2 Juan 1:12 - Dios Iwene

¹² Chö̧ja̧wo̧dö, ina nöinö yöta̧lo jö̧ta̧lijayonö̧ kwialusöjanö wȩyudö yöta̧lo jö̧ta̧lökö. Kwö̧jaduwobe chichobö chosöda, ökwödönö ediakwawö yöta̧lobö. Jejenö ökwödönö ediakwawöda yöta̧lobö jö̧ta̧la, do̧'wo̧ ösöwanö dö̧jobö.

2 Juan 1:12 Iomraidhean Croise

Juan 15:11

Ja̧ yötawaja̧ma, kwo̧'wo̧duwi̧ ötjö cho̧'wo̧ ösöwanö chö̧ji̧danö jwiinö ösöwanö kwö̧jaduwobö yötawaduwakwö, Ötjökwö dötewinö ja̧duwi, jö̧ba̧lö.

Juan 16:12

Ina yöawinobe: —Ötjöma ina nöinö yötawo jö̧ta̧lijayonö ina omukwatöma kwöwaisachibaduwökena—yöawinobe—.

Juan 16:24

Ina la'akatjöda ötjö chiminö akebaduwinokobe. Yötawaduwakwö. Ötjö chiminö akebaduwitjö̧ma Diosma a̧ja̧kwö pjaatakwo̧, kwo̧'wo̧duwi jwiinö ösöwanö kwö̧jaduwobö— yöawinobe Jesúsma öba̧ja̧di̧ waisachadönöma.

Juan 17:13

Ja̧danö tjo̧wi̧, ökwö kwö̧jobekwö chȩwa̧jocha. Ja̧danö, böjȩnö ina chö̧jayi ökwönö ateba bidönöma, ötjö cho̧'wo̧ jwiinö ösöwi̧danö tjo̧'wo̧ jwiinö ösöwanö tjö̧jo, jö̧ba̧lö.

Juan 3:29

Ökwödö yökawaduwi̧, Jesús ba̧jekwadönö ojwenö ubu̧datobe, jö̧ba̧lö, yökawaduwi̧ a̧ja̧kwö jwiinö chösöda, otiwa, jö̧ba̧lö— yöawinobe—. Wanedö yötawa: Ilekwonö emi̧ pjiesta ja̧nö, emakwo̧ma ösödinö ö̧jobe, iteda ilekwonö emakobetjö̧. Ja̧danö, jo̧ba ömöledöso̧bi ösödinö ö̧jobe, ömöledöso̧ ilekwonö emiökwe. Ja̧danö, jo̧bama ilekwonö emakwo̧ ösödö yöa̧li̧ a̧ja̧kwö, bakwainö ösödobe. Chömöayedö, Jesúsma ilekwonö emakwo̧danö jo̧. Ja̧danö, ötjöma ilekwonö emakwo̧ ömöledöso̧danö jo̧sa. Ötjöma Jesús jojodönö ösödö yöa̧li̧ a̧ja̧kwö ösödo̧sa. Jo̧kwaobetjö̧, cho̧'wo̧ luwo̧nö jwiinö ösödö jo̧sa, Jesús ojwenö ubu̧dati̧ yökawaduwi̧ a̧ja̧kwö— yöawinobe Juan Ojwenö Bu̧dato̧ma ömöayedönö.

Romanos 15:24

Jau chömöledö, chedemi Españabe chi̧'yenama, ja'ö ökwödö Roma jojodönö edö chi̧'yena. Ja̧danö, ökwödönö edö chösödena chömöledö. Ja̧danö, ökwödökwö ja̧nö chösödocha ja'yubenö lekwe. Ja̧danö jemi ikenama, ja'yubenö lekwe ökwödökwö chö̧jajabema, jemi tupakwö pjakataduwena, Españabe chi̧'yobö.

2 Timoteo 1:4

Jau Timoteo, isabenö ökwönö chomukwatobe, ja̧danö belö o̧'wo̧ tjo̧achö kwubudekwina wene chomukwatibobe. Jejenö omukwatö, cho̧'wo̧ tjo̧achobe, yemidanö chömöledöso̧ Timoteonö chedowe jö̧ba̧lö, yemidanö dediakwawenama otiwanö cho̧'wo̧ ösöwachibanö chö̧jakobetjö̧.

Filemón 1:22

Ja̧danö, ja̧ atebaja̧ jawakwö, ju'wibi atebakwö Filemón, ötjö jobe chabakwȩko̧bi kwotidobö ateba. Jau Filemón, chöwaisa, ökwödöma ida̧ökö Diosnö abebadöja ötjönö. Ja̧danö jejenö akebaduwitjö̧, Diosnö cho̧'wo̧ chöwana̧lobe, isabenö akebaduwi̧danö ka̧lena chö̧bi̧tjö labebö, kwö̧jaduwobekwö tjetachajobö Dios weakobe jö̧ba̧lö. Ja̧danö, jejenö cho̧'wo̧ chöwana̧lobetjö̧, jobe chabakwȩko̧ kwotidobö atebakwö.

Hebreos 13:19

Ja̧danö chömöledö, budekwö ateba̧laduwakwö. Diosnö akebaduwo ökwödönö yemidanö edö juluwanö chicho.

Hebreos 13:23

Ju'wibi kwöwaisaduwobö chösöda, döjawo̧ Timoteonöma. Jo̧banöma latjebinobe ka̧lena ba̧kwaweju okwatjö. Ja̧danö, chö̧jobekwö juluwanö ichitjö̧ma jo̧bakwö chi̧'yena ökwödönö edö.

1 Juan 1:4

Jau chö̧ja̧wo̧dö, böja kwialusöja ökwödönö yöbawö chiwȩyuda dedina, da̧ja̧kwina a̧ja̧kwö kwösödaduwobö. Jejenö ökwödöma domajadenö bakobe dötekwö ja̧dösa. Ja̧danö, jejenö ja̧nö jwiinö do̧'wo̧ ösöwanö ja̧dösa. Chö̧ja̧wo̧dö, jejenö dö̧jobö yöbawö chiwȩyuda.

3 Juan 1:10

Jo̧kwaobetjö̧ jobe chi̧'yenama ökwödö ko̧ko̧kwa̧lö ba̧jadönö yötawocha jo̧ba sulabenö omukwati̧ma. Jo̧bama o̧'wo̧ sulinö edö ju'wedönö omöna yöa̧lobe ötjönöma. Ja̧danö, ja̧ sulabenö omukwati̧damaökö, ju'wi jawabi sulabenö omukwatö ja̧obe jo̧bama, biya̧: Jesústjö dö̧ja̧wo̧dö jobe kwitebobe tji̧'yena jo̧ba Diótrefesma jobadönö yöba̧lökönö ö̧jinobe. Jo̧kwaijayonö jobe ju̧kwadötjö ju'wedöma pjadato jö̧tja̧linobe. Jejenö pjatjatobö jö̧tja̧liökwe Diótrefesma yelösöda ölabinobe jobadönöma. Ja̧danö, o̧'wo̧ sulinö baibobetjö̧ ichinadönö pjatjatobö jö̧ba̧ladönö Diosnö tjösödejutjö a'dewö loinobe, yemidanö tebachaduwökönuwi, jö̧ba̧lö. Isabenö yötawa. Jo̧ba Diótrefesma sulabenö omukwatö ö̧jobe.