2 Samuel 10:8 - Dios Iwene

⁸ Ja̧danö, amonitas tjitebo comunidad Rababe tjichibenama, amonitas jojodöma labebö, tjölakwabikwawöbo tjöjamatinobe, comunidad apjude badeibö. Jo̧kwaijayonö, jobadöma apjude badeibö tjölakwabikwawöbö tjö̧jonö, siria jojodö, Sobatjöbi, Rejobtjöbi, Macatjöbi, Tobtjöbi ichajadöma, israel jojodö tjökömanö mejenö tjiteada̧linobe, tjölakwabikwawobö.

2 Samuel 10:8 Iomraidhean Croise

2 Samuel 10:6

Amonitas jojodöma tjöwaisachibinobe, —Ayö, ömöayedönö sulabenö ja̧diökwe, Davidma jwiinö ökwödönö öpöjödachibajabe, ökwödönö lȩbebö ölakwabikwawö ichakobe, —jö̧ba̧lö. Jejenö omukwatö, ju'wedönö wetjinobe Siria luwedönö tjimidobö, tjömöayedö ölakwabikwawa jojodö pjatjatobö. Ja̧danö, tjimidawö̧, ba̧jȩkwadö Siria jojodöma pjabatö tji̧'yinobe, Bet Rejob nijitjöbi Soba nijitjöbi, veinte mil jenanö ölakwabikwawa jojodö tji̧'yinobe, ja̧danö Maca niji la'aka luwo̧ma, ömöayedö milbedökwö i̧'yinobe, ja̧danö Tob nijitjö, doce milbedö tji̧'yinobe, amonitas jojodönö pjatjatobö, David jobadönö ujuluwapji jö̧ba̧lö.

2 Samuel 10:7

Ja̧ wene a̧ja̧kwinobe Davidma, ja̧danö a̧ja̧kwajo̧, Joabnö weinobe, okobe deinö Joab ömöayedö ölakwabikwawa jojodö juluwadönö öbibö, jobadönö tjölakwabikwawobö.

2 Samuel 10:9

Jejenö balediökwe, Joabma öwaisachibinobe, —Ayö, amonitas jojodökwö dölakwabikwawonö, bakobe dökömakwö ju̧kwadö siria jojodönöbi dölakwabikwawobö ja̧kobe, —jö̧ba̧lö. Jo̧kwajabetjö̧ israel jojodötjö inesö juluwadönö omudawö ujuninobe, jo̧bakwö ja̧nö, siria jojodökwö tjölakwabikwawobö,

2 Samuel 23:34

Macateo jojo Ajasbay itji̧ Elifelet mikwo̧bi, Guilonita jojo Ajitofel mikwo̧ itji̧ Elian mikwo̧bi,

1 Reyes 11:24

Hadad Ezer ö̧jelö döbibajo̧, ju'wedö la'aka luwo̧nö öpöjödadönö o̧ko̧kodinobe, iteda ömöayedö batjibanö, ja̧danö jobadökwö jelobekwena naukwabinö tjölakwabikwawinobe. Jemi ikenama, Davidma Soba la'aka luwonö Hadad Ezernö ujuluwinobe, jadanö juluwajo̧ ölakwabikwawa jojodönö kwabawö loinobe. Jejenö balediökwe, Rezonma Damasco comunidadbe i̧'yinobe, ja̧danö ichibiawö̧, jobe ju̧kwadöma Rezonnö tjujuninobe, siria niji la'aka luwo̧ baibanö.

1 Crónicas 19:7

Jobadötjö treinta y dos mil kolukiyabi, kolukiyanö ölakwabikwawadöbi ichö pjatjatobö tjimidinobe, ja̧danö ju'wibi Maaca comunidad la'aka luwo̧nöbi tjimidinobe, ömöayedö ölakwabikwawa jojodönö öbibö pjaatobö. Jobekwö tjimidajawö̧, Amonitas jojodö tjitebobe tji̧'yinobe, ja̧danö Medeba comunidad badeibö tjabakwemi tjujuninobe. Ja̧danö ju'wibi Amonitas jojodötjö la'aka luwo̧ Janunma iteda ömöayedönöbi o̧ko̧ko̧dinobe, ja̧danö jobadöbi tjölakwabikwawobö tjo̧ko̧kokwinobe.

1 Crónicas 19:9

Ja̧danö, amonitas tjitebo comunidad Rababe tjichibenama, amonitas jojodöma labebö, tjölakwabikwawöbo tjöjamatinobe, comunidad apjude badeibö. Jo̧kwaijayonö, jobadöma apjude badeibö tjölakwabikwawöbö tjö̧jonö, la'aka luwedö jelobetjö ichajadöma, israel jojodö tjökömanö mejenö tjiteada̧linobe tjömöayedökwö, tjölakwabikwawobö.

Josué 19:28

ja̧danö jemi tupakwö Abdon comunidadbebi, Rejob comunidadbebi, Hamon comunidadbebi, Cana comunidadbebi dötewinobe Aser niji bakwachobema, bajalianö inesö jalobe comunidad Sidon ö'öböbe ichibanö.

Jueces 1:31

Ja̧danö Asersaso jojodöma Aco comunidad jojodönöbi, Sidon comunidad jojodönöbi, Ajlab comunidad jojodönöbi, Aczib comunidad jojodönöbi, Jelba comunidad jojodönöbi, Afec comunidad jojodönöbi, Rejob comunidad jojodönöbi a'dewö lotjinokobe.

Jueces 11:3

Jejenö a'dewö lotjiökwe, Jeftema tjö̧jelö döibajinobe, Tob nijibe, jobe ö̧jobö. Ja̧danö, Tob nijinö ö̧jonö, ju'wedö mikwawöködö sulabedöma ö̧jobekwö tjichinobe, ömöayedö batjibanö, ja̧danö Jeftema jobadönö öbibö labebiainobe, ju'wedökwö ölakwabikwawö tjitea idöda tjitea baibanö 'dötjebobö.

Jueces 11:5

Ja̧danö, amonitas jojodö ölakwabikwawö tjichenama, Galaad niji luwedöma Jefte pjaatobö tjomukwatinobe, ja̧danö Tob nijibe tji̧'yinobe, jobetjö Jeftenö tjichejebobö.