1 Samuel 30:4 - Dios Iwene

^4-5 Okobe deinö David ömöayedö tji̧lȩkwamunöbi, tji̧tji̧munöbi, David ilekwamu Ahinoamnöbi Abigailnöbi do̧batö tjö̧naukwinobe amalecita jojodöma, ja̧danö jejenö balediawö̧, Davidbi ömöayedöbi labinö tjubudekwinobe, tjubudekwobö tjujulu 'dö̧ibajenanö kabatö.

1 Samuel 30:4 Iomraidhean Croise

Jueces 2:4

Jejenö angeldanö ichejekwö Isabenö Jo̧ yöawiawö̧, Israel jojodöma tjo̧'wo tjo̧achinobe, ja̧danö labinö tjubudekwinobe.

Jueces 21:2

Ja̧danö, Benjaminsaso jojodönö söbebö lotjaja̧ ikenama, okobe deinö israel jojodöma yemidanö Betel comunidadbe tji̧'yinobe, Dios öba a'o yemidanö tjö̧jobö. Ja̧danö, jobe ba̧nö, möle baledibanö Dios öba a'o tjo̧'wo tjoachö tjubudekwinobe, Benjaminsaso jojodönö omukwatö.

1 Samuel 11:4

Jejenö yöba̧lajadö, israel niji ba̧kwemeachibanö wetjinobe yöbawadönö, wene tjujuna̧li̧ yötjawakwedönö, ja̧danö Saul itebo Guibeabe ichibö, jemi ju̧kwadö tjöba a'o yötjawinobe Nahas mikwo̧ jobadönö yöa̧li̧ma, ja̧danö yötjawawö̧, okobe deinö jojodöma labinö tjubudekwinobe, —Jabesnö ju̧kwadö dömöledöwe, —jö̧ba̧lö.

1 Samuel 30:3

Jo̧kwajabetjö̧, Davidbi ömöayedöbi ichibö, tjöwaisachibinobe, jelobe dö̧jonö döpöjojodöma ichibö dilekwamunöbi, di̧tji̧munöbi naukwö tjemajabetija, ja̧danö dejubiya tjujuwajabetija jö̧ba̧lö.

1 Samuel 4:13

Ja̧danö, jobe ichibenama, Elima mana ö'öbö iteakanö wa̧nö iteada̧linobe, ja̧danö teada̧lö, omajade tjö̧bawö yebabinö iteada̧linobe, —Dios iteapjoma, dakwö baledobejö, —jö̧ba̧lö. Ja̧danö, jojo tjölakwabikwawelö ichajo̧ ichibö, comunidad jojodönö baledaja̧ yöawenama, okobe deinö comunidad ju̧kwadöma tjo̧'wo tjo̧achö jwötjeba̧linobe,