1 Samuel 4:7 - Dios Iwene

⁷ Ja̧danö, waisachibö, jwiinö yetjaibinobe filisteo jojodöma, —Ökwödöwe, tjuluwo̧ Dios tjö̧'da̧de ö̧jobetjö̧ ökwödöwe, —jö̧ba̧lö. Yebabinö yötja̧lakwawinobe, —Ökwödöwe, babe baledi̧danö la'akatjöda baledajiokobe ökwödönöma.

1 Samuel 4:7 Iomraidhean Croise

Éxodo 14:14

Isabenö Jo̧da kwöpöjojodönö ölakwabikwawö juluwo̧ma. Ökwödöma sule ölakwabikwawökönö wi̧inö kwö̧jaduwo.

Éxodo 14:25

Ja̧danö, 'dötjabajemi kolukiya jawa o'ijubiyanöbi lete'di pöawibanö webijetö Isabenö Jo̧ma, kolukabiya yö̧kö̧nö. Jejenö balediawö̧ jö̧ba̧lijadötö: —¡Ayö! Isabenö Jo̧ma Israel jojodönö tjö̧jibinö pjabatö ölakwabikwawö ujuluwijayonö ökwödönöma öpöjödö kwabö lobo̧. ¡Belöma dȩwa̧ja̧duwo— jö̧ba̧lijadötö.

Deuteronomio 32:30

Jau, öwaetjöda öwawobe, Isabenö Jo̧ israel jojodönö pjabatökönö ö̧ji̧ma, baikwö yötawa: Inesö tjöeba̧lawa inawadanöbo̧ Diosma ina israel jojodönö pjabatö ö̧jitjö̧ma, döpöjojodöma la'akatjöda ökwödönö tjujuluwoko jö̧tja̧lena. Jo̧kwaijayonö, israel jojodönö pjaatokobetjö̧, tjöpöjojodötjö bakwo̧da milbedö israel jojodönö a'dewö loobe. Ja̧danö tjöpöjojodötjö du̧ju̧tajada inesö ba̧jȩkwadö israel jojodö dötjibajenanö tjujuluwobe. Isabenö yötawaduwakwö chömöledö, Isabenö Jo̧ ökwödönö pjaatitjö̧ma, la'akatjöda baledoko jö̧a̧lena jejenöma.

1 Samuel 4:6

Ja̧danö, filisteo jojodöma israel jojodö jwötjeba̧li̧ ökwöobe tja̧ja̧kwinobe, ja̧danö a̧jakwö, abebö tja̧ja̧kwinobe, —Idö hebreo jojodö tjö̧jelö jwötjeba̧li̧ ökwöi̧ma, taji jö̧ba̧lö jwötjeba̧lobeda? —jö̧ba̧lö abebö tja̧ja̧kwinobe. Ja̧danö, abebö a̧ja̧kwajadö, tjöwaisachibinobe, —Aaa, Isabenö Jo̧ iteapjo babe tjö̧'da̧de jo̧betjö̧, tjo̧'wo ösöwachibanö jwötjeba̧lobe, —jö̧ba̧lö.

1 Samuel 4:8

Ökwödöwe, isabenö juluwadö bidö israel jojodö tjo̧'wo tjöwawa̧lawö̧ma, dakwö dö̧jibobö. Bidö israel jojodö tjösödawö̧ma, idöda damötjö̧ Egipto jojodönö juluwi̧ jawa webinadö jojodö deobetjöma, ju'wi juluwi̧ jawabi, ju'wi juluwi̧ jawabi webö, Egipto jojodö jwiinö usula tjemawinö webinadö, —jö̧ba̧lö yebabinö yötja̧lakwawinobe.