1 Samuel 7:2 - Dios Iwene

² Ja̧danö, lekwe mölȩ Dios iteapjo jo̧ba Abinadab ejunöda ji̧nobe, veinte o̧bia baledibanö. Ja̧danö jobe jo̧nö, israel jojodöma tjo̧'wo tjo̧achö tjö̧jinobe, Isabenö Jo̧ma ökwödönö le'dedö loinobe jö̧ba̧lö.

1 Samuel 7:2 Iomraidhean Croise

1 Crónicas 13:5

Jo̧kwajabetjö̧ Davidma okobe deinö israel jojodönö o̧ko̧kodinobe, Egipto niji ö'öbösödö Sihor owjetjö, u'dakwö Lebo-hamat comunidadbe ichibanö, israel niji ba̧kwemeachibanö ju̧kwadönö o̧ko̧kodinobe, bakobe Dios iteapjo Quiriat-jearim comunidadtjö tjichejebakobetjö̧.

Mateo 5:4

Tjo̧'wo̧ tjo̧achö budekwadöma isabenö tjo̧'wo̧ ösöwanö tjö̧jakwedö, tjo̧'wo̧ tjo̧achajabetjö tjo̧'wo̧ ösöwachibanö tjö̧jakobetjö̧.

Josué 9:17

Jejenö waisachibö, israel jojodöma juluwanö tjitebobe tji̧'yinobe, ja̧danö wapötakwa möle kwebachajadö, gabaonitas jojodö tjitebobe tjichibinobe. Jobadö gabaonitas jojodö tjitebo comunidadbiyama, Gabaon comunidadbi, Cafira comunidadbi, Berot comunidadbi, Quiriat Yearin comunidadbi.

Jueces 2:4

Jejenö angeldanö ichejekwö Isabenö Jo̧ yöawiawö̧, Israel jojodöma tjo̧'wo tjo̧achinobe, ja̧danö labinö tjubudekwinobe.

1 Samuel 7:1

Jejenö yötjawiawö̧, Quiriat-jearim jojodötjö ju'wedö ichö tjeminobe Isabenö Jo̧ iteapjoma. Ja̧danö, emajadö, e'ewö tjȩwa̧jinobe Abinadab mikwo̧, mö'ösa'o ja'yuwa'onö jo̧ ejube. Ja̧danö jo̧ba ejunö junö, Abinadab itji̧ Eleazar mikwo̧nö 'da̧batö tjujuninobe, Isabenö Jo̧ iteapjo teada̧lo̧ baibanö.

1 Samuel 7:3

Jemi ikenama, Samuelma okobe deinö israel jojodönö yöa̧linobe: —Isabenö jwaikwöda Isabenö Jo̧nö kwösödaduwitjö̧ma, okobe deinö ju'wedö tjösödawö̧ o̧'wo jawa kabatibö loköbaduwo, Asterot ötjaboko jo̧'wo jawabi, ju'wedö tjösödawö̧ tjo̧'wo jawabi. Ja̧danö, jobadönö kabatibajadö, yemidanö jwaikwöda Isabenö Jo̧nöda ösödö, jo̧ba wei̧da kwa̧ja̧kaduwitjö̧ma, isabenö ökwödönö pjaatakwo̧ Diosma, filisteo jojodö tjujulutjö kwö̧jibaduwinö, —jö̧ba̧lö.