1 Samuel 9:13 - Dios Iwene

¹³ Juluwanö comunidad apjude tekachaduwitjö̧ma, jo̧banö kwöbadekwajaduwena, möemi Diosnö iyawemibe kwanö önöchapji. Jobe Diosnö iyajadö, ba'ali tjukwakobe, jo̧kwaijayonö jo̧ba ichibakwa̧ tjiteada̧lobe, Diosnö tjiyakwa̧ abönö Diosnö iyawa jo̧bada Diosnö aebakobetjö̧. Ja̧danö, jemi ikenama, jobe tjukwobö tja̧debajawö̧ma jobetjö ba'ali tjukwakwedö. Jo̧kwajabetjö̧ juluwanö jo̧banö edö 'ya̧duwi, juluwanö jo̧banö kwöbadekwaduwakobetjö̧, —jö̧ba̧lö yötjawinobe möayedöma, Saulnöbi, ömöayo̧nöbi.

1 Samuel 9:13 Iomraidhean Croise

Mateo 14:19

Ikenama Jesúsma jojodö meje'yenö tjöbamatobö weinobe, ja̧danö bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda öba̧ja̧di̧ waisachadönö iyinobe, jobadöma jojodönö tjiyabobö.

Mateo 26:26

Kwakwawa tjukwonö, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda öba̧ja̧di̧ waisachadönö iyö, wanedö yöawinobe baikwö: —Bipja̧ma ötjö chiteba'o. Emö kwaduwi— jö̧ba̧lö.

Marcos 6:41

Ikenama panbi ba̧i̧bi emibö mölejȩbekwö edö Jesúsma Diosnö yöba̧lijetö: —Dabe'do ökwöma otiwanö kwiyajabe— jö̧ba̧lö. Ikenama panma 'di̧jawö iyijetö öba̧ja̧di̧ waisachadönö jojodönö tjiyabobö. Ja̧danö, ba̧i̧nöbi du̧ju̧tajanö 'delawö iyijetö öba̧ja̧di̧ waisachadönö jojodönö tjiyabobö.

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Lucas 9:16

Ja̧danö jemi ikenama Jesúsma bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda webawedönö iyinobe, jobadöma jojodö tjöba a'o junö tjiyabobö.

Juan 6:11

Ikenama Jesúsma pan emibö, Diosnö ösödö aebinobe, Otiwanö kwiyajabe, jö̧ba̧lö. Diosnö aebaja̧ ikena pan ö̧pji̧ya 'delawö iyabinobe jojodö ba̧jadönöma. Ja̧danö, ba̧i̧ du̧ju̧tajanöbi okobe deinö tjukwobö 'delawö iyabinobe, tjukwobö tjösödi̧da iyö.

Juan 6:23

Jemi ikenama, tjukwajemi tjolanö yöne ju'wedöma tjichibinobe Tiberiastjö, isowikwena ichö. Jolama, pan tjukwakwa̧ abönö Duluwo̧ma iteda abe'donö aebi̧ tjukwinemi yöne tjola.

1 Corintios 10:30

Ja̧danö otiwanö kwiyinobe jö̧ba̧lö Diosnö ösödö chukwobetjö̧, wene jwiinö chukwobö jo̧be chömöledö, jo̧kwaijayonö ju'wedö ötjönö sulabenö tjomukwatapji jö̧ba̧lö chukwökena chömöledö.

1 Timoteo 4:4

Jau Timoteo, okobe jwiinö Dios otidinama otiwa, döpöjödoböma jwia. Ja̧danö, Diosnö ösödö, otiwanö kwiyajabe jö̧ba̧lö dukwobö jo̧be.

1 Samuel 2:35

Ja̧danö, ökwönöbi, kwitji̧mu tupadanö jojodönöbi kabatibö, ökwö kwö̧jinemi, balekwo̧nöda kabebö chujunakwo̧sa, isabenö otido jö̧a̧li̧danö otidakwo̧nöma. Jo̧bama isabenö okobe jwiinö chösödi̧danö, ja̧danö chomukwati̧danö otidö ö̧jakwo̧, ja̧danö jo̧banö iteda i̧tji̧mu tupadanö jojodönö chiyocha, jo̧badanö otiwanö tjotidakwedönöma. Jau Eli, jobadöma ba̧kwelöjatebö omudawö chujunajökwe la'aka luwo̧ öba a'otjö otidö tjö̧jakwedö.

1 Samuel 9:14

Jejenö yötjawawö̧, Saulbi ömöayo̧bi juluwanö comunidad tetjachinobe, ja̧danö comunidad apjude tetjachemi, Samuelnö tjedinobe, tjö̧jobekwö icho̧nö, jojodö Diosnö tjiyemi möemibe labebö nöcho̧nö.