2 Samuel 1:7 - Dios Iwene

⁷ Ja̧danö, ökömakwö jalachibö edö, ötjönö edinobe Saulma, ja̧danö edö, ötjönö jwöinobe. Jwöitjö̧, –Tajida chuluwo̧? –jö̧ba̧lö chatadijatö.

2 Samuel 1:7 Iomraidhean Croise

2 Samuel 1:6

Abebö a̧ja̧kwökwe, yöbawö ichibajo̧ma Davidnö yöawinobe: —Ötjöma jobe tjölakwabikwawelö ja̧nö, a̧dekwanö mösa'o Guilboa ötjaba'otjö chö̧jijatö, ja̧danö jobe ja̧nö, Saulnö chedijatö, otokwötenö wanebo̧nö. Ja̧danö, jobe wanebö ö̧jonö, filisteo jojodö kolukiyanö ölakwabikwawadöbi, kabayunö wanö ölakwabikwawadöbi yöne tjichibinobe.

2 Samuel 1:8

Chatadökwe, –Diso jojoköbobeda? –jö̧ba̧lö abebö a̧ja̧kwitjö̧, –Ötjöma amalecita jojosa, –jö̧ba̧lö chatadijatö.

2 Samuel 9:6

Ja̧danö tjichejebiökwe, Saul itji̧ Jonatan itji̧ Mefiboset mikwo̧ma David öba a'o ichibinobe, ja̧danö ichibö David öba a'otjö öba nijakwö öbamatinobe, chuluwo̧ja jö̧ba̧lö. Ichibö, —Mefiboset kwö̧jiji̧? —David jö̧a̧lökwe, —Jau, kwömöayo̧ Mefibosetsa, —jö̧ba̧lö atadinobe.

Isaías 6:8

Jemi ikenama Isabenö Jo̧ yöa̧lobe cha̧ja̧kwijatö, baikwö yöa̧li̧ma: —Tinö wetakwa̧da, chömöledö israel jojodönö yöa̧lobö? Jobadönö yöda̧lo jö̧da̧lima, tinö wetakwa̧da, jo̧bada yöawakobetjö̧? —jö̧ba̧lö. Jobekwö abebö a̧ja̧kwi̧tjö̧, ötjö Isaiasma chatadijatö, —Chuluwo̧, ötjöma bai kwöba a'o jo̧sa, ötjönöda webi, yökawo jö̧ka̧li̧ma yötawakobetjö̧, —jö̧ba̧lö.

Isaías 65:1

Baikwö yöawobe Isabenö Jo̧ma: Isabenö chömöledönö cha̧ja̧kwobö chiteada̧lijatö, jo̧kwaijayonö atjebinokobe chömöledöma. Ja̧danö ötjönö tjöbadekwajobö chi̧sȩkwijayonö, ötjönö tjisakwinokobe chömöledöma. Chömöledö israel jojodö ötjönö, —Isabenö Jo̧, pjabati, —jö̧ba̧lö atjebököjayonö, jobadönö pjatatotö jö̧ba̧lö yöta̧lijatö, —Bai chö̧ja chömöledö, akebaduwotjö, —jö̧ba̧lö.

Jueces 9:54

Jejenö balediökwe, Juluwanö ö'wö batibakwo̧sa jö̧ba̧lö, ömöayo̧ itea ölakwabikwawa jawa kwebato̧nö weinobe, —Juluwanö kwölöte'o do̧batö, kwabö lobitjö, biwa jikwawatjö debö chi̧'yapji. Jau, jejenö kwabö loköbobö wetakwö, jojodö ötjönö, –Jojosujuda kwabö lojinökwe, –jö̧ba̧lö otjapji jö̧ba̧lö. —Ja̧danö, weökwe, Abimelec ömöayo̧ma weaja̧danö Abimelecnö kwabö loinobe kwölöte'onö.

1 Samuel 22:12

Ja̧danö, Saulma Ahimelecnö yöa̧linobe baikwö: —Ökwö Ahitub itji̧, a̧ja̧kwitjö, —jö̧ba̧lö. Yöa̧lökwe, —Jau chuluwo̧, kwöba a'o chö̧ja, yöba̧li̧tjö, —jö̧ba̧lö.