1 Samuel 3:19 - Dios Iwene

¹⁹ Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.

1 Samuel 3:19 Iomraidhean Croise

Génesis 21:22

Ja̧danö, ju'wi möle la'aka luwo̧ Abimelecma, guardia tjuluwo̧ Ficol mikwo̧kwö 'yi̧jetö Abraham ö̧jobekwö. 'Ya̧jo̧ ichibö jö̧ba̧lijetö Abrahamnöma: —Abraham, chedemi Diosma ökwökwö pjabatö ö̧jobe, okobe jwiinö kwö̧ji̧ma.

Génesis 28:15

Ina yöbawijetö: —Jacob a̧ja̧kwitjö. Ötjöma ökwökwö jo̧sa. Ba̧kwȩlö̧jatebö ökwönö chite'ada̧lakwo̧sa okobe jwiinö kwi̧'yobema. Ja̧danö, ju'wi möle bemi nijinöma ökwönö tjetatakwo̧sa. Isabenö ökwönö junibö̧kö̧sa Isaac. Ja̧danö okobe jwiinö ötjö chiwene yöbawö chujuni̧danö badekwachakobe— yöbawijetö Isabenö Jo̧ Diosma Jacobnö, i̧'wi̧dinö.

Génesis 39:2

Ja̧danö, Isabenö Jo̧ Diosma Josénö pjabatö ö̧jobetjö̧ Joséma uluwo̧ Potifar ejunö ja̧nö okobe jwiinö otidi̧ma otiwijetö.

Génesis 39:3

Ja̧danö, uluwo̧ma Josénö edö, Chedemi Isabenö Jo̧ Diosma bitenö pjaatobe, okobe jwiinö otidi̧ma otiwanö ji̧nö, jö̧ba̧lö, omukwatijetö.

1 Reyes 8:56

—Chömöledö, isabenö mikwawo̧ Isabenö Jo̧ma, otiwo̧ja jö̧ba̧lö jo̧banö dösödobö. Jau chömöledö, yöbawö ujuninadanö, iteda ömöledö israel jojodö 'diinö ja̧nö, wene jwiinö dö̧jobö pjaatajabe. Damötjö̧ Moisesnötjö̧ da'dödönö yöbawö ujunina jawama, bakwöta jawabi waekwökönö, okobe jwiinö badekwachinö pjaatajabe chömöledö, isabenö jo̧banö dösödobö jo̧be.

2 Reyes 10:10

Isabenö baikwö yötawaduwakwö, bi̧ya baledaja̧ edö, kwöwaisaduwobö jo̧be, okobe jwiinö Isabenö Jo̧ yöawina, Acab ömöledönö baledakwa̧ jawa Isabenö Jo̧ yöawinama, isabenö okobe jwiinö badekwachakobe. Jau, yöawina jawa, iteda ömöayo̧ Eliasnötjö yöawina jawatjö, bakwöta jawabi waekwökönö, okobe jwiinö badekwachakobe, —jö̧ba̧lö yöa̧linobe Jehuma.

2 Reyes 15:12

Ajayinö Zacarias a'dömine Jehu israel la'aka luwo̧ baibenama, Isabenö Jo̧ma Jehunö yöbawö ujuninobe, —Ökwö kwitji̧mu tupadanö jojodöbi luwedö tjö̧jobö wetakwo̧sa, kwitji̧bi, kwö̧'dö̧bi, kwö̧'dö itji̧bi, kwö̧'dö̧ ö̧'döbi inesö la'aka luwedö batjibanö, la'aka luwo̧ iteakanö tjöbamatobö chiyakwo̧sa, —jö̧ba̧lö yöbawö ujuninobe Isabenö Jo̧ma. Ja̧danö, Isabenö Jo̧ yöawi̧ badekwachinö, baledinobe.

2 Reyes 22:16

Isabenö Jo̧ma baikwö yöawobe, Isabenö yötawakwö, bemi comunidadbi, comunidadnö ju̧kwadönöbi isabenö labinö lȩtebakwo̧sa. Ökwö Juda la'aka luwo̧ma yöba̧lö kwedajabe, lȩtebakwa̧ wenema, ja̧danö isabenö yöka̧laja̧danö badekwachinö baledakobe.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

Isaías 44:26

Jobekwö bö̧jȩ jojodö waisadösa jö̧ba̧lö tjomukwati̧ waekwobö webo̧sa, jo̧kwaijayonö ötjöda chömöayedö, ötjöda yötawi̧ yöbawadö yötjawi̧danö badekwachobö webo̧sa. Jau, wetawö̧, —Isabenö yemidanö Jerusalen comunidadnö tjö̧jakwedö, ja̧danö Juda niji comunidadbiyama, yemidanö tjotidakwedö, —jö̧ba̧lö yöbawadö tupakwö baledakwa̧ma, ja̧danö yötjawi̧danö badekwachinö webo̧sa.

