2 Samuel 10:14 - Dios Iwene

¹⁴ Ja̧danö, dötjibajobe edö, amonitas jojodöbi Abisai öba a'otjö dötjibajinobe, ja̧danö döbibajö, comunidad okwa tetjachinobe. Jemi ikenama Joabma amonitas jojodönö ölakwabikwawö kabatibö, Jerusalenbe ȩwa̧jinobe.

2 Samuel 10:14 Iomraidhean Croise

2 Samuel 10:15

Ja̧danö, siria niji la'aka luwedöma tjedinobe, —Ayö, israel jojodöma dömöayedö ölakwabikwawa jojodö wedinawö̧nö tjujuluwajabetija, —jö̧ba̧lö. Jo̧kwajabetjö̧, siria niji ba̧kwemeachibanö ju̧kwadö ölakwabikwawa jojodönö tjo̧ko̧kodinobe, israel jojodönö tjujuluwobö.

2 Samuel 11:1

Imiame baledaja̧ ikenama, la'aka luwedöma ba̧kwelöjatebö ölakwabiwawö labebajitjobe, ja̧danö ölakwabikwawö latjebobö baibenama, Davidma Joabnöbi, ju'wedö ömöayedö ölakwabikwawa jojodönöbi weinobe, amonitas jojodönö tjujuluwobö. Jejenö weawö̧, amonitas jojodönö ölakwabikwawö tjujuluwinobe, tjitebo inesö comunidad Rababe dötjibajenanö, ja̧danö Raba comunidad tjötjösawinobe, jobe tjöbebö ju̧kwadönö tjujuluwobö. Jo̧kwaijayonö, ömöayedö jejenö amonitas jojodönö tjölakwabikwawonö, Davidma okobe Jerusalennö ö̧jibinobe.

2 Samuel 20:6

Jejenö ichibiökökwe, Davidma Abisainö weinobe, —Juluwanö Sabanö ludibobö jo̧be, ökwödönö suli̧ waedapji jö̧ba̧lö. Jau Abisai, juluwanö lubökönö, lekwe diteada̧litjö̧ma, Bicri itji̧ Sabama, nöinö wene baibobö ja̧akwo̧, Absalon wene baibobö ja̧inatjö bajalekwönönö. Jo̧kwajabetjö̧, Amasa ichibobö teada̧lökönö, ökwöda chömöayedö ölakwabikwawa jojodönö öbibö, Sabanö lubaji. Juluwanö jo̧banö lukubo, 'diinö tjöekwobe comunidadbe ichibö, ökwödötjö döibapji jö̧ba̧lö, —Abisainö weinobe Davidma.

2 Samuel 22:38

Jo̧kwajabetjö̧ chöpöjojodönö lubö, söbebö lotijatö, jobadönö lubö katatijökötö, okobe deinö chöpöjojodönö söbebö lotenanö kabatö.

2 Samuel 23:18

Ja̧danö David ömöayedö inesö juluwadötjö jelo̧ma, Sarvia jitji̧, Joab öjawo̧ Abisai mikwo̧. Jo̧ba Abisaima, inesö treintabedö ötjabawö̧ tjuluwo̧ ö̧jinobe. Jo̧bama bakwöta möle öpöjojodönö ölakwabikwawö, otokwötenö trescientosbedönö kwabawö loinobe. Jo̧kwajabetjö̧, ajayinö tjimi labebajadönö tja̧ja̧kwi̧danö Abisainöbi tja̧ja̧kwinobe.

2 Samuel 8:12

Edom nijitjö do̧ataja̧bi, Moab nijitjö do̧ataja̧bi, amonitas jojodötjö do̧ataja̧bi, filisteo jojodötjö do̧ataja̧bi, amalecita jojodötjö do̧ataja̧bi, Rejob itji̧, Soba niji la'aka luwo̧ Hadad Ezertjö do̧ataja̧bi.

1 Crónicas 18:12

Ja̧danö, Sayu wabeko mikwobe, edomitas ölakwabikwawa jojodökwö ölakwabikwawenama, David ömöayo̧, öpöo Sarvia jitji̧ Abisaima ömöayedökwö jobadötjö dieciocho milbedönö kwabawö loinobe.