1 Samuel 8:4 - Dios Iwene

⁴ Jejenö sulabenö jwebebö tjotidiawö̧, israel jojodötjö la'aka jojodöma Samuel itebo Ramabe ko̧ko̧kwö tji̧yinobe, jo̧bakwö yötja̧lakwawobö.

1 Samuel 8:4 Iomraidhean Croise

2 Samuel 3:17

Jemi ikenama Abnerma israel jojodötjö luwedökwö yöa̧lakwawinobe, baikwö: —Ida̧ökö lekwe möle Davidnö la'aka kwuluwo̧duwi baibanö kwujunaduwobö omukwatadöja, jö̧tö?

2 Samuel 5:3

Jo̧kwajabetjö̧, jejenö yöba̧lö, Hebrontjö okobe deinö israel jojodötjö luwedöma, Davidnö o̧te totjebinobe, isabenö biteda okobe deinö israel jojodö la'aka duluwo̧ jö̧ba̧lö. Ja̧danö Isabenö Jo̧ Dios öba a'otjö la'aka luwo̧ Davidbi jojodöbi isabenö otiwanö ja̧bö tjö̧jakwa̧ wene yöbawö tjujuninobe.

Éxodo 24:1

Ja̧danö Isabenö Jo̧ma Moisésnö webijetö: —Moisés, bi'o mö'ösa'o yemidanö kwönöcho Aarónkwö, Aarón i̧tji̧mu̧ Nadabkwö, Abihúkwö, ja̧danö Israel jojodö la'aka luwedöbedötjö setentakwö. Jobadökwöda kwönöcho, ju'wedö Israel jojodö tjönöchökönö. Jo̧kwaijayonö ötjö chö̧jobekwö ökwönöda weta, kwönöchobö. Ju'wedö, ökwökwö nöchajadöma tjuju̧kwibakwedö, ödökwönönö tjöba bȩbachibö nijakwö tjuunö ötjönö tjösödobö— webijetö Isabenö Jo̧ma Moisésnöma.

Éxodo 3:16

Moisés, Egiptobe kwi̧'yo. Ichibö Israel jojodötjö damönö tjoko̧ko̧kwobö jwököbo. Ko̧ko̧kwajadönö yökawo: Isabenö Jo̧ma, da'dödömine tjösödökwe Dios, Abraham, Isaac, Jacob tjösödökwe Diosma ötjönö öwawachö ökwödönö yötawobö weijatö baikwö: Eda̧lobe Egipto jojodö ökwödönö juluwanö inia tjöbö kwotidaduwobö wetjobema. Jo̧bama weijatö ötjönö ökwödönö yötawobö.

1 Samuel 1:19

Jemi ikena möle, Elcanabi ömöledöbi yȩayi ala̧ibö yemidanö Isabenö Jo̧ öba a'otjö bȩbachibö tjösödinobe, ja̧danö ösödajadö, tjitebo Ramabe tjȩwa̧jinobe. Ja̧danö, Elcanama ilekwo Anakwö ö̧jinobe, ja̧danö Isabenö Jo̧ma Ana ajebina omukwatö metu'wo jö̧jobö weinobe,

1 Samuel 11:3

Atadawö, Jabes comunidad luwedöma jo̧banö yötja̧linobe, —Ina jelemutjö dötölataja möle teada̧li̧, okobe jwiinö ditebo israel niji bakwemeachibanö yöbawadönö wedobö. Ja̧danö, jelemutjö dötölataja möle baledibajenama, ina ökwödönö pjaatakwo̧ deitjö̧ma, ökwönö diyawena, kwösödi̧danö döbajalebiya kelebö loköbobö, —jö̧ba̧lö.

1 Samuel 7:17

iteda ejube ȩwa̧jiainobe, Rama comunidadbe. Ja̧danö, jobe Ramatjöbi israel jojodönö jwebebö yöbawiainobe Samuelma, ja̧danö ju'wibi Ramatjö Isabenö Jo̧nö iyawöte mesasöte otidö ujuninobe Samuelma, jobe Ramatjö Diosnö kwabö juwö iyobö.

1 Samuel 8:10

Jejenö atadiökwe, Samuelma okobe jwiinö Isabenö Jo̧ yöawaja̧ israel jojodönö yöawinobe, inesö la'aka luwo̧nö ujunobö abebajadönöma.