1 Samuel 4:2 - Dios Iwene

² Ja̧danö jobe janö, filisteo jojodötjö ölakwabikwawa jojodöma israel jojodötjö ölakwabikwawa jojodönö mebibö tjölakwabikwawinobe, ja̧danö tjölakwabikwawenama, israel jojodönö tjujuluwinobe, ja̧danö ölakwabikwawö israel jojodötjö ömadö cuatro mil jenanö kwabö lotjinobe.

1 Samuel 4:2 Iomraidhean Croise

Josué 7:12

Jo̧kwajabetjö̧, yötawinadanö baibajabe, tjöpöjojodö tjöba a'o tjö̧jobö tjujuluwokobe, ja̧danö tjöba a'otjö dötjibajobe. Isabenö yötawakwö, ajayinö Jerico jawa söbebö loköbaduwobö wetina jawa söbebö loköbaduwökötjö̧ma, la'akatjöda ökwödökwö ja̧nö pjatatökakwo̧sa, wetinadanö söbebö loköbaduwobö jo̧be.

1 Samuel 17:21

Ja̧danö, ichibonö, filisteo jojodöbi, israel jojodöbi isa'bakwena tjöjamatinobe, tjölakwabikwawobö.

1 Samuel 17:8

Ja̧danö, jo̧ba Goliatma, ju'wedö filisteo jojodö tjö̧'dadetjö labebö, badeibö ja̧nö israel jojodö isa'banö ju̧kwadönö labinö jwöbeba̧lö yöa̧linobe: —Tajawedö okobe deinö isa'banö kwölakwabikwawaduwobö kwö̧jaduwobeda? Okobe deinö kwölakwabikwawaduwobö jwiobe, baikwö yöta̧la, Ötjöma inesö filisteo jojodötjö ölakwabikwawa luwo̧sa, ¿jö̧tö? Ja̧danö, ökwödöma Saul ömöayedöja, ¿jö̧tö? Jo̧kwajabetjö̧, baikwö ja̧do, filisteo jojodö ötjönö omudawö tjujunaja̧danö, ökwödöbi bakwo̧nö ölakwabikwawa luwo̧nö omudawö kwujunaduwo. Ja̧danö, omudawö junajadö, jo̧banö yutubajö wabekoena chö̧jobekwö ichobö weköbaduwo, jo̧bada ötjökwö ölakwabikwawobö.

1 Samuel 4:1

Ja̧danö, ju'wi mölȩ, israel jojodötjö ölakwabikwawa jojodöma filisteo jojodönö tjölakwabikwawobö tji̧'yinobe. Ja̧danö israel jojodöma Ebenezer mikwobe tjabakwa̧ löwötebiya otidö tjujuninobe, ja̧danö filisteo jojodöma jobe pjeanö Afec mikwobe tjabakwa̧ löwötebiya otidö tjujuninobe.

1 Samuel 4:10

Jejenö weawö̧, isabenö 'diinö ja̧nö tjölakwabikwawinobe filisteo jojodöma, ja̧danö israel jojodönö tjujuluwinobe. Isabenö ba̧jȩkwadönö kwabö lotjinobe filisteo jojodöma, israel jojodötjö ömadö treinta mil jenanö kwabö lotjinobe, ja̧danö israel jojodötjö ji̧bajadöma döbibajö tjejukwena tjȩwa̧ji̧nobe.

1 Samuel 4:3

Ja̧danö, jejenö balediawö̧, tjö̧jemi Ebenezerbe tjȩwa̧bijenama, israel jojodötjö luwedöma baikwö yötja̧lakwawinobe: —Tajawedö jejenö ökwödönö tjujuluwobö weajö Isabenö Jo̧ma, tajawedö filisteo jojodö ökwödönö tjujuluwobö weajö? —jö̧ba̧lö o̧'wo tjoachö yötja̧lakwawinobe. Ja̧danö, yöba̧lakwawö yötja̧linobe, —Baikwö ja̧do, filisteo jojodönö dujuluwobö, Silo comunidadnö jȩju Dios ejutjö, Isabenö Jo̧ weinapjo, Dios domulataja jawa weina a̧ja̧pjo ichejebö kwedato, ja̧danö jejenö kwedatitjöma Isabenö Jo̧ma dö̧'da̧de ja̧nö döpöjojodönö dujuluwobö weakwo̧, —jö̧ba̧lö.