1 Samuel 7:5 - Dios Iwene

⁵ Jemi ikenama Samuelma weinobe: —Okobe deinö ökwödö israel jojodöma Mizpa comunidadnö ko̧ko̧kwö kwö̧jaduwo, ja̧danö jobetjö Isabenö Jo̧nö atebocha ökwödönö, —jö̧ba̧lö.

1 Samuel 7:5 Iomraidhean Croise

Génesis 20:7

Ja̧danö, babema jilekwekwö tjebatijö. Jilekwema ötjö yötawi̧ yöbawo̧. Jo̧bama ökwönö aebakobe ötjönöma. Ja̧danö ötjönö aebobetjö̧ 'yaka̧lakwo̧ja. Jo̧kwaijayonö, jobujunö tjekatökötjö̧ma ökwöbi, kwömöledöbi, kwejunö ju̧kwadöbi debö kwi̧'yaduwakobe— jö̧ba̧lijetö Diosma Abimelecnöma.

Génesis 31:49

Ja̧danö, Labán jö̧ba̧lijetö: —Isabenö Jo̧ Dios adebo ökwödönö bakwo̧nökwena eda̧lobö ödö duju̧kwonöbi yöbawö dujuni̧danö dö̧jojobö, ökwödödada inia tjöbö ja̧bökönö. Jejenö jö̧ba̧lö Labán öbabijetö jobema, Mizpa, jö̧ba̧lö.

2 Reyes 25:23

Juda nijitjö ju'wedö ölakwabikwawa jojodö ina tjö̧jinobe, ajayinö Nabucodonosornö iyawinöködöma. Ja̧danö, Nabucodonosor Gedaliasnö la'aka luwo̧ baibanö ujunina jawa tja̧ja̧kwenama, jobadö ölakwabikwawa luwedöbi, tjömöayedö ölakwabikwawa jojodöbi Gedalias ö̧jobekwö tjichinobe, Mizpa comunidadbe, ja̧danö jobetjö jo̧bakwö ko̧ko̧kwö yötja̧lakwawinobe. Jobadö Gedaliaskwö ko̧ko̧kwö yöba̧lakwawinadöma, bidö: Natanias itji̧ Ismael mikwo̧bi, Carea itji̧ Johanan mikwo̧bi, Netofatita jojo Tanhumet itji̧ Seraias mikwo̧bi, Maacateo jojo Jezanias mikwo̧bi, ja̧danö okobe deinö tjömöayedö ölakwabikwawa jojodöbi.

Josué 15:38

Dileán comunidadbi, Mizpa comunidadbi, Joctel comunidadbi,

Josué 18:26

Mizpa comunidadbi, Cafira comunidadbi, Moza comunidadbi,

Jueces 10:17

Jemi ikenama, amonitas jojodöma tjo̧ko̧kokwinobe, israel jojodökwö tjölakwabikwawobö, ja̧danö ko̧ko̧kwajadö, tjabakwemi tjujuninobe Galaad nijinö. Ja̧danö israel jojodöbi amonitas jojodökwö tjölakwabikwawobö tjo̧ko̧kokwinobe, ja̧danö israel jojodöma Mizpa comunidadtjö tjabakwemi tjujuninobe, jobetjö labebö tjölakwabikwawobö.

Jueces 20:1

Ja̧danö, okobe deinö israel jojodöma tjo̧ko̧kokwinobe, u'dakwö Dan comunidadtjö, a̧li̧kwö Berseba comunidad baibanö jojodöbi, Galaad niji jojodöbi, okobe deinö Mizpa comunidadnö Dios öba a'otjö bakobe tjo̧ko̧kokwinokobe.

1 Samuel 10:17

Jemi ikenama, Samuelma israel jojodönö jwöinobe, Mizpa comunidadtjö ko̧ko̧kwö Isabenö Jo̧ yöawi̧ tja̧ja̧kwobö.

1 Samuel 12:17

Kwöwaisaduwa, babema imiame, ojwioma o̧bajiokobe babema, o̧bokobetjö batjo waji̧ emajitjobe babe, ¿jö̧tö? Jo̧kwaijayonö, babe o̧bajiököjayonö, Isabenö Jo̧nö atebocha, iteda ujulu i̧sȩbö, böbabi, ojwiyo o̧boböbi weobö. Ja̧danö, jejenö iteda ujulu i̧sebi̧ edö, kwöwaisachibaduwakwedöja, Isabenö Jo̧ öba a'otjö sulabenö ja̧badöja, inesö la'aka luwo̧ jojonö abeböma, isabenö jwiinö sulabenö abebinadöja, —jö̧ba̧lö.

1 Samuel 12:23

Tupakwö yöawinobe Samuelma, —Ja̧danö ötjöbi chömöledö, isabenö ökwödönö abebö katatoböma jwiobe, ökwödönö Diosnö abebö katatitjöma, isabenö sulabenö Isabenö Jo̧ öpöjödi̧nö katatena. Jo̧kwajabetjö̧ isabenö jwaikwöda Diosnö atebocha ökwödönö, ja̧danö ju'wibi kabatökönö ökwödönö ba̧ja̧dö chö̧jakwo̧sa, otiwanö jweinö ja̧kwawama.

1 Samuel 7:12

Ikenama Samuelma inawa nöawa emö, Mizpa comunidadbi Sen comunidadbi 'da̧de ödinobe, ja̧danö lödajo̧ jawa Ebenezer jö̧ba̧lö imidinobe, —Ba̧kwelöjatebö pjabataiadanö babebi pjaatajabe Isabenö Jo̧ma, —jö̧ba̧lö.

1 Samuel 7:16

O̧bakwena, Samuelma Betel comunidadbebi, Guilgal comunidadbebi, Mizpa comunidadbebi 'yi̧ainobe, israel jojodönö jobetjö jwebebö yöawobö, ja̧danö jwebebö yöbawajo̧,

1 Samuel 7:4

Samuel yöa̧lawö̧, israel jojodöma Baal ötjabökwe o̧'wo jawabi, Asterot ötjaboko jo̧'wo jawabi kabatibö lotjinobe, ja̧danö jwaikwöda Isabenö Jo̧nöda ösödö tjö̧jinobe, Isabenö Jo̧ wei̧ a̧ja̧kwö.

1 Samuel 8:6

Atjebökwe, Samuel öpöjödinobe, —Inesö la'aka duluwo̧nö kwujuno, jo̧bada jwebebö yöawobö, —jö̧ba̧lö atjebaja̧ma. Jo̧kwajabetjö̧, Samuelma Isabenö Jo̧nö abebö a̧ja̧kwinobe, dakwö weojobö jö̧ba̧lö.