1 Samuel 6:12 - Dios Iwene

¹² Jemi ikenama pa̧ka̧yadöma töbö latjebinobe, ja̧danö 'ya̧nö, jweinö manabenö Bet-semes comunidadbe tji̧'yinobe, ja̧danö tji̧'yonö, tji̧tji̧munö jwöbiyabö tji̧'yinobe. Ja'yubebi jalachibökönö, manatjö ja'yubebi labebökönö, jweinö Bet-semes comunidadbe tji̧'yinobe. Ja̧danö, tjö̧kömanö, filisteo jojodö la'aka luwedö eda̧liabö lutjinobe, Betsemes comunidad ö'öbö tjichibenanö kabatö.

1 Samuel 6:12 Iomraidhean Croise

1 Reyes 4:9

Ben Decar mikwo̧ma, Macaz comunidadbi, Salbin comunidadbi, Bet Semes comunidadbi, Elo Bet Janan comunidadbi la'aka luwo̧ ö̧jinobe.

Éxodo 8:15

Jejenö Isabenö Jo̧ma jwo̧i̧dönö wotjobö weijayonö faraónma, tjo̧wi otiwa, jwo̧i̧döma wotjajabe, jö̧balö edena ina omajade 'diinö ji̧jetö. Ja̧danö, Isabenö Jo̧ yöa̧linadanö a̧ja̧kwijökötö Moisés, Aarón atjebi̧ma. Israel jojodönö latjebobö webijökötö.

Josué 15:10

Ja̧danö Balatjö, bakwachobema jalachibö, jawo̧ laebobekwö Seir mösa'obe dötewobe, ja̧danö jobetjö Jearin mösa'o, ju'wi imi Quesalon mösa'o u'dakwöchobenö dötewobe, Bet Semes comunidadbe ichibanö, ja̧danö Timna comunidad badeibö ichibanö.

1 Samuel 6:11

Ja̧danö, Isabenö Jo̧ iteapjo kolukanö tjaninobe, ja̧danö japjo ö'öbö jelepjobi tjaninobe, orotjö otikwa ö'i du̧wo̧dö o̧'wo jawabi, tutiyu o̧'wo jawabi a̧ja̧pjoma.

1 Samuel 6:13

Jejenö baledonö, Betsemes comunidad jojodöma trigo wa̧ji̧ emö tjotidonö baledinobe, ja̧danö tjotidemi ja'ötjö, möakwö pöbamö tjedemi, Dios iteapjo ichobe tjedinobe, ja̧danö edö, tjo̧'wo ösöwachibanö tjedinobe.

1 Samuel 6:9

ja̧danö otiwanö kweda̧laduwo, israel nijibe tötjojobö, tjitji̧mu tjö̧jobekwö tötjojobö jö̧ba̧lö. Jweinö 'ya̧nö, japjo itebobe, israel niji comunidad Bet-semesbe töbö tji̧'yitjö̧ma, jejenö tji̧sȩkwelöda kwöwaisachibaduwena, wene kwöbaledaduwi̧ma, isabenö Diostjöda ichi̧ jö̧ba̧lö. Jo̧kwaijayonö pa̧ka̧yadö jelobekwö töbö tji̧'yitjö̧ma, kwöwaisachibaduwena, ökwödönö baledi̧ma, Diostjö ichökö ji̧, a̧dekwanö baledi̧ jö̧ba̧lö, —wetjinobe tjösödawö̧nö ösödakwawa luwedöbi, tupakwö baledakwa̧ yöbawadöbi.