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

Lucas 1:28

Gabrielma jobujunö öwawachinobe, ja̧danö öwawachö yöawinobe: —Dios otiwanö pjaatokoja María, dokwa. Diosma isabenö ökwökwö jo̧— jö̧ba̧lö.

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Lucas 2:40

Ja̧danö tjemuma öda̧peachinobe, ja̧danö ujuluwachibinobe, ja̧danö waisakwawa öwaisachibinobe, ja̧danö Diosma jo̧banö ösödö otiwanö pjaatinobe.

Lucas 2:52

Ja̧danö Jesúsma otiwanö da̧peachöbi öda̧peachinobe, waisakwawa waisachöbi otiwanö öwaisachibinobe. Jo̧kwajabetjö̧ Diosbi, jojodöbi otiwanö omukwatö Jesúsnö tjösödinobe.

2 Corintios 13:11

Tjo̧wi̧ta chömöledö, böja kwialusöja katatakwa̧ abönö, baikwö bajaleapo bakwamu jawa yötawiba chömöledö. Kwo̧'wo̧ luwo̧ ösöwachibanö kwö̧jaduwo, ja̧danö sulabenö ja̧bö kwö̧jaduwi̧ jwekekwaduwo, ja̧danö bakwo̧nökwena kwujuluwachibaduwobö pjakatakwawaduwo, ja̧danö kwömöledö Jesúsnö ösödadökwö bakwainö omukwatö kwö̧jaduwo, ja̧danö wene jwiinö kwö̧jaduwo chömöledö. Jau chömöledö, jejenö ja̧bö kwö̧jaduwo, ja̧danö jejenö ja̧bö kwö̧jaduwiökwe isabenö Diosma ökwödökwö ö̧jakwo̧. Jau chömöledö, Diosda dömöledönö ösödabikwawö dö̧jobö pjabato̧ma, ja̧danö dömöledökwö wene jwiinö dö̧jobö pjabato̧ma chömöledö, ja̧danö jo̧bama ökwödökwö ö̧jakwo̧.

Deuteronomio 18:22

Baikwö yötawaduwakwö jobadönö kwöwaisaduwakwa̧ma chömöledö: Bakwo̧ isabenö Dios yöawi̧ yöawitjö̧ma, isabenö baledakwa̧ yöawi̧danö baledakobe. Jo̧kwajabetjö̧ bakwo̧, –Ötjöma Isabenö Jo̧ yöawi̧ yötawakwö, tupakwö baledakwa̧ baikwö yöawajabe, –jö̧ba̧lö yöawijayonö, yöawaja̧danö baledökötjö̧ma, jo̧banö kwöwaisaduwakwedöja, –Bitema omöna yöba̧lo̧, Isabenö Jo̧ yöawi̧ yöbawo̧sa jö̧a̧lijayonö, omöna yöa̧lajabe, Dios yöawajökö jawada yöawajabe, –jö̧ba̧lö kwöwaisaduwena. Ja̧danö, jejenö kwöwaisaduwobetjö̧, jo̧banö yekabiduwobö jwiakobe, —jö̧ba̧lö yöawinobe Moisesma, israel jojodönö.

2 Timoteo 4:22

Duluwo̧nö ateba, ökwökwö ja̧nö kwo̧'wo̧ luwo̧nö pjaatobö. Duluwo̧ ökwönöbi, ökwökwö ju̧kwadönöbi lȩlö̧jinö edobö chösöda. Biya̧data.

Josué 21:45

Isabenö okobe jwiinö Isabenö Jo̧ israel jojodönö yöbawö ujunina jawama, yöawinadanö badekwachinö pjaatinobe. Yöbawö ujunina jawatjö bakwöta jawabi waekwinokobe, okobe jwiinö yöawinadanö badekwachinobe, ja'yubebi waekwökönö.

