1 Samuel 4:17 - Dios Iwene

¹⁷ Abebö a̧ja̧kwökwe yöbawö ichajo̧ma atadö yöawinobe, —Filisteo jojodöma ba̧jȩkwadö ökwödö israel jojodönö kwabö lotjajabeta, ja̧danö tjöba a'otjö dödibajabeta, ja̧danö ju'wibi kwitji̧mu Ofnibi Fineesbi ö'wö batjibajabeta, ja̧danö ju'wibi, isapjo Dios iteapjo do̧tjatajabeta, —jö̧ba̧lö yöawinobe.

1 Samuel 4:17 Iomraidhean Croise

1 Samuel 2:34

Ja̧danö baikwö kwöwaisakwo̧ja Eli, yötawi̧ wenema isabenö yötawobe jö̧ba̧lö, bakwöta möle, kwi̧tji̧mu Ofnibi, Fineesbi bakobe debö tji̧'yakwedö. Ja̧danö, jejenö yötawaja̧danö baibenama, ju'wibi öwaetjöda öwawakobe, okobe jwiinö ju'wi jaye kwömöledönö yötawaja̧bi isabenö baledakobe jö̧ba̧lö.

1 Samuel 3:11

Atadökwe Isabenö Jo̧ma Samuelnö yöawinobe baikwö: —Isabenö yötawakwö, ja'yubenö lekwajabetjö bemi israel nijinö labi̧ jawa chi̧sebakwo̧sa, chi̧sebakwa̧ wene a̧ja̧kwadöma yebabinö tjö̧bawadö batjibanö, isabenö yetjaibi̧ jawa chi̧sebakwo̧sa.

1 Samuel 3:12

Ja̧ chi̧sebakwa̧ mölȩ badekwachenama, isabenö Elinöbi, ömöledönöbi lȩtebocha, ja'yubebi junibökönö okobe jwiinö yötawinadanö badekwachinö.

1 Samuel 4:16

Ja̧danö Elinö yöbawö ichajo̧ma Elinö yöawinobe, —Ötjöma tjölakwabikwawelö ichajo̧sa, jobetjö döbibajo̧sa, —jö̧ba̧lö. Yöawökwe, Elima abebö a̧ja̧kwinobe, —Jau chitji̧, yöbawitjö, tjölakwabikwawaja̧ma dakwö baledaja̧da? —jö̧ba̧lö.

1 Samuel 4:18

Elima jwiinö pöe ö̧jinobe, ja̧danö jwiinö o̧tewo̧ ö̧jinobe. Ja̧danö jejenö Dios iteapjo do̧tjatajabeta jö̧ba̧lö a̧ja̧kwenama, Elima o̧'wo tjo̧achö iteakatjö ökömakwö meinobe, ja̧danö mebö ulumea 'deawinobe, ja̧danö ö'wö baibinobe. Jwiinö pöe ö̧jobetjö̧, ja̧danö jwiinö ömöko̧obetjö̧, 'debawö ö'wö baibinobe. Ö'wö baibakwa̧ abönö, jo̧ba Elima cuarenta o̧biya baledibanö israel jojodönö jwebeba̧lö jina.