2 Samuel 15:18 - Dios Iwene

¹⁸ Ja̧danö, David jobe iteada̧lonö, okobe deinö ömöayedöma David öba a'o tjöbaledinobe, ja̧danö la'aka luwo̧nö tjöbeba̧lö teada̧ladö quereteo ötjabawö̧bi, peleteo ötjabawö̧bi tjöbaledinobe, ja̧danö ju'wedö filisteo jojodö Gat comunidadtjö Davidkwö ichinadö seiscientosbedöbi tjöbaledinobe la'aka luwo̧ David öba a'o.

2 Samuel 15:18 Iomraidhean Croise

2 Samuel 18:2

Ja̧danö, wapösokwa batjibanö 'da̧batö ujuninobe ölakwabikwawa jojodönö, ja̧danö bakwaso la'aka luwo̧ baibanö Joabnö ujuninobe, ja̧danö jeleso Abisainö la'aka luwo̧ baibanö ujuninobe, ja̧danö jeleso Gat jojo Itaynö la'aka luwo̧ baibanö ujuninobe, jobadö webö tjö̧jonö tjölakwabikwawobö. Ju'wibi, David yöa̧linobe, —Ötjöbi ökwödökö ölakwabikwawö latebocha, —jö̧ba̧lö.

2 Samuel 20:23

La'aka luwo̧ David ömöayedötjö luwedöma bidö: Joabma okobe deinö israel jojodötjö ölakwabikwawa jojodö tjuluwo̧ ö̧jinobe. Ja̧danö, Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe.

2 Samuel 20:7

Weökwe, Sabanö lubö i̧'yinobe Abisaima, ja̧danö öibawö̧, Joab ömöayedö ölakwabikwawa jojodöbi, la'aka luwo̧nö tjöbeba̧lö teada̧ladöbi, ju'wedö David ömöayedötjö inesö juluwadöbi Abisaikwö tji̧'yinobe.

2 Samuel 6:10

Jo̧kwajabetjö̧, iteda itebo Jerusalen, David itebo comunidad ötjabobe e'ewobö öpöjödobetjö̧, jelobe jobetjö yöneawobe junö tji̧'yinobe, Gat comunidad jojo Obed Edom mikwo̧ ejube. Ja̧danö Obed Edom ejunö ujuninobe Isabenö Jo̧ iteapjoma.

2 Samuel 8:18

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧mubi, luwedö tjö̧jinobe.

1 Reyes 1:38

Jemi ikenama, David weaja̧danö, ö'weje pjabato̧ Sadocbi, Dios yöawi̧ yöbawo̧ Natanbi, Benaiasbi, ömöayedö la'aka luwo̧nö tjöbeba̧lö teada̧ladöbi Salomonnö tjöwaninobe, inesö la'aka luwo̧ David ajwi kabayu oma'anö, jadanö jo̧banö öbibö tji̧'yinobe Guijon ojwese'dobe.

1 Crónicas 18:17

Joyada itji̧ Benaias mikwo̧ma, la'aka luwo̧nö tjöbeba̧lö teada̧ladö tjuluwo̧ ö̧jinobe. Ja̧danö David itji̧muma, la'aka luwedö ja̧nö, yöne ömöayedö tjö̧jinobe.

1 Samuel 23:13

Jejenö yöawökwe, Davidbi, ömöayedö seiscientos jenanöbedöbi a̧la̧ibö Keila comunidadtjö latjebinobe. Ja̧danö labebajadö, Davidma ömöayedönö öbibö, jelobebi, jelobebi pjolachö kwebachö tjö̧jinobe, Saul jobadönö öbadekwapji jö̧ba̧lö. Ja̧danö, —Davidma Keila comunidadtjö döibajabe, —jö̧ba̧lö yötjawiökwe, Saulma kabatakwawö, yainöma Keilabe i̧'yinokobe.

1 Samuel 25:13

Yötja̧lökwe, ödameakwinobe Davidma, ja̧danö okobe deinö ömöayedönö weinobe, —Okobe deinö kwitea kwölöte'oduwima koleasö̧jenö nönaduwi, jo̧ba Nabalnö kwabö lodajo, —jö̧ba̧lö. Ja̧danö Davidbi iteda itea kwölöte'o koleasö̧jenö önawinobe. Ikenama, ömadö doscientobedö okobe tjitea teada̧lö tjö̧jibonö, ju'wedö cuatrocientobedö jenanö Davidkwö tji̧'yinobe Nabal ö̧jobekwö.

1 Samuel 27:3

Ja̧danö, jemi tupakwö Davidma filisteo jojodötjö la'aka luwo̧ Aquis mikwo̧kwö ö̧jinobe Gat comunidadtjö, Davidbi, ilekwamu jezreel jojosuju Ahinoambi, Nabal wobö ujunibinoko Carmel jojosuju Abigailbi. Ja̧danö David ömöayedöbi, tjömöledökwena jobe Gatnö tjö̧jinobe.

1 Samuel 27:4

Ja̧danö, jejenö baledajabema, ju'wedö yötjawinobe Saulnö, Davidma Gatbe döbibajö i̧'yajabe jö̧ba̧lö, ja̧danö jejenö yötjawiökwe, Davidnö isakwi̧ kaatibinobe Saulma.

1 Samuel 30:1

Ja̧danö, Aquis ö̧jelö ȩwa̧jö, wapötakwa möle baledibanö kwebachajadö, tjö̧jemi comunidad Siclagbe tjichibinobe. Ja̧danö, ichibö tjedemi, tjömöledö deobe, tjejubiya ubajobeda tjöbadekwajinobe. Detjonö, amalecita jojodöma Juda nijitjö a̧li̧kwöchobe naukwabinö ölakwabikwawö kwetjachinobe, ja̧danö Siclagbebi ichibö, juluwö mebibö tjönaukwinobe, ja̧danö okobe deinö jobe ju̧kwadö ya̧dönöbi, ju'wedö jobe ju̧kwadönöbi do̧tjatinobe. Bakwo̧nöbi kwabö lotjinokobe, do̧batöda do̧tjatinobe, ja̧danö do̧batajadö, tjejubiya tjujuwinobe. Ikenama, do̧tjatajawö̧nö öbibö, labebö tji̧'yinobe.

1 Samuel 30:14

Jemi abönö ökwödöma naukwabinö dölakwabikwawijatö, a̧li̧kwöchobe. Cereteos jojodö tjitebotjöbi, Juda nijitjöbi, Calebmine itebotjöbi naukwabinö ölakwabikwawö kwedachijatö, ja̧danö ju'wibi Siclag comunidad juwö lodijatö, —jö̧ba̧lö yöawinobe Davidnö.

1 Samuel 30:9

Atadökwe, Davibi, ömöayedö seiscientobedöbi lubö latjebinobe, ojwe Besor mikwödöbe tjichibenanö kabatö, ja̧danö jobe jödö ö'öbö ju'wedö tjö̧jibinobe.