Jueces 13:24

Ja̧danö, Dios yöawaja̧danö, Manoa ilekwoma jitji̧nö jeminobe, ja̧danö jitji̧nö tjimidinobe Sanson jö̧ba̧lö. Ja̧danö, Sansonma otiwanö ö̧da̧peachinobe, ja̧danö Isabenö Jo̧ma otiwanö pjaatinobe Sansonnö.

1 Samuel 10:7

Jejenö yötawaja̧danö baledaja̧ ikenama, otiwanö ja̧köbo jö̧ka̧li̧danö ja̧bi, ja̧danö isabenö Diosma ökwönö pjaatakobe.

1 Samuel 12:2

Edaduwi, omudawö chujunajökwenö, bite Saulda, kwöba a'oduwi ö̧ja kwuluwo̧duwima. Ötjöma ida̧ökö pöesa, chöwö'yebi ida̧ökö dewökwesa, ja̧danö ötjö chitji̧mu ömadöma kwö̧'da̧deduwi ja̧dö. Kwöwaisaduwa chömöledö, möayo̧ chö̧jayitjö baikwö bajalenö kwuluwo̧duwidanö ja̧nö ökwödönö jwebebö chö̧jajabe, ¿jö̧tö?

1 Samuel 16:18

—Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

1 Samuel 18:12

Davidnö edö, ja̧danö Dios Davidnö pjaati̧ edö, Saulma öwaisachibinobe, —Isabenö Jo̧ma Davidkwö jo̧, —jö̧ba̧lö. Ja̧danö, Dios O̧'wo Luwo̧ Saulkwö jö̧könö, Davidkwöda ja̧nö pjaatiökwe, Saulma Davidnö yeabinobe, —Bitema la'aka luwo̧ chö̧bi̧ 'döebena, —jö̧ba̧lö.

1 Samuel 18:14

Isabenö Jo̧ otiwanö Davidkwö ja̧nö pjaatobetjö̧, okobe jwiinö ölakwabikwawö ö̧ji̧ma, waekwökönö otiwanö ujuluwinö ölakwabikwawinobe.

1 Samuel 18:5

Ja̧danö, Saul ömöayo̧ ölakwabikwawa jojo ja̧nö, Davidma okobe jwiinö Saul wei̧ otiwanö otidinobe. Ja̧danö, kabatökönö ju'wedönöbi, ju'wedönöbi ölakwabikwawö ujuluwobö weena, otiwanö waekwökönö ujuluwinobe Davidma. Jo̧kwaiökwe, Saulma Davidnö ösödö ujuninobe, ölakwabikwawa jojodötjö la'aka tjuluwo̧ baibanö. Ja̧danö, ja̧ Davidnö luwo̧ baibanö ujunaja̧ edö, okobe deinö jojodöbi, ju'wedö Saul ömöayedöbi edö tjösödinobe, —Otiwanö Davidnö ujunajabe, —jö̧ba̧lö.

1 Samuel 2:21

Ja̧danö, Eli aebi̧danö pjaatinobe Isabenö Jo̧ma, Ananö lȩlöinö edö, ji̧tji̧mu ömadönö wamedukwanöbi, ji̧tji̧mu ya̧dönö du̧ju̧tajanöbi 'yajebinobe. Ja̧danö, jitji̧ Samuelma Isabenö Jo̧ öba a'o ja̧nö ö̧da̧peachinobe.

1 Samuel 2:26

Ja̧danö, Samuelma otiwanö öda̧peachinobe, ja̧danö Isabenö Jo̧ öba a'otjöbi, jojodö tjöba a'otjöbi otiwanö ja̧bö ö̧jiawö, Diosbi jojodöbi Samuelnö tjösödinobe, otiwanö ja̧bö jo̧ jö̧ba̧lö.

1 Samuel 9:6

Jöa̧lökwe, Saul ömöayo̧ma atadinobe, —Jejenömaökö chuluwo̧, teada̧li, bai bi̧ya comunidadnö bakwo̧ ö̧jobe, Dios ömöayo̧ma, jojodö –Jweinö yöba̧lo̧, –jö̧ba̧lö otiwanö tjo̧mukwatökwema. Jo̧bama isabenö jweinö yöbawo̧, okobe jwiinö tupakwö baledakwa̧ jawa yöawi̧ma, isabenö yöawaja̧danö baledajiobe. Jo̧kwajabetjö̧, dȩwa̧jakwa̧ abönö, jo̧banö abebö da̧ja̧kwaduwajo, jweinö disakwakwa̧ yöawojobö jö̧ba̧lö.