1 Samuel 8:7 - Dios Iwene

⁷ Aebökwe, Isabenö Jo̧ma Samuelnö atadinobe, —Jau, atjebaja̧danö inesö la'aka tjuluwo̧nö kwujuno. Isabenö Samuel, baikwö yötawakwö, jejenö atjebi̧ma baikwö ichejekwobe: Ökwönö öpöjödö atjebobedanö ichejekwijayonö, ötjönöda öpöjödö atjebobe, ötjöda inesö la'aka tjuluwo̧ chö̧jobö öpöjödinö.

1 Samuel 8:7 Iomraidhean Croise

Éxodo 16:8

Ikenama Moisés jö̧ba̧lijetö: —Yi̧benakwena Isabenö Jo̧ma itebiya kukwaduwobö iyakobe. Ja̧danö, yȩayikwena kwakwawa iyakobe, ökwödö pan kwukwaduwi̧danö kwomeawaduwinö kwukwaduwobö jwökeba̧laduwi̧ a̧ja̧kwajabetjö̧. Isabenö, jo̧banöda jwökeba̧laduwobe, ökwödönömaö̧kö̧. Sule Isabenö Jo̧ ömöayedöbedösa ökwödöma— jö̧ba̧lijetö.

Isaías 66:4

Isabenö labinö lȩtebakwo̧sa jobadönö. Weti̧ öpöjödö, idöda tjösödi̧ ja̧tjobö omudawö tjujuninobetjö̧, jobadönö lȩtebakwa̧ omudawö chujunakwo̧sa, inesö yetjabi̧ jawa jobadönö baledobö omudawö chujunakwo̧sa. Isabenö jobekwö lȩtebobö jo̧be, baikwö yöta̧la: Jobadönö jwötenama, atadinöködö, ja̧danö yötawenama, a̧ja̧kwinöködö. A̧ja̧kwökönö, ju'wida omudawö juninadö, chöba a'otjö sulabenö ja̧tjoböda omudawö tjujuninobe. Ötjö chösödi̧ jawa tjöwaisijayonö, ja̧ jawa ja̧bökönö, inesö chöpöjödi̧ jawada sulabenö ja̧badö, jo̧kwajabetjö̧ isabenö jobadönö lȩtebobö jo̧be, jö̧ba̧lö laebobe Isabenö Jo̧ yöawi̧ma.

Mateo 10:40

Ja̧danö chömöledö, okobe deinö ökwödö kwichaduwobö ösödadöma, ötjö chichobö ösödadö, ja̧danö okobe deinö ötjö chichobö ösödadöma, Chabe'do ötjönö webinanö tjösödobe.

Lucas 10:16

Ja̧danö tupakwö yöawinobe Jesúsma: —Chömöledö, ökwödönö ösödadö comunidad jojodöma ötjönö ösödadö, ja̧danö öpöjödadö comunidad jojodöma, ötjönöda öpöjödadö. Jau chömöledö, ökwödönö öpöjödadö comunidad jojodöma, ötjönö öpöjödadö comunidad Corazínbi Betsaidabi Capernaúmbi jojodödanö ichejekwadö. Baikwö yötawa: Ötjöda ökwödönö wetobetjö̧, ökwödönö otiwanö a̧ja̧kwadöma ötjönöda tja̧ja̧kwobe, ja̧danö ökwödönö öpöjödadöma, ötjö ökwödönö webinanöda tjöpöjödobe, ja̧danö ötjönö öpöjödadöma, ötjönö webinanö Diosnöda tjöpöjödobe— jö̧ba̧lö yöa̧linobe Jesúsma. Jejenö yöba̧lö, Jesúsma 'da̧batö ujuninajawö̧nö setentabedönö weinobe, jo̧ba i̧'yakwa̧ abönö yöbawö kweachakwa̧tenia comunidadteniabe yöbawö kwetjachobö.

Lucas 19:14

Jo̧bama la'aka luwo̧ baibobö i̧'yijayonö, itebo jojodöma jo̧banö tjöpöjödinobe. Jejenö öpöjödö, jobadöma ju'wedönö wetjinobe, inesö la'aka luwo̧nö yötjawobö: Bitema döpöjödökwe. Duluwo̧ baibanö kwujunobö döpöjöda, jö̧ba̧lö.

