1 Samuel 6:7 - Dios Iwene

⁷ Baikwö yödawaduwakwö Dios iteapjo otiwanö tjekataduwakwa̧ma: Koluka yayaka kwotidaduwo, ja̧danö du̧ju̧taja pa̧ka̧yadö i̧yanö tji̧tji̧munö emajadönö kwemaduwo, la'akatjöda ju'wi jaye töawa wajwibadönö. Ja̧danö, ja̧ka yayaka tötjobö di̧bataduwidönö, jo̧kwaijayonö tji̧tji̧munö 'döbebö tjuluwo̧ ejube tjekataduwodönö.

1 Samuel 6:7 Iomraidhean Croise

2 Samuel 6:3

Japjoma Abinadab mikwo̧ ejunö ji̧nobe, ja̧danö jejuma mösa'o ja'yuwa'o wa̧pekwa'o ji̧nobe. Ja̧danö, ja̧pjo emajadö, koluka yayakanö tjaninobe, pa̧ka̧yadö tötjobö. Ikenama Abinadab i̧tji̧mu Uza mikwo̧bi, Ajio mikwo̧bi jwetjeba̧lonö, jobetjö latjebinobe. Ja̧danö kwetjachonö, Ajioma pa̧ka̧yadö tjabönö jwebeba̧lö i̧'yinobe.

1 Crónicas 13:7

Japjoma Abinadab mikwo̧ ejunö ji̧nobe, ja̧danö ja̧pjo emajadö, koluka yayakanö tjaninobe, pa̧ka̧yadö tötjobö. Ikenama Uza mikwo̧bi, Ajio mikwo̧bi jwetjeba̧lonö, jobetjö latjebinobe.

Deuteronomio 21:3

Ja̧danö, tjö̧ba̧ja̧daja̧ ikenama, jelö yöneawi̧ comunidad luwedöma pakaya itjijunö omudawö tjujunobö ja̧kobe, la'akatjöda otidinökuju pakayasujunö.

Deuteronomio 21:4

Ja̧danö omudawö junajadö, pakayasujunö öbibö tji̧'yobö ja̧kobe, jobe pjeanö wabeko, ojwe lȩkobe, ja̧danö ina batjo soböbi, ödebiya lödöbi tjotidokobema. Ja̧danö, jobe wabekobe ichibajadö, pakayasuju ju̧lu̧mea 'debatö lotjobö ja̧kobe, pakayasuju ö'wö bajibanö.