̧'wo̧duwi sulinö edö, ötjönö sulabenö baledobö kwomukwataduwinajayonö Diosma ja̧ sulabe baledi̧ma balewö lobö otiwanö baibanö pjaatinobe ötjönöma. Ja̧danö, Diosma ötjönö la'aka luwo̧ baibanö chö̧bobö ujuninobetjö̧ jojodönö, ba̧jekwadönö tjö̧jibinö pjatatobö weinobe.

2 Samuel 19:22

Jo̧kwaijayonö jejenö yöa̧liökwe, Davidma atadinobe, —Bi̧ya ökwödö Sarvia jitji̧mu jawamaökö Abisai, jejenö kwabö lodonö jö̧ka̧li̧ma, chöpöjojo yöa̧li̧danö yöka̧lobe. Babe möle yemidanö israel jojodö la'aka tjuluwo̧ batibi̧ mölema, chöpöjojodöbinadönö lȩlöinö edawa möle, jo̧kwajabetjö̧ bakwo̧nöbi kwabö lotjobö wetökö, —jö̧ba̧lö.

2 Samuel 19:23

Ja̧danö la'aka luwo̧ Davidma Siminö iteda isabenö ja̧akwa̧ wene yöbawö ujuninobe, —Isabenö yötawakwö, ökwönö kwabö lotökakwo̧sa, —jö̧ba̧lö.

2 Samuel 3:39

Tupakwö yöawinobe Davidma, —O̧te tobebö, la'aka luwo̧ baibanö tjujuninökwema ötjödasa, jo̧kwaijayonö babe mölȩma juluwo̧danömabö̧kö̧sa, me'dawo̧danöbo̧sa. Idö Sarvia ji̧tji̧mu Joabbi, Abisaibi isabenö labidö, ja̧danö jobadönö chödöyötobö juluwö̧kö̧sa. Isabenö Jo̧ Diosda jobadönö lȩebakwo̧, sulabenö Abnernö kwabö lotjiökwe, isabenö Diosda balekwa mikwa lȩebakwo̧, —jö̧ba̧lö yöa̧linobe Davidma.

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

1 Reyes 2:5

Tupakwö yöawinobe Davidma, Salomonnö: —Ju'wibi yöta̧lakwö chitji̧: Kwöwaisa Joab ötjönö sulabenö jaina wene, chömöyedö israel jojodötjö ölakwabikwawa tjuluwedönö kwabö loinama. Jau chitji̧, döpöjojodökwö ölakwabikwawö dö̧jenama, ölakwabikwawö kwabo lobadösa döpöjojodönö, jo̧kwaijayonö jobadönö kwabö loinama, wainö ji̧. Jobadökwö ölakwabikwawökönö wene jwiinö, dö̧jijayonö, ja̧danö sulabenö ja̧tjinököjayonö, Joabma itedada öpöjödö jobadönö kwabö loinobe. Jau, tjökwösobunö iteda koleasö̧jenöbi, sapatunöbi duwaibanö sulabenö jainobe Joabma.

2 Reyes 18:25

—Ju'wibi yötawakwö, –Isabenö Jo̧ma pjaatakwo̧, –jö̧ba̧lö kwo̧'wo kwöwana̧loböma jwiobe, baikwö yöta̧la: Kwedemi Isabenö Jo̧ Dios weokonö, baikwö ökwödökwö dölakwabikwawobö dichinenaji̧? Ja̧maökö, Isabenö Jo̧ Diosda ökwödönö weinobe, –Juda nijibe 'ya̧nö, kwujuluwaduwo, –jö̧ba̧lö, isabenö ökwödö dujulutjö kwö̧jibobö pjaatökakwo̧, —jö̧ba̧lö yöa̧linobe Asiria la'aka luwo̧ ömöayo̧ yöawi̧ yöbawo̧ma.

Diosnö ösödo̧ Job mikwo̧ usula emawina jawa 9:12

Isabenö jwiinö juluwo̧ Diosma, ju'wi jaye 'döebobö jö̧a̧litjö̧ma, 'wainö 'döbebo̧, bakwo̧bi tjöbeba̧lo̧ma deobe, bakwo̧bi, –'Dökeba, tajawedö 'dököbobeda, –tjöbeba̧lö yöba̧lo̧ma deobe.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Mateo 16:23

Yöa̧lökwe, Jesúsma jalachibö Pedronö yöa̧linobe: —¡'Da̧bachibö da̧ji Pedro!, sulabenö Awetja yöa̧li̧da yöka̧lobetjö̧, ja̧danö jweinö Dios ösödi̧danö chi̧'yapji jö̧ba̧lö tjökeba̧lobetjö̧. Jau Pedro, biya̧ kwomukwati̧ma Diostjö ichökö ji̧, jojodö tjo̧mukwatida— jö̧ba̧lö yöa̧linobe.

Mateo 8:29

Jobadöma Jesús ichobe edö, labinö jwötjeba̧linobe baikwö: —Ökwö Dios i̧tji̧ma, ¿tajawedö dö̧jobekwö kwichobeda? Lȩebakwa̧ möle ina baibököjayonö, ¿ökwödönö lȩbebö kwichaji̧?— jö̧ba̧lö jwötjeba̧linobe.

Juan 18:11

Jejenö 'wiebiökwe Jesúsma weinobe Pedronö: —Pedro, kwölöte'o yutekwö anawi. Dios, ötjö usula chemawobö wei̧ma, ¿chemawokobö jiji̧? Usula chemawobö jo̧be, Pedro— yöawinobe Jesúsma Pedronöma.

Romanos 9:20

Jejenö yöba̧lökönaduwi chömöledö. Ökwödö böjȩ jojodöma, Diosma sulabenö ja̧bo̧, jö̧ba̧lö yöka̧laduwoböma jwia chömöledö. Baikwö wanedö yötawa: Bakwo̧ isa̧yu̧ dadö otiditjö̧ma, ¿ödadajayu̧ma yöa̧lenaji̧, Sulabenö kwotidajabe, jö̧ba̧lö? Yöa̧lökena, ¿jö̧tö?

1 Pedro 2:23

Jo̧banö sulabenö yötja̧lenama, balekwa mikwa sulabenöma atadinokobe, ja̧danö usula emawenama, usula emawinö ja̧badönö yebeabinöma yöa̧linokobe. Jau chömöledö, Cristoma jwaikwöda Diosnö, inesö jojodö ja̧tji̧ otiwojobö sulojobö jö̧ba̧lö yöbawo̧nö o̧'wo̧ wana̧lö ite'ada̧linobe, jo̧bada bajaliyanö yöawakwo̧ jö̧ba̧lö. Ökwödöbi jo̧ba omukwatinadanö kwomukwataduwo chömöledö, ja̧danö usula kwemawaduwenabi jwaikwöda otiwanö ja̧bö kwöbaledaduwo, Cristo ökwödönö i̧sebinadanö.

1 Samuel 26:19

Chuluwo̧, ötjönö kwa̧ja̧kwobö atebakwö, ötjö kwömöayo̧ yöta̧li̧ kwa̧ja̧kwobö ateba. Isabenö Jo̧ Diosda ötjönö kwöpöjödobö weatjö̧ma, jo̧banö iyawa chiyobö jȩna, ötjönö ödameakwi̧ kaatakwawobö. Jo̧kwaijayonö jojodöda ötjönö kwölabobö ja̧tjatjö̧ma, Isabenö Jo̧ jobadönö lȩebobö jo̧be. Jau, ötjönö kwölabobö ja̧badöma sulabenö ötjönö a'dewö lotjobe, Duluwo̧ Isabenö Jo̧ iyinemi nijitjöma, ja̧danö ötjönö wetjobe, –Isabenö Jo̧nö ösödökönö, ju'wedö tjösödawö̧nöda ösödö kwö̧jo,–jö̧ba̧lö.