2 Samuel 12:8 - Dios Iwene

⁸ Ja̧danö, kwuluwo̧bina Saul ejubi, ilekwamunöbi ökwönö chiyijatö, ja̧danö okobe deinö israel jojodönöbi, juda jojodönöbi chiyijatö, kwömöayedö batjibanö. Jejenö nöinö chiyijatö, ja̧danö ja̧tjö bajalekwönönö chiyobö akebinatjö̧ma, jemi tupakwöbi ina nöinö chiyo jö̧ta̧lijatö David.

2 Samuel 12:8 Iomraidhean Croise

2 Samuel 12:11

Tupakwö yöawinobe Natanma, Davidnö: —Jau David, isabenö wene ja̧kobe bemi tupakwöma, baikwö laebobe Isabenö Jo̧ ökwönö yöawi̧ma: –Isabenö yö̧ne kwömöledötjö wene baibobö wetocha David, ja̧danö kwilekwamunö 'döbebö, jelo̧ kwömöledöso̧nö chiyocha, ja̧danö jo̧bama waapji ö̧jakobe kwilekwamukwö, kwömöayedöbi, ökwöbi baledi̧ kwöwaisaduwinö.

2 Samuel 12:2

Luwo̧danö jo̧ma, nöinö a̧jwi̧munö ujuna̧linobe, pa̧ka̧yadönöbi, obejadönöbi,

2 Samuel 2:4

Ja̧danö, jejenö ichiawö̧, Juda jojodötjö ömadöma David ö̧jobekwö tjichinobe, ja̧danö ichibö, David uunö o̧te totjebinobe, —Bitema ökwödö Juda jojodö inesö la'aka duluwo̧, —jö̧ba̧lö. Ja̧danö, Davidma yötjawi̧ a̧ja̧kwinobe, Jabes de Galaad jojodö otiwanö Saulnö o̧tjina wenema.

2 Samuel 5:5

Ajayinö Hebron comunidadtjö Judasaso jojodönöda yöbawö ö̧jinobe, jelemutjö dötölataja obia ja'ö baledibanö. Jemi ikenama, Jerusalentjö okobe deinö israel jojodönö yöbawö ö̧jinobe Davidma, o̧bia treinta y tres baledibanö.

2 Samuel 7:19

Jo̧kwaijayonö, ida̧ökö nöinö pjakatajayonö, –Ja'yubeda pjatatajabe, –jö̧ba̧lö, tupakwö nöinö pjakatakwa̧ wene yökawajabe. Jau Chuluwo̧ Isabenö Jo̧ Dios, ötjönö pjakataja̧tjö̧ bajalekwönönö, ina tupakwö lekwe möle ötjö kwömöayo̧ chi̧tji̧mu tupadanö jojodönöbi pjakatakwa̧ wene yökawajabe Chuluwo̧. Isabenö otiwanö pjabato̧ja chuluwo̧, bi̧ya̧ pjakati̧ wene a̧ja̧kwö, ökwödö bö̧jȩ jojodö döwaisachibobö jo̧be, Duluwo̧ Isabenö Jo̧ma isabenö jwiinö otiwanö pjabato̧ jö̧ba̧lö.

2 Samuel 9:7

Atadökwe, Davidma Mefibosetnö yöa̧linobe, —Yebabökönui chömöledöso̧, kwabe'do Jonatanma yöne chömöledöso̧ chösödökwe ö̧jinobe, jo̧kwajabetjö̧ kwabe'dominenö omukwatö, ökwönö dösölö̧jinö pjatatobö chösöda. Jau Mefiboset, okobe jwiinö kwadömine Saul iteboinemi, ökwönö tjetatobö chösöda ökwö kwitebo baibanö. Ja̧danö ju'wibi, yö̧ne chömöledö tjukwi̧danö, ba̧kwelöjatebö ötjökwö mesasötetjö kwukwobö chösöda, isabenö chömöledöso̧köbobetjö̧, —jö̧ba̧lö.

1 Reyes 2:22

Ajebiökwe, Salomonma dameakwö atadinobe, —Tajawedö chabe'domine ömöayujubinuju Abisagnö wetobö akebobeda, chöpöe ilekwo bajibanöma? Jejenö akebi̧ma, ju'wibi jo̧bada inesö la'aka luwo̧ baibanö wetobö akebobedanö jo̧be. Jau chojo'do, jo̧ba Adoniasma, ötjö chöpöe, jadanö ö'weje pjabato̧ Abiatarbi, ölakwabikwawadö tjuluwo̧ Joabbi pjatjatökwe. Jau, Abisagnö emobö aebi̧ma, sule ja̧damaökö, ju'wibi iteda inesö la'aka luwo̧ baibobö abebo̧, –Abönö pöechobetjö̧, la'aka luwo̧ chö̧jobö jo̧be, –jö̧ba̧lö. Aebaja̧danö wetökö, —jö̧ba̧lö atadinobe Salomonma.

Romanos 8:32

Jau chömöledö, Diosbi, ökwödönö suli̧ waedö̧kö̧ chömöledö, pjabatöma otiwanö pjabato̧. Jo̧bama, a̧'dȩlökönö iteda itji̧nö iyinobe, dö̧jibobö, ¿jö̧tö? Ja̧danö, ökwödönö ile nibebö, iteda itji̧nö iyinobema, jemi tupakwö, ¿okobe jwiinö otiwa jawa iyökenaji̧ chömöledö? Iyena chömöledö, ökwödönö ile niebobetjö̧.

1 Samuel 15:19

Jo̧kwajabetjö̧, tajawedö Isabenö Jo̧ wei̧ a̧ja̧kwökönö, weökö jawa ja̧köbaja̧da? Tajawedö mebibö, tjujuna̧li̧ do̧kataja̧da, tajawedö Dios weökö jawa sulabenö ja̧köbaja̧da? —jö̧ba̧lö Samuel yöawinobe Dios Saulnö yöa̧li̧ma.