Lucas 19:27

Ja̧danö ju'wibi, chöpöjojodönö, la'aka tjuluwo̧ batibobö öpöjödadönö do̧batö baikwö ichejebö öbibaduwi, ja̧danö chöba a'otjö kwabö lobaduwidönö, jö̧ba̧lö weinobe la'aka luwo̧ma.— Jobekwö wanedö yöawinobe Jesúsma, iteda yöbawö weakwa̧ jawama.

Juan 13:16

Isabenö yötawa. Ömöayedöma tjuluwo̧nötjö o̧penönö mikwawöködö ¿jö̧tö? Ja̧danö, weinökwema jo̧banö webo̧nötjö o̧penönö mikwawö̧kö̧, ¿jö̧tö?— jejenö yöawinobe Jesúsma, wanedö yöbawö.

Jueces 8:23

Atjebökwe, Gedeonma öpöjödinobe, —Ötjöbi, chitji̧bi inesö la'aka kwuluwo̧duwi dö̧jobö jwiobe chömöledö, Isabenö Jo̧ Diosda kwuluwo̧duwi ö̧jobö jo̧be chömöledö, —jö̧ba̧lö.

1 Samuel 10:19

Jo̧kwaijayonö, jejenö pjatatinajayonö, ökwödöma kwuluwo̧duwi Diosnö, öpöjödadöja. Jau, okobe jwiinö wene kwujuna̧laduwitjöbi, usula emawö kwö̧jaduwitjöbi kwö̧jibaduwinö pjabato̧nö, öpöjödö kabatibadöja, –Jojonöda Inesö la'aka duluwo̧ baibanö dujunobö dösöda, –jö̧ba̧lö. Ja̧danö akebaduwi̧danö chiyocha, jo̧kwajabetjö̧ ötjö Isabenö Jo̧ chöba a'o jamataduwi ökwödö israel jojodöma. Wainökwena Israel itji̧musasokwena, ja̧danö jobadö tji̧tji̧musasokwena wainö jamataduwi, didösasotjö la'aka luwo̧ omudawö chujunajökwenö chi̧sebakobetjö̧, —jö̧ba̧lö Dios yöawi̧ yöawinobe Samuelma.

1 Samuel 12:1

Jemi ikenama, jobe Gilgaltjö Samuelma okobe deinö israel jojodönö yöa̧linobe baikwö: —Chömöledö, okobe jwiinö akebinaduwa a̧ja̧kwö, akebinaduwadanö kwuluwo̧duwi inesö la'aka luwo̧nö omudawö chujunajabe.

1 Samuel 12:12

Jo̧kwaijayonö, jejenö otiwanö pjabatiainajayonö, babe amonitas jojodö tjuluwo̧ Nahas mikwo̧ baikwö ichobe edö, inesö la'aka luwo̧ kwuluwo̧duwi Isabenö Jo̧ Diosnö omukwatökönö, ötjönö yöka̧linaduwobe, Diosda duluwo̧ ö̧jobömaökö, jojonö inesö la'aka duluwo̧nö kwujuno jö̧ba̧lö. Kwuluwo̧duwi Isabenö Jo̧ Diosda kwuluwo̧ ö̧jinajayonö, jo̧banö öpöjödö jojonö akebinaduwobe.

1 Samuel 8:22

ja̧danö yöawökwe, Isabenö Jo̧ma Samuelnö weinobe, —Atjebi̧ kwa̧ja̧kwo, atjebaja̧danö inesö la'aka tjuluwo̧nö baibanö kwujuno, —jö̧ba̧lö. Weökwe, Samuelma jojodönö yöawinobe, —Akebaduwaja̧danö kwuluwo̧duwinö omudawö chujunocha, —jö̧ba̧lö, ja̧danö okobe deinö tjitebokwena tjewa̧jobö weinobe.

1 Samuel 8:8

Isabenö egipto nijitjö jobadönö labebö pjatatinemi baikwötjöma, kabatökönö ötjönö kabatiabinö, ju'wedö tjösödawö̧nö ösödö ju̧kwiabinadö. Ja̧danö, babebi ja̧danö. Baikwö yötawakwö Samuel, babe ökwönö tjöpöjödi̧ma, ba̧kwelöjatebö ötjönö öpöjödiatji̧danö, yemidanö tjöpöjödobe.