Biblia Todo Logo
Bìoball air-loidhne

- Sanasan -




1 Samuel 6:21 - Dios Iwene

21 Ikenama Betsemes jojodöma ju'wedönö wetjinobe, ju'wi israel niji comunidad Quiriat-jearim mikwobe 'ya̧nö yötjawobö, —Filisteo jojodöma Isabenö Jo̧ iteapjo tjetjatajabeta, ichö kwemaduwo, —jö̧ba̧lö yötjawobö wetjinobe.

Faic an caibideil Dèan lethbhreac




1 Samuel 6:21
11 Iomraidhean Croise  

Ja̧danö, ko̧ko̧dajo̧, jobadönö öbibö i̧'yinobe Balia de Juda ötjabobe, jobetjö isapjo Dios iteapjo tjemobö. Jo̧ba Diosma, Isabenö Jo̧, Okobe Jwiinö Juluwo̧ Dios, ja̧danö inesö iteakanö ö̧bȩmima, inesö juluwadö angeledö querubines ötjabawö̧ tjöwame Bo̧. Ja̧danö ja̧pjoma, Inesö Isabenö Jo̧ imida laebapjo.


Ja̧danö Quiriat Baal ju'wi imi Quiriat Yearín comunidadbi, Rabá comunidadbi, ö'öbö pjei̧ comunidadteniabi. Okobe jwiinö ja̧ mösa'iju jȩmi comunidadteniama, juda niji comunidadtenia baibinobe.


Ja̧danö ja'o wa̧pekwa'otjö, ojwese'do Neftoaj mikwe'dobe ichibanö dötewobe, ja̧danö jobetjö Efron mösa'o jȩmi comunidadbiya ichibanö dötewobe bakwachobema. Ja̧danö jobetjö̧ Bala comunidadbe, ju'wi imi Quiriat Yearin comunidadbe ichibanö dötewobe bakwachobema.


Ja̧danö, jobetjö, a̧li̧kwö bajalenö dötewobe benjamin niji bakwachobema juda niji comunidad Quiriat Baal, ju'wi imi Quiriat Yearin comunidadbe ichibanö. Jobekwö laebobe benjamin niji jawo̧ meajobekwö bakwachobe wȩyukwöjama.


Jejenö waisachibö, israel jojodöma juluwanö tjitebobe tji̧'yinobe, ja̧danö wapötakwa möle kwebachajadö, gabaonitas jojodö tjitebobe tjichibinobe. Jobadö gabaonitas jojodö tjitebo comunidadbiyama, Gabaon comunidadbi, Cafira comunidadbi, Berot comunidadbi, Quiriat Yearin comunidadbi.


Ja̧danö, labebajadö, Judasaso niji comunidad Quiriat Yearinbe tjichibinobe, ja̧danö ichibajadö, jobe tjabekwinobe. Ja̧ comunidad ötjabi̧ labebö loawama baikwö laebobe, ja̧ möle jobadö Dansaso jojodö jobetjö tjabekwinobetjö̧, jemi ikena baikwö bajalenö Majane Dan jö̧ba̧lö ötjabobe, Dan jojodö tjabekwinemi jö̧ba̧lö. Ja̧ Majane Dan ötjabobema, Quiriat Yearin comunidadtjö jawo̧ meajobekwö jo̧be.


Lean sinn:

Sanasan


Sanasan