2 Samuel 1:6 - Dios Iwene

⁶ Abebö a̧ja̧kwökwe, yöbawö ichibajo̧ma Davidnö yöawinobe: —Ötjöma jobe tjölakwabikwawelö ja̧nö, a̧dekwanö mösa'o Guilboa ötjaba'otjö chö̧jijatö, ja̧danö jobe ja̧nö, Saulnö chedijatö, otokwötenö wanebo̧nö. Ja̧danö, jobe wanebö ö̧jonö, filisteo jojodö kolukiyanö ölakwabikwawadöbi, kabayunö wanö ölakwabikwawadöbi yöne tjichibinobe.

2 Samuel 1:6 Iomraidhean Croise

2 Samuel 1:21

Mösa'o Guilboa mikwa'oma, bemi tupakwö la'akatjöda si̧li̧'idö tji'olitjö 'bȩkwokobö, ja̧danö la'akatjöda ojwiyo o̧bokobö, ja̧danö jobetjö trigosa'ye la'akatjöda pokwokobö chösöda, jobetjö juluwo̧ Saulma debö i̧'yinobetjö̧, tjöekwapi sulamachibanö. Jau, Saul ujuluwinatjö̧ma, itea tjöekwapi salöachibanö o̧tenö 'do̧tjo jö̧tja̧linobe, jo̧kwaijayonö jobe Guilboa mösa'otjö debö i'yi̧nobetjö̧, ja'otjö suli̧ waekwinobe Saul iteapi tjöekwapima. Jo̧kwajabetjö̧, ja'otjö jobekwö baledinobetjö̧, ja'o Guilboa mösa'o kököbachibö suli̧ waekwobö chösöda.

2 Samuel 1:5

Yöawökwe, —Dakwö kwöwaisa, Saulbi itji̧ Jonatanbi debö tji̧'yinobe jö̧ba̧löma? —abebö a̧ja̧kwinobe Davidma.

2 Samuel 1:7

Ja̧danö, ökömakwö jalachibö edö, ötjönö edinobe Saulma, ja̧danö edö, ötjönö jwöinobe. Jwöitjö̧, –Tajida chuluwo̧? –jö̧ba̧lö chatadijatö.

Lucas 10:31

Ja̧danö, ja'yubeda lekwajabetjö, jojo jobe ö̧bena ö'öbönö, Diostjö jojodötjö ö'weje pjabatadötjö bakwo̧ jena öbaledinobe, ja̧danö jojonö edö, pjabatökönö söpödibö bakwachamabenö öbaledibinobe.

1 Samuel 28:4

Ja̧danö, ja̧ baledaja̧ okobe, filisteo jojodöma ko̧ko̧kwö tjichinobe, ja̧danö Sunem comunidadtjö tjabemi tjujuninobe. Ja̧danö, Saulma okobe deinö israel jojodötjö ölakwabikwawa jojodönö ko̧ko̧dö, filisteo tjö̧jemi badeibö Gilboatjö tjabemi tjujuninobe.

1 Samuel 6:9

ja̧danö otiwanö kweda̧laduwo, israel nijibe tötjojobö, tjitji̧mu tjö̧jobekwö tötjojobö jö̧ba̧lö. Jweinö 'ya̧nö, japjo itebobe, israel niji comunidad Bet-semesbe töbö tji̧'yitjö̧ma, jejenö tji̧sȩkwelöda kwöwaisachibaduwena, wene kwöbaledaduwi̧ma, isabenö Diostjöda ichi̧ jö̧ba̧lö. Jo̧kwaijayonö pa̧ka̧yadö jelobekwö töbö tji̧'yitjö̧ma, kwöwaisachibaduwena, ökwödönö baledi̧ma, Diostjö ichökö ji̧, a̧dekwanö baledi̧ jö̧ba̧lö, —wetjinobe tjösödawö̧nö ösödakwawa luwedöbi, tupakwö baledakwa̧ yöbawadöbi.