1 Samuel 4:12 - Dios Iwene

¹² Ja̧danö, i̧ya̧da möle bakwo̧ israel jojo, Benjaminsaso jojoma, tjölakwabikwawelö Silobe döbibajö ö'öakwawinobe. Jo̧bama ö̧ka̧miji̧do̧ kȩekwö, uunö nijisjopja̧ wanawö, ichibinobe, isabenö o̧'wo tjo̧acho̧sa jö̧ba̧lö.

1 Samuel 4:12 Iomraidhean Croise

2 Samuel 1:2

Jemi ikenama, dötölataja möle baledibajenama, Saul ömöayedö ölakwabikwawa jojodö tjö̧jinelö bakwo̧ David ö̧jobekwö ichibinobe. Jo̧bama kamiji̧do̧ kȩ'ekwö, uunö niji̧so̧pja̧ wanawö o̧'wo tjo̧achi̧ isȩbö ichibinobe, ja̧danö ichibajo̧, David öba a'o bȩbachibö öbamatinobe, Inesö la'aka chuluwo̧ja, jö̧ba̧lö.

2 Samuel 13:19

Ja̧danö, jo̧'wo tjo̧achö, ja̧do̧ ödöado̧ kȩ'ekwö lojinobe Tamarma, ja̧danö ökwölaso̧pja̧ juunö jöwaninobe, ja̧danö juu do̧ba̧lakwawö, labinö budekwiabö jȩwa̧jinobe.

2 Samuel 15:32

Ja̧danö, mösa'o wa̧pekwa'o Diosnö iyawemibe ichibenama, jobe arquita jojo Husay mikwo̧no öbadekwajinobe, o̧'wo tjoachö, ökamiji̧do̧ kȩ'ekwö, uunö ökwölaso̧pja̧ wanawo̧nö.

Diosnö ösödo̧ Job mikwo̧ usula emawina jawa 2:12

Ja̧danö, ichibö, ja'yubenö ödötjö Jobnö tjedenama, wainö ichejekwiawö̧ jo̧banö wajwitjökwedanö ichejekwinobe, jwiinö usulaso̧ ö̧jobetjö̧. Ja̧danö ichibö, o̧'wo tjo̧achö labinö tjubudekwinobe, ja̧danö tjö̧ka̧misi kȩ'ekwö lotjinobe, ja̧danö nijiso̧pja tjuubiyanö tjöwanawinobe, —Dömöledöso̧ Jobnö jwiinö o̧'wo tjo̧achadösa, —jö̧ba̧lö.

Josué 7:6

Ikenama, jejenö balediawö̧, Josuebi, ju'wedö israel jojodötjö luwedöbi jwiinö o̧'wo tjo̧achö tjökamiji̧do̧ kȩ'ekwö lotjinobe, ja̧danö Isabenö Jo̧ iteapjo öba a'o tjöba nijakwö tjöbamatinobe, ja̧danö jobe tjö̧binobe, yi̧ibena baibanö. Ju'wibi, nijiso̧pja tjuunö tjöwaninobe, jwiinö do̧'wo tjo̧bekwadösa jö̧ba̧lö.