1 Samuel 3:2 - Dios Iwene

² Ja̧danö, ju'wibi Elima, ida̧ökö pöe waekwö, otiwanöma edinokobe, öbajalebiyama ida̧ökö öbalajale tjewawo̧ baibanö ö̧jinobe. Ja̧danö, ju'wi yö̧te, Eli ida̧ökö iteda abȩko̧nö abena, baikwö baledinobe:

1 Samuel 3:2 Iomraidhean Croise

Génesis 27:1

Ja̧danö, Isaac, jwiinö pöe bo̧ma öbajale tjewawachinökwe. Ju'wi möle itji̧nö, abönö pöenö Esaúnö jwöbijetö ichobö. Ichajo̧nö jö̧ba̧lijetö: —Chitji̧— jö̧a̧lökwe: —Chabe'do, yöba̧li cha̧ja̧kwo— atadijetö Esaúma abe'donö. Ja̧danö, Isaacma jö̧ba̧lijetö:

Génesis 48:10

Ja̧danö, Jacobma öbajale otiwanö edijökötö pöeobetjö̧. Jo̧kwaobetjö̧ Joséma i̧tji̧munöma yö̧ne i̧sebijetö, abe'do ö̧bobekwö. Yöne jamatadönö wo̧batö du̧batijetö Jacobma, José i̧tji̧munöma.

Génesis 48:19

Jo̧kwaijayonö abe'doma öpöjödö jö̧ba̧lijetö: —Chöwaisa chitji̧. Jweinö omukwatö chöwaisamunö 'biteba̧la bajaliya luwo̧ Efraímnö uunö. Öpöe Manaséstjö tupadanö jojodöma tjö̧ba̧jekwachakobe, tjitebonö tjuju̧kwakwedöma. Jo̧kwaijayonö Efraímtjö tupadanö jojodöma Manaséstjö tupadanö jojodötjö̧ o̧penönö tjö̧ba̧jekwachakobe. Jobadö Efraímtjö tupadanö jojodöma jwiinö ba̧jekwachö tjuju̧kwakwedö, bakwaso jojodökwena, okobe jwiinö böjȩnö tjitebotenia— yöba̧lijetö Jacobma Josénö.

1 Reyes 14:4

Weoko, jilekwe weaja̧danö ja̧jinobe Jeroboan ilekwoma, ja̧danö Silo comunidadbe ji̧'yinobe, Ahias ejube. Ja̧ möle Ahiasma jwiinö pöe ö̧jinobe, jadanö jwiinö pöe ö̧jobetjö̧, ida̧ökö öbajale tjewawo̧ ö̧jinobe.

1 Samuel 2:22

Elima jwiinö pöe baibinobe. Ja̧danö, pöe ja̧nö, Eli̧ma iteda i̧tji̧mu sulabenö ja̧bö tjö̧ji̧ wene a̧ja̧kwiainobe, baikwö: —Eli i̧tji̧mu Diostjö jojodötjö tjö'da̧de pjabatadöma isabenö sulabenö ja̧badö israel jojodönö, ja̧danö ju'wibi Dios eju apjude pjeanö otidadö ya̧dönö sulabenö 'da̧'da̧bö ju̧kwadötö, —jö̧ba̧lö a̧ja̧kwinobe Elima.

1 Samuel 4:15

Ja̧ mölȩma Elima ida̧ökö jwiinö pöe ö̧jinobe, ida̧ökö noventaiocho o̧bia ujuna̧linobe Elima, ja̧danö ida̧ökö öbajale tjewawo̧ ö̧jinobe.