2 Samuel 14:1 - Dios Iwene

¹ David öpöo Sarvia jitji̧ Joabma edö öwaisinobe, La'aka luwo̧ Davidma itji̧ Absalonnö edobö jö̧a̧lobe, jö̧ba̧lö.

2 Samuel 14:1 Iomraidhean Croise

2 Samuel 13:39

Ja̧danö, ajayinö nöinö Amnonnö ubudekwinajayonö, lekwe möle baledajajabema David o̧'wo tjo̧achi̧ otiwachibinobe. Ja̧danö, Absalonnö edobö omukwatinobe Davidma, chitji̧ Absalonwe, jö̧ba̧lö.

2 Samuel 14:2

Jo̧kwajabetjö̧ weinobe, Tecoa comunidadtjö bajwuju waisuju jichobö. Ja̧danö, ichibajunö weinobe, —Tjö̧möledö wotjiawö̧ budekwadödanö kwichejekwinö ja̧bi, budekwadö 'dutjawa̧do̧ 'dubawö. Ja̧danö, budekwuju, jömöledö debö tji̧'yioko lekwe möle budekwuju kwichejekwi̧nö, omewasobu dubawökönö ja̧nö,

2 Samuel 18:33

Jejenö yöawökwe, jwiinö o̧'wo tjo̧achinobe Davidma, ja̧danö o̧'wo tjo̧achö, apjude wamesȩko̧be budekwö önöchinobe. Ja̧danö 'ya̧nö, —Chitji̧ Absalonwe, chitji̧ Absalonwe, ökwö 'yaba̧lo̧ kwö̧jonö ötjöda ö'wö batibatjö̧ma, otiwo jö̧a̧lajena, chitji̧we, chitji̧we, —jö̧ba̧lö o̧'wo tjoachö ubudekwinobe Davidma.

2 Samuel 19:2

Ja̧ möle David ömöayedöma tjo̧'wo ösöwachibanö tjö̧jo jö̧tja̧linobe, otiwanö tjöpöjojodönö tjujuluwobetjö̧, jo̧kwaijayonö, —La'aka luwo̧ Davidma Absalonnö ubudekwobe, —jö̧ba̧lö yötjawiawö̧, tjo̧'wo ösöwachibo jö̧tja̧li̧ma o̧'wo tjo̧achakwawa baibanö balewachinobe.

2 Samuel 19:4

Ja̧danö, la'aka luwo̧ Davidma, öba möchekwö, labinö budekwabinö jwöbeba̧liainobe, —Chitji̧ Absalonwe, chitji̧ Absalonwe, chitji̧we, chitji̧we, —jö̧ba̧lö.

2 Samuel 2:18

Ja̧ möle Sarvia ji̧tji̧mu wamedukwa jobe David ömöayedö tjö̧jinobe, Joab mikwo̧bi, Abisai mikwo̧bi, Asael mikwo̧bi. Ja̧danö, Asaelma, jwiinö juluwanö ö'öbakwawo̧ ö̧jinobe, yama juluwanö ö'öakwawi̧danö.

1 Crónicas 2:16

Ja̧danö Isai itji̧mu ya̧döma, bidö: Sarvia mikwujubi, Abigail mikwujubi. Ja̧danö Sarviama jitji̧mu ömadö wamedukwanö jeminobe, Abisai mikwo̧nöbi, Joab mikwo̧nöbi, Asael mikwo̧nöbi.

Proverbios 29:26

Ja̧danö, ju'wibi yötawa: Ba̧jȩkwadö jojodöma la'aka luwo̧nö abeba̧ladö, pjabatitjö, jö̧ba̧lö. Jo̧kwaijayonö, bö̧jȩnö la'aka luwo̧maö̧kö̧, Isabenö Jo̧da jweinö omukwatö webo̧, inesö pjabato̧ma.