1 Samuel 6:2 - Dios Iwene

² Jemi ikenama, filisteo jojodöma o̧'wo jawa tjösödawönö ösödakwawa luwedönöbi, tupakwö baledakwa̧ yöbawadönöbi jwötjinobe, ko̧ko̧kwö yötja̧lakwawobö. Ja̧danö ko̧ko̧kwajadönö abebö tja̧ja̧kwinobe: —Bipjo Isabenö Jo̧ iteapjoma, dakwö ja̧dakwa̧da? Yemidanö japjo itebobe wedenama, dakwö ja̧bö wedakwa̧da, wene dujuna̧lakwawi söawoböma? —jö̧ba̧lö abebö tja̧ja̧kwinobe.

1 Samuel 6:2 Iomraidhean Croise

Génesis 41:8

Ja̧danö, dewachena faraónma i̧'wi̧dikwaja̧ omukwatö jwiinö o̧'wo̧ tjo̧bekwijetö. Jo̧kwaobetjö̧ jwöbijetö okobe deinö ma̧li̧mu̧nö, ja̧danö okobe deinö jwiinö waisadönö tjichobö. Ichajadönö i̧'wi̧dikwaja̧ yöawijayonö bakwo̧bi deijetö, jo̧ba i̧'wi̧dikwaja̧ labebö loawa waiso̧ma.

Éxodo 7:11

Jo̧kwaiökwe faraónma jwöbijetö ömöayedö mea boawa waisadönö, ja̧danö, malimunö tjichobö. Jobadöma bakwainö i̧sebijadötö idöda mea boawa tjöwaisi̧tjö̧.

Isaías 2:6

Isabenö Jo̧, ökwö kwömöledö Jacob itji̧mu tupadanö jojodöma sulabenö jabö ju̧kwadö. Jawo̧ laebobekwö ju̧kwadö sulabenö ja̧bö tjö̧ji̧ jawama, kwömöledöbi sulabenö jabö ju̧kwadö. Ja̧danö Filisteo jojodö tupakwö baledakwa̧ tjöwaisotö jö̧ba̧lö mea botji̧danö sulabenö jabadö. Ja̧danö ju'wedö tjitebokwena jojodökwö bakobe tjotidakwa̧ yöbawö junadö, sulabenö. Jo̧kwaiökwe, ökwöda kwömöledö israel jojodönö le'dedö loköbajabe chuluwo̧.

Daniel 2:2

Jo̧kwajabetjö̧ Nabucodonosorma weinobe okobe deinö mea otidadö i̧'wi̧dikwaja̧ yöbawö tjichobö, tupakwö baledakwa̧ yöbawadöbi, mea bobadöbi, si̧li̧'idönö waisachadöbi.

Daniel 5:7

Ja̧danö Belsasarma juluwanö jwöeba̧linobe mea bobadönöbi, si̧li̧'idönö waisachadönöbi, tupakwö baledakwa̧ yöbawadönöbi öbibö tjichejebobö, ja̧danö tjichejebawö̧nö yöawinobe baikwö: —Bakwo̧ biya̧ wȩyukwi̧ yöba̧löbi labebö lobö yöbawöbi pjaatijö̧ma, isabenö otiwanö chiyakwo̧sa jobanö. La'aka luwo̧ ökamijido̧ 'dutatocha, ja̧danö orotjö otikwopja u̧lu̧meanö chöladocha, ja̧danö inesö la'aka luwo̧ baibanö 'da̧batö chujunocha, chipjea jojo, wa̧medukwa jojo baibanö— jö̧ba̧lö yöawinobe.

Mateo 2:4

Jo̧kwajabetjö̧ Herodesma Diostjö jojodötjö ö'weje pjabatadö la'aka tjuluwedönöbi, Dios weina Moisés iwȩyudina ba̧ja̧dadönöbi oko̧ko̧dinobe, ja̧danö jobadönö abebö a̧ja̧kwinobe: —Dios weakwo̧ jö̧a̧linökwenöma, ¿detjö jemakwa̧da?— jö̧ba̧lö.

1 Samuel 5:8

Jo̧kwajabetjö̧ wetjinobe okobe deinö filisteo jojodötjö la'aka luwedö tjo̧ko̧ko̧kwobö, ja̧danö ko̧ko̧kwajadönö abebö tja̧ja̧kwinobe, —Dakwö ja̧dakwa̧da Israel jojodö tjösödökwe Dios iteapjoma, dai wedakwa̧da? —jö̧balö̧. Abebö a̧ja̧kwawö̧, luwedöma tjatadinobe, —Gat comunidadbe tje'ewobö jo̧be jö̧ba̧lö. Jo̧kwajabetjö̧ Israel jojodö tjösödökwe Dios iteapjo tje'ewinobe Gatbe.

1 Samuel 6:1

Isabenö Jo̧ iteapjoma filisteo jojodö tjitebonö ji̧nobe jelemutjö̧ du̧ju̧taja ja̧wo̧dö baledibanö.