2 Samuel 12:16 - Dios Iwene16 Jejenö balediökwe, Davidma Diosnö aebinobe itji̧nö, ja̧danö Diosnö abebö, u̧kwa ö̧tö̧chö, yö̧te baledibanö nijinöda ö̧binobe, Diosnö abebö. Faic an caibideil |
Elias Dios yöawi̧ yöawiökwe, o̧'wo tjo̧ekwinobe Acabma. A̧ja̧kwajo̧, ökamiji̧do̧ kȩ'ekwö loinobe, ja̧danö kamiji̧do̧ epju̧yunö kalukaa̧do̧ 'dubawö, u̧kwa kwökönö ö̧tö̧chö ö̧jinobe. Yöte abenabi kamijido̧ epju̧yunö kalukaa̧do̧ 'dubawö abinobe, ja̧danö kweachenama, o̧'wo tjo̧achö kweachinobe, —Isabenö Dios öba a'otjö sulabenö ja̧binasa, —jö̧ba̧lö.
—Inesö la'aka luwo̧, Isabenö Jo̧ Okobe Jwiinö Juluwo̧ Diosma sulabenö kwomukwataduwi̧ kabatibö, kwöbalewachaduwobö webo̧, ja̧danö o̧'wo tjo̧achö, kwubudekwaduwobö webo̧, ja̧danö kwuuduwi jwobawö, kamiji̧do̧ epju̧yunö kaluka̧ado̧ 'dukawaduwobö webo̧, –Dios öba a'ötjö sulabenö ja̧dinobetjö̧ o̧'wo tjo̧achadösa, –jö̧ba̧lö.
Jejenö iwȩyudina yöba̧lajo̧, chuluwo̧ Isabenö Jo̧ Diosnö budekwö atebijatö ökwödönö pjaatobö. Ja̧danö cho̧'wo̧ tjo̧achi̧ma Dios öba a'otjö öwawakobetjö̧, chu̧kwa ö̧töchö, kamijido̧ epju̧yunö kalukaa̧do̧ 'dubawö, ökwölaso̧pja̧nö ba̧nö atebijatö, isabenö chömöledö Israel jojodönö o̧'wo̧ tjo̧acho̧sa jö̧ba̧lö.
Ikenama, jejenö balediawö̧, Josuebi, ju'wedö israel jojodötjö luwedöbi jwiinö o̧'wo tjo̧achö tjökamiji̧do̧ kȩ'ekwö lotjinobe, ja̧danö Isabenö Jo̧ iteapjo öba a'o tjöba nijakwö tjöbamatinobe, ja̧danö jobe tjö̧binobe, yi̧ibena baibanö. Ju'wibi, nijiso̧pja tjuunö tjöwaninobe, jwiinö do̧'wo tjo̧bekwadösa jö̧ba̧